1 Samweli 13:3 - Bibliya Yera 1951 1967 (Burundi)

³ Bukeye Yonatani atera abo mu nsago z’ Abafilisitiya i Geba, arabatsinda; abandi Bafilisitiya baravyumva. Maze Sauli avugisha inzamba mu gihugu cose, kugira ngw Abaheburayo bavyumve.

1 Samweli 13:3 ပူးပေါင်းရင်းမြစ်များ

2 Samweli 2:28

Nuko Yowabu aca avuza inzamba, abantu bose barahagarara, ntibakomeza gukurikirana Abisirayeli canke kubarwanya ukundi.

2 Samweli 20:1

Hār’ umuntu w’umugesera yitwa Sheba, mwene Bikuri Umubenyamini; aca avuza inzamba, aravuga, ati Dawidi nta co tumwegako, nta mugabane dufise kuri mwene Isayi: yemwe Bisirayeli, hogi twitahire, umuntu wese aje i muhira!

2 Samweli 23:14

Ico gihe Dawidi yari mw isenga, kandi har’ insago z’Abafilisitiya i Betelehemu.

Yesaya 10:29

baserutse hejuru ku kavōvo, barāye i Geba: ab’ i Rama bafashwe n’agatengo, ab’ i Gibeya ho kwa Sauli barahunze!

Zekariya 14:10

Igihugu cose kizohinduka ikiyaya, uhereye i Geba ugashitsa i Rimoni ahahera i bumanuko bg’ i Yerusalemu: kandi Yerusalemu hazoshirwa hejuru habe aho hāhoze, uhereye kw irembo ry’igisagara ryitwa irya Benyamini, ugashitsa ah’ irembo rya mbere ryāhoze, ugashitsa no kw irembo ryo ku nkokora, kand’ uhereye ku munara w’amabuye wa Hananeli ugashitsa ku māto yimbge hasi baganiramwo vino z’i bgami.

Yosuwa 18:24

na Kefaramoni na Ofuni na Geba: ivyo bisagara vyose na vyose vyar’ icumi na bibiri, bifise imihana ibikūkira;

Yosuwa 21:17

Kandi ku vy’ umuryango w’Ababenyamini batanga Gibeyoni n’i Geba,

Abacamanza 3:27

Ashitseyo, avugisha inzamba mu mugamba w’Abefurayimu: Abisirayeli bamanukana na we bavuye mur’ uwo mugamba, abagiye imbere.

Abacamanza 6:34

Mpwemu w’Uhoraho aza kuri Gideyoni; aca avuza inzamba, maz’ Ababiyezeri bakoranira kuri we.

1 Samweli 10:5

Hanyuma urashika ku musozi w’ Imana, ahar’ iboma y’Abafilisitiya; ni washika mur’ ico gisagara, uja guhūra n’agakama k’abavugishwa n’Imana bamanuka bavuye ahēra ho ku mpinga y’umusozi, bafise amakembe n’udushāko tw’ingoma n’imyironge n’inanga bigenda biravugira imbere yabo; uja gusanga bariko baravugishwa n’Imana.

1 Samweli 13:16

Nuko Sauli na Yonatani umuhungu wiwe n’abari kumwe na bo baguma i Geba h’i Bubenyamini; arikw Abafilisitiya bāri bashagaje i Mikimashi.