1 Petero 4:7 - Bibliya Yera 1951 1967 (Burundi)

⁷ Arik’ umuhero wa vyose uri hafi: nuko ntimuhugumbe, mwirinde, kugira ngo mubone uko mushishikara gusenga.

Bibiliya mu Kirundi coroshe

⁷ Umuhero wa vyose uri hafi. Ku bw’ivyo, mukwiye kubaho mwirinda kandi mugavye kugira ngo mushobore gusenga.

1 Petero 4:7 ပူးပေါင်းရင်းမြစ်များ

Itanguriro 19:35

Iryo joro na ryo bongera gutereka se, umutoya ava hasi, aryamana na we; maze ntiyamenya ingen’ uyo na we yaje kuryama n’ingene yavyutse.

Itanguriro 6:13

Imana ibarira Nowa, iti Ndamaramaje guherengeteza abari n’ umubiri bose, kukw isi yuzuye umuryano kubgabo; nuko nzobarandurana n’isi.

Umusiguzi 7:2

Ni vyiza kuja mu nzu y’abagandaye kuruta kuja mu nzu y’intumire: kukw ari ryo herezo ry’abantu bose, kand’ ūkiriho abishirak’ umutima.

Yeremiya 5:31

ba kamenyi bavuga ibinyoma, kandi n’abaherezi, uko baganza kwose bagukūra kuri bo; kand’ abantu banje ni co bakunda: mbega none muzokora iki kw iherezo ryavyo?

EZEKIYELI 7:6

Umuhero urashitse, umuhero urashitse, urakuvundurukiye: eh’ uraje!

Matayo 24:42

Nuko mwame mugavye, kuko mutazi umusi Umwami wanyu azozako.

Matayo 25:13

Nuko mwame mugavye kuko mutazi umusi cank’ isaha.

Luka 21:34

Ariko mwirinde, kugira ngw imitima yanyu ntīremērwe no kudandahirwa no kuborerwa n’umwitwaririko w’ivy’ ubu bugingo, ng’uwo musi ntubazeko giturumbuka, nk’umutego:

Luka 21:36

Mwame mugavye, musenge mu bihe vyose, kugira ngo muze mushobore guhunga ivyo vyose bigira bibeho, ngo muhagarare imbere y’Umwana w’umuntu.

Luka 22:46

Arababaza, ati N’iki gitumye musinzira? Ni muvyuke, musenge, ntimuje mu mosha mabi.

Abaroma 12:12

Munezererwe kwizigira ibizoba; mwihanganire amagorwa; mushishikare gusenga;

1 Korinto 15:24

iherezo rizoca rishika, ah’ azoshikiriza Imana ubgami, ni yo Data wa twese, ni yamara gukūrah’ ubukuru bgose, n’ububasha bgose, n’ubushobozi bgose.

1 Korinto 7:29

Ariko, bene Data, ibi ni vyo mvuga, yukw igihe cāgiriye: uhereye none abari n’abagore bamere nk’abatabagira;

Abanyefeso 6:18

musengere muri Mpwemu ibihe vyose, mu buryo bgose bgo gusenga no kwinginga, kand’ ivyo mubibere maso, mukobeje rwose, musengera abera bose.

Filipi 4:5

Ubugwaneza bganyu bumenywe n’abantu bose; Umwami wacu ari hafi.

Kolosayi 4:2

Mukovye mu gusenga, mukubemwo maso, mushima;

2 Timoteyo 4:5

Ariko weho, wirinde muri vyose, wihanganire imibabaro, ukore igikorwa c’umuvuzi w’ubutumwa bgiza, ushitse igikorwa c’ibango ryawe.

Tito 2:12

butwigisha kwikunkumura ukutubaha Imana n’ukwifuza ivy’ isi, bukatwigisha kwama tudahugumba, tugororoka, twubaha Imana, mu gihe ca none,

Abaheburayo 10:25

twoye guheba gukoranira hamwe, nk’uko bamwe bagira, ariko duhanūrane, kand’ uko mubonye wa musi wegereza, murushirize kugenza murtyo.

Abaheburayo 9:26

kukw iyo biba birtyo, aba yar’ akwiye kubabazwa kenshi uhereye ku kuremwa kw’ isi. Yamar’ ubu yabonetse rimwe kw iherezo ry’ibihe, kugira ngw akūzeh’ icaha ukwitanga.

1 Petero 1:13

Nuko rero mukenyere mu mitima yanyu, mwirinde ibiboreza, mwizigire rwose ubuntu muzozanirwa mu kuzohishurwa kwa Yesu Kristo.

1 Petero 3:7

Namwe bagabo n’uko, mubane n’abagore banyu nk’abazi ibibereye, kukw ari nk’imbombovu zidahwanije namwe inkomezi: kandi mubahe icubahiro, kuko na bo ar’ abaraganwa namwe ubuntu bg’ubugingo, kugira ng’ugusenga kwanyu ntikugire ikigutesha.

1 Petero 5:8

Mwirinde ibiboreza, mwame mugavye: umurezi wanyu, ari we wa Murwanizi, agendagenda nk’intambge yivuga, arondera uwo arotsa.

Ivyahishuwe 16:15

(Ehe ndaza nk’igisuma. Hahirwa ūba maso, akazigama impuzu ziwe, ngo ntagende amēnya, bakabona isoni z’ubgambure bgiwe.)