1 Samweli 1:10 - Bibliya Yera 1951 1967 (Burundi)

¹⁰ Maze Hana asenga Uhoraho afise intuntu, arira cane,

1 Samweli 1:10 ပူးပေါင်းရင်းမြစ်များ

Itanguriro 30:1

Rakeli abonye atavyaranye na Yakobo akana, agirira ishari mukuru we; abarira Yakobo, ati Mpa abana; utabampaye, mpfuma mpfa.

Itanguriro 50:10

Bashika ku mbuga y’igosorero yo muri Atadi, hāri hakurya ya Yorodani: baborogeray’ amaborogo menshi cane y’akabonge: Yosefu ashinga ko bahamara imisi ndwi bagandariye se.

2 Samweli 13:36

Akirangiza kuvuga, abana b’ umwami barashika, maze baraturikisha bararira; n’umwami na we nyene n’abantu biwe bose bararira baraboroga.

2 Samweli 17:8

Kand’ at’ Urazi so n’ingabo ziwe kw ar’ abahizi, kandi baramaze kuraka nk’idubu isahuriwe abana mu gahinga. Bitayeko, so n’umuntu amenyereye ivy’ intambara, ntiyopfa kurāra mu ngabo.

2 Abami 20:3

ati Tegēra, Uhoraho we, ni wibuke ingene nagendera mu vy’ukuri imbere yawe n’umutima utunganye, ngakora ivyo ubona kw ari vyiza. Hezekiya ararira cane.

Yobu 10:1

Umutima wanje urambiwe n’ukubaho; Ngira nziburure amajojwa yanje, Mvugishwe n’akabonge ko mu mutima wanje.

Yobu 7:11

Ni co gitumye ntiyumanganya; Ngira mvuge kubg’ umubabaro w’umutima wanje; Ndiganyira kubg’ akabonge ko mu mushaha wanje.

Yobu 9:18

Ntinkundira guhumeka, Arikw inyuzuza umubabaro.

Zaburi 50:15

Uz’ unyambaze ku musi w’ amagorwa, Nzogukiza, nawe uzompesha icubahiro.

Zaburi 91:15

Azonyambaza, nanje ndamwitabe, Nzobana na we mu marushwa, Ndamukize, mmuhe icubahiro.

Imigani 14:10

Umutima wimenyera uwawo mubabaro, Kand’ umunezero wawo umunyamahanga ntashobora kuwītamwo.

Yesaya 38:15

Novuga ikindi ki kandi? Ni we yavuganye nanje, kandi ni we nyene yabikoze. Nuko nzogenda niyoroheje mu myaka yanje yose, nibuka umubabaro war’ umeze nk’umururazi mu mutima wanje.

Yesaya 54:6

Kuko jewe Uhoraho nguhamagaye nk’umugore w’intābga afise intuntu mu mutima, ngucūye nk’umugore wo mu bucance yari yarirukanywe, ni jewe Imana yawe mbivuze.

Yeremiya 13:17

Ariko ni mwanka kuvyumva, umutima wanje uzoririra mu mpisho, urizwe n’ubgibone bganyu; amaso yanje azorira cane, acundugute amosozi, kuk’ umukuku w’intama z’Uhoraho unyazwe.

Yeremiya 22:10

Ntimukaririre uwamaze gupfa, canke ngo mumuborogere: ariko muririre uwagiye mazimayongo, kukw atazoba akigaruka ukundi, canke ngw asubire kubona igihugu yavukiyemwo.

GUCURA INTIMBA 3:15

Yanyujuje ibamba, ampāza umururazi.

Luka 22:44

Arushirije kwicwa n’umubabaro, ashishikara gusenga cane, icuya ciwe kiba nk’ibitonyanga binini vy’amaraso bitonyanga hasi.

Abaheburayo 5:7

Kristo mu misi yabaye mu mubiri, amaze kwinginga no gusenga cane iyashoboye kumukiza urupfu, atakamba cane arira, kand’ amaze kwumvirwa kubgo kuyubaha kwiwe,

Abacamanza 21:2

Nukw abantu baja i Beteli, bicara imbere y’Imana gushitsa ku mugoroba, baboroga, barira,

Rusi 1:20

Arabishura, ati Ntimube mukinyita Nawomi, ariko munyite Mara; kuko Rugira Vyose ivyo yangiriye vyambereye umururāzi.

1 Samweli 1:11

asezerana isezerano, at’ Ewe Uhoraho Nyen’ ingabo, ni warāba umubabaro wanje incoreke yawe, ukanyibuka, ntunyibagire jewe incoreke yawe, ukantabaza umwana w’umuhungu, nanje nzomuguha, Uhoraho, abe uwawe kuzorinda apfa, kandi nta rupfuhe ruzomugera ku mutwe.

1 Samweli 1:9

Maze barangije kurya no kunywa aho bāri bari i Shilo, Hana ava hasi. Kandi Eli umuherezi yari yicaye ku ntebe yiwe ku gishimaryango mu rusengero rw’Uhoraho.