1 Samweli 1:8 - Bibliya Yera 1951 1967 (Burundi)

⁸ Maz’ umugabo wiwe Elukana aramubaza, at’ Urizwa n’iki ga Hana? N’iki kikubuza kurya? Ubabajwe n’iki? Mbega sinkurutira abahungu cumi wovyaye?

1 Samweli 1:8 ပူးပေါင်းရင်းမြစ်များ

2 Abami 8:12

Maze Hazayeli aramubaza, at’ Urizwa n’iki ga mugenzi? Aramwishura, ati N’uko mbona ibibi uzogirira Abisirayeli; amaboma yabo uzoyatongoza umuriro, n’abasore babo uzobicisha inkota; utuyoya twabo uzotumenagura, abagore babo bafise inda uzobafomoza.

Yobu 6:14

Ūdendebukiwe bikwiye kw atera akagongwe abakunzi biwe, Naho yoba aretse kwubaha Ūshobora vyose.

Zaburi 43:4

Maze nzoja ku gicaniro c’ Imana, Ku Mana, ni yo munezero uzana ibinezaneza vyanje; Ngutazirishe inanga, Mana, wewe Mana yanje.

Yesaya 54:1

Ririmba, mugore w’ingumba utigeze kuvyara, turika uririmbe usemerere, wewe utigeze kuramukwa: kukw abana b’intābga ari benshi, baruta abana b’ūfise umugabo, ni jewe Uhoraho mbivuze.

Yesaya 54:6

Kuko jewe Uhoraho nguhamagaye nk’umugore w’intābga afise intuntu mu mutima, ngucūye nk’umugore wo mu bucance yari yarirukanywe, ni jewe Imana yawe mbivuze.

Yohana 20:13

Baramubaza, bati Mbega nyina wanje, urizwa n’iki? Na we ati N’uko bakūyeh’ Umwami wanje, nanje nkaba ntazi aho bamushize.

Yohana 20:15

Yesu aramubaza, ati Mbega nyina wanje, urizwa n’iki? Urondera nde? Na we yiyumvira kw ar’ umurimyi waho, aramubgira, ati Mugenzi, namb’ ari wewe wamukūye hano, ndangira aho wamushize, ndamukūreyo.

1 Tesalonike 5:14

Kandi turabahanūra, bene Data, muhubūre abasaragurika, muremeshe abarandutse imitima, muramire abanyantege nke, mwihanganire bose.

Rusi 4:15

Kand’ azosubiza intege mu bugingo bgawe, kand’ azogutunga ugeze mu zabukuru: kuk’ umukazana wawe agukunda, akakurutira abahungu ndwi wovyaye, ari we amuvyaye.

1 Samweli 1:7

Uko ni ko vyāgenda, uk’ umwaka utashe: uko Hana yadūga aja mu ngoro y’Uhoraho, ni ko mukēba we yamushinyagurira. Ni co cātuma arira, akanka kurya.