1 Samweli 10:6 - Bibliya Yera 1951 1967 (Burundi)

⁶ Maze Mpwemu w’Uhoraho aca akuzako akābushūngwe, nawe akuvugishe hamwe na bo, uce uhinduka ukundi, ube umuntu musha.

1 Samweli 10:6 ပူးပေါင်းရင်းမြစ်များ

Guharūra 11:17

Nanje mpava mmanuka, mbonanireyo nawe; nābīre ku mpwemu iri kuri wewe, ndayishire kuri bo; na bo bazofatanya nawe uwo mutwaro w’abantu, ureke kugenda uwuteruye wenyene.

Guharūra 11:25

Uhoraho amanuka ari muri ca gicu, amubarira amajambo, araheza yābīra ku mpwemu iri kuri Mose, ayishira kur’ abo bakuru mirongwirindwi: maz’ iyo mpwemu ibahagazeko baca bavugishwa n’Imana, ariko bagarukirizaho.

Guharūra 11:26

Arikw aho bashagaje hāri hasigaye abagabo babiri, umwe yitwa Elidadi, uwundi yitwa Medadi: iyo mpwemu ibahagararako na bo. Kandi bari mu gitigiri c’abanditswe, ariko ntibari bavuye aho bari ngo baje kuri rya hema; nuko bavugishirizwa n’Imana aho nyene aho bashagaje.

Guharūra 11:29

Mose aramubaza, ati Ni jewe ufitiye ishaka? Icompa abantu bose b’Uhoraho bakaba abavugishwa na we, Uhoraho akabashirakw impwemu yiwe!

Matayo 7:22

Benshi bazombgira kuri wa musi, ngo Mwami, Mwami, ntitwavugishwa n’Imana mw izina ryawe, ntitwasenda abadayimoni mw izina ryawe, ntitwakora ibitangaza vyinshi mw izina ryawe?

Abacamanza 14:6

Maze Mpwemu w’ Uhoraho amuzako akābushungwe, arayitabagura nk’uwotabagura umwagazi w’impene, kandi yar’ imbokoboko. Ariko ntiyabgira se canke nyina ico akoze.

Abacamanza 15:14

Ashitse i Lehi, Abafilisitiya bamusanganiza urwamo. Maze Mpwemu w’Uhoraho amuzako akābushūngwe, imigozi yar’ imuboshe amaboko ihinduka nk’ubugwēgwe bufashwe n’umuriro; ivyari bimuboshe ku bikonjo biravutagurika.

Abacamanza 3:10

Mpwemu w’Uhoraho amuzako, ahinduka umucamanza w’Abisirayeli. Bukeye aja gutera, maz’ Uhoraho amugomorera Kushani‐rishatayimu uwo mwami w’i Aramu‐naharayimu, aramunesha.

1 Samweli 10:10

Nuko bashitse kuri wa musozi, abavugishwa n’Imana b’agakama bahūra na we; maze Mpwemu w’Uhoraho amuzako akābushūngwe, avugishwa hamwe na bo.

1 Samweli 10:9

Akirora irya avuye aho Samweli ari, Imana imuha umutima musha: maze kur’ uwo musi nyene vya bimenyamenya vyose birashika.

1 Samweli 11:6

Sauli yumvise ivyo, Mpwemu w’Imana amuzako akābushūngwe, uburake bgiwe buca buraziriringa;

1 Samweli 16:13

Nuko Samweli aca yābīra rya hembe ry’amavuta, ayamusukako bakuru be bamukikije. Kuva uwo musi Mpwemu w’Uhoraho yama aza kuri Dawidi akābushūngwe. Nuko Samweli arahaguruka, asubira i Rama.

1 Samweli 19:20

Nuko Sauli atuma abantu gufata Dawidi: bashitseyo, basanga abavugishwa n’Imana b’agakama bariko baravugishwa, na Samweli ahagaze ngaho nk’umukuru wabo; maze Mpwemu w’Imana aza kur’ izo ntumwa za Sauli, na zo zica ziravugishwa.