1 Samweli 12:18 - Bibliya Yera 1951 1967 (Burundi)

¹⁸ Nuko Samweli asaba Uhoraho; maz’ uwo musi nyene Uhoraho arekura imvura irimw’ imituragaro; abantu bose baca bagirira Uhoraho na Samweli ubgoba bginshi.

1 Samweli 12:18 ပူးပေါင်းရင်းမြစ်များ

1 Abami 18:42

Nuko Ahabu aradūga, aja gufūngura. Eliya na we aradūga, aja ku mpinga y’uwo musozi Karumeli, arunama ashika hasi, acurika umutwe mu maguru.

Ezira 10:9

Nuko mur’ iyo misi itatu Abayuda n’Ababenyamini bose bari bamaze gukoranira i Yerusalemu; hāri ku musi ugira mirongwibiri w’ukwezi kw’icenda; abantu bose bagandagaza ku kibuga imbere y’ ingoro y’Imana, bahindishwa agashitsi n’ivyo, kandi n’uko hāri n’ imvura nyinshi.

Yobu 37:13

Ni yo ibirungika, ari bga nkoni ihanisha igihugu cayo, Cank’ ar’ uguhesha umugisha.

Zaburi 99:6

Mose na Aroni bo mu baherezi biwe, Na Samweli wo mu bambaza izina ryiwe, Bārambaza Uhoraho, akabishura.

Kuvayo 14:31

Nukw Abisirayeli babona ibihambaye Uhoraho yakoreye Abanyegiputa: baca batinya Uhoraho, baramwizera, bo n’umusavyi wiwe Mose.

Yosuwa 10:12

Ku musi Uhoraho yagabuye Abamori mu maboko y’Abisirayeli, Yosuwa abarira Uhoraho, maz’ avugira imbere y’Abisirayeli, ati Zuba, hagarara kuri Gibeyoni; nawe kwezi, hagarara mu kiyaya Ayaloni.

Yosuwa 4:14

Kur’ uwo musi Uhoraho akuza Yosuwa imbere y’Abisirayeli bose, baramwubaha imisi yose yamaze akiriho, nk’uko bubaha Mose.