1 Samweli 10:24 - Bibliya Yera 1951 1967 (Burundi)

²⁴ Maze Samweli abarira abantu bose, ati Mbega murabona uw’ Uhoraho yatoranije, kw ata wuhwanye na we mu bantu bose? Abantu bose bashira akamo hejuru, bat’ Umwami n’ahangame.

1 Samweli 10:24 ပူးပေါင်းရင်းမြစ်များ

2 Samweli 16:16

Maze Hushayi Umwaruki, umukunzi wa Dawidi, ashikiriye Abusalomu, aramubarira, at’ Uragahora ku ngoma, uragahora ku ngoma!

2 Samweli 21:6

ni muduhe abantu ndwi mu bahungu biwe, tubamanike imbere y’Uhoraho i Gibeya, ahāri kwa Sauli uwo Uhoraho yatoranije. Umwami arabishura, ati Nzobabaha.

1 Abami 1:21

Arik’ utagize ico ukora ga mwami wanje nyen’ ingoma, ni wahamvya ba sogokuruza, twe n’umwana wanje Salomo bazotwita abagarariji.

1 Abami 1:25

Uyu musi ko yamanutse, akabāga inka n’amashūri y’ibitegetera n’intama vy’isinzi, agatumira abana bawe bose mugenzi, n’abagabisha b’ ingabo, na Abiyatari umuherezi; none bakaba bariko bararya, banywa, bar’ imbere yiwe, bavuga ng’ Umwami Adoniya n’ahangame!

1 Abami 1:34

maze Sadoki umuherezi n’ ūvugishwa n’Imana Natani baheze bamwimikishirizey’ amavuta, abe umwami w’Abisirayeli; maze muce muvuza inzamba, mut’ Umwami Salomo n’ahangame!

1 Abami 1:39

Umuherezi Sadoki araheza akūra ihembe ry’amavuta mw Ihema, ayimikisha Salomo; maze bavuza inzamba; abantu bose baravuga, bat’ Umwami Salomo n’ahangame!

2 Abami 11:12

Maze Yehoyada asohokana uwo mwana w’umwami, amwambika igitsibo c’ubgami amuha n’Ibishinga intahe. Nuko bamwimikisha amavuta, bamugira umwami; maze bakoma amashi, baravuga, bat’ Umwami n’ahangame!

2 Ivyo ku Ngoma 23:11

Maze basohokana uwo mwana w’umwami, bamwambika igitsibo c’ubgami, bamuha n’Ibishinga intahe, bamugira umwami. Yehoyada n’abahungu biwe bamwimikisha amavuta, baravuga, bat’ Umwami n’ ahangame!

Matayo 21:9

Kand’ ishengero rimugiye imbere n’irimukurikiye rirasemerera, riti Hoziyana, mwana wa Dawidi, hashemezwe ūje mw izina ry’Uhoraho, hoziyana mw ijuru.

Gusubira mu Vyagezwe 17:15

umwami muzoshiraho ntaz’ abure kuba uwo Uhoraho Imana yanyu azotoranya; uwo mwami muzoshiraho wo kubaganza az’ abe uwo mu b’i wanyu; ntimuze mushireh’ umunyamahanga ngw abe ari we abaganza, atar’ uwo mu b’i wanyu.

1 Samweli 11:15

Nukw abantu bose baja i Gilugali, bimikira Sauli imbere y’Uhoraho aho nyene i Gilugali, bahatangira ibimazi vy’ishimwe imbere y’Uhoraho: nuko Sauli n’Abisirayeli bose bahagirira akanyamuneza kenshi.

1 Samweli 12:1

Maze Samweli abarira Abisirayeli bose, at’ Ehe rāba, nabakoreye ivyo mwansavye vyose, mbimikiye umwami wo kubaganza.

1 Samweli 12:13

None rero, nguyo umwami mwitoranirije kandi mwasavye; Uhoraho abahaye umwami wo kubaganza.

1 Samweli 9:2

Kandi yar’ afise umuhungu mwiza w’umusore yitwa Sauli. Nta n’umwe mu Bisirayeli yamurusha ubgiza, kandi yasumba abantu bose, bamugera ku bitugu gusa.