1 Samweli 10:20 - Bibliya Yera 1951 1967 (Burundi)

²⁰ Nuko Samweli ahamagaza imiryango yose y’Abisirayeli, ubupfindo bufata umuryango w’Ababenyamini.

1 Samweli 10:20 ပူးပေါင်းရင်းမြစ်များ

2 Samweli 3:19

Abuneri abibarira n’ Ababenyamini na bo. Bukeye aja i Heburoni, kugira ngo yīgānire Dawidi ivyo Abisirayeli n’ab’ umuryango w’Ababenyamini bose bamaramaje gukora vyose.

Yona 1:7

Bose baravugana, bati Ni muze dupfinde, tumenye ūtumye duterwa ibi vyago uw’ari we. Nuko barapfinda, ubupfindo bgerekana Yona.

Gusubira mu Vyagezwe 33:12

Aba Benyamini abavugako, Ati N’umutoni w’Uhoraho, kand’ azobana na we amahoro; Yama amukingiriye bukarinda bgīra, Aba mu bitugu vyiwe.

1 Samweli 10:19

arik’ uyu musi muranse Imana yanyu, kand’ ari yo nyene ubgayo ihora ibakiza mu vyago vyanyu vyose no mu magorwa; mwarayibgiye ngo n’ibahe umwami. Nuko rero, ni muze muhagarare imbere y’Uhoraho, umuryango wose uk’ uri, n’ inzu yose ukw iri.

1 Samweli 10:21

Ahamagaza umuryango w’Ababenyamini, inzu imwe‐imwe ukwayo, inzu ya ba Matiri irafatwa; araheza ahamagaza ab’ inzu ya ba Matiri, umuntu umwe‐umwe; hafatwa Sauli mwene Kishi; ariko bamurondeye baramubura.

1 Samweli 14:38

Maze Sauli aravuga, ati Ni mwīgire hano, mwese abakuru b’abantu, musuzume murābe icaha cakozwe uyu musi ic’ ari co.

1 Samweli 14:41

Maze Sauli aravuga, at’ Ewe Uhoraho, Mana y’Abisirayeli, (n’ iki gitumye utishura umusavyi wawe uyu musi? Namb’ ico caha kiri muri jewe canke muri Yonatani umwana wanje, Uhoraho Mana y’Abisirayeli, rekura Urimu, arikw asangwa kiri mu bantu bawe Abisirayeli), rekura Tumimu. Nuk’ ubupfindo bufata Yonatani na Sauli, arikw abantu barēra.