1 Samweli 10:5 - Bibliya Yera 1951 1967 (Burundi)

⁵ Hanyuma urashika ku musozi w’ Imana, ahar’ iboma y’Abafilisitiya; ni washika mur’ ico gisagara, uja guhūra n’agakama k’abavugishwa n’Imana bamanuka bavuye ahēra ho ku mpinga y’umusozi, bafise amakembe n’udushāko tw’ingoma n’imyironge n’inanga bigenda biravugira imbere yabo; uja gusanga bariko baravugishwa n’Imana.

1 Samweli 10:5 ပူးပေါင်းရင်းမြစ်များ

1 Abami 18:29

Maz’ igihe c’amashōka kirenze, batangura kuvovota, gushitsa igihe kigeze co gutanga ikimazi ca ni kera; ariko ntihagira ijwi ribītaba, cank’ ikibishura, cank’ ikibababara.

2 Abami 2:15

Maze bamwe b’i Yeriko biga ivy’ ukuvugishwa, bār’ aharābana na we, baravuga, bat’ Impwemu ya Eliya iri kuri Elisa. Nuko baraza, baramusanganira, bakubita inkoro hasi imbere yiwe.

2 Abami 2:3

Bashitseyo, abīgishirizwa i Beteli ivy’ ukuvugishwa baza gusanganira Elisa, baramubaza, bati Harya urazi yuk’ uyu musi Uhoraho agiye kukwaka shobuja? Arabishura, at’ Ego me ndabizi, ariko ni mupfe gucereza.

2 Abami 2:5

Bashitseyo, abīgishirizwa i Yeriko ivy’ ukuvugishwa baza kuri Elisa baramubaza, bati Harya urazi yuk’ uyu musi Uhoraho agiye kukwaka shobuja? Arabishura, at’ Ego me ndabizi, ariko ni mupfe gucereza.

2 Abami 2:7

Maz’ abantu mirongwitanu mu biga ivy’ ukuvugishwa baragenda bahagarara kure aharābana na bo, abo bompi bagihagaze kuri Yorodani.

2 Abami 3:15

Ariko noneho nzanira umuvuzi w’inanga. Uwo muvuzi w’inanga ashitse, atanguye kuvuza, ukuboko kw’Uhoraho kuza kuri Elisa;

2 Abami 4:38

Hanyuma Elisa asubira i Gilugali; ico gihe hari harateye inzara mu gihugu. Maz’ abiga ivy’ ukuvugishwa bicaye imbere yiwe, abarira umuntu wiwe, ati Tereka ya nkono nini ku ziko, utekere imboga aba biga ivy’ ukuvugishwa.

2 Abami 6:1

Bukeye abiga ivy’ ukuvugishwa babarira Elisa, bat’ Ehe rāba, aho tuba haratwāgiye, nk’ uko nawe ubibona.

1 Ivyo ku Ngoma 11:16

Ico gihe Dawidi yari mw isenga, kandi hār’ insago z’Abafilisitiya i Betelehemu.

1 Ivyo ku Ngoma 13:8

Dawidi n’Abisirayeli bose bagenda biyereka biginagura, bar’ imbere y’Imana, baririmba, bavuza inanga n’amakembe n’udushāko tw’ingoma n’ ivyitwa matowazi n’inzumbete.

1 Ivyo ku Ngoma 16:42

Kandi Hemani na Yedutuni abo bāri n’ inzumbete n’ivyitwa matowazi vyo kuvuza, n’ibindi vyo kuvuza bijana n’indirimbo z’Imana. Kand’ ashiraho bene Yedutuni ngo barinde irembo.

1 Ivyo ku Ngoma 16:5

Abo yashizeho n’ aba: Asafu ni we yari mukuru, agakurikirwa na Zekariya na Yaziyeli na Shemiramoti na Yehiyeli na Matitiya na Eliyabu na Benaya na Obed‐edomu na Yeyeli, bafise amakembe n’inanga; kandi Asafu yar’ afise ivyo avuza vyitwa matowazi,

Zaburi 49:4

Ndabangira ugutwi umugani, Ubupfindo bganje ndabupfindurisha inanga.

Zaburi 92:3

Tuvugira inanga y’imirya cumi n’ikembe, Tukōmānza inanga.

1 Korinto 14:1

Mwirukire urukundo: yamara mwifuze cane ingabire za Mpwemu, cane‐cane kuvugishwa n’Imana.

1 Samweli 10:10

Nuko bashitse kuri wa musozi, abavugishwa n’Imana b’agakama bahūra na we; maze Mpwemu w’Uhoraho amuzako akābushūngwe, avugishwa hamwe na bo.

1 Samweli 10:4

Barakuramutsa, baguhe n’amarobe abiri, nawe uyākīre.

1 Samweli 13:2

Sauli yitoraniriza abantu mu Bisirayeli ibihumbi bitatu; muri bo, ibihumbi bibiri bāba kuri we i Mikimashi no ku musozi w’i Beteli; abandi igihumbi bāba kuri Yonatani i Gibeya h’i Bubenyamini; abasigaye arabacūra, umuntu wese yītāhira i we.

1 Samweli 13:3

Bukeye Yonatani atera abo mu nsago z’ Abafilisitiya i Geba, arabatsinda; abandi Bafilisitiya baravyumva. Maze Sauli avugisha inzamba mu gihugu cose, kugira ngw Abaheburayo bavyumve.

1 Samweli 19:20

Nuko Sauli atuma abantu gufata Dawidi: bashitseyo, basanga abavugishwa n’Imana b’agakama bariko baravugishwa, na Samweli ahagaze ngaho nk’umukuru wabo; maze Mpwemu w’Imana aza kur’ izo ntumwa za Sauli, na zo zica ziravugishwa.

1 Samweli 9:12

Barabishura, bat’ Ego me; nguyo ah’ imbere yanyu; ariko munyaruke: ni ho agishika mu gisagara, azanywe n’ukw abantu bagira batange ibimazi ku mpinga y’umusozi.