1 Petero 2:9 - Bibliya Yera 1951 1967 (Burundi)

⁹ Ariko mweho mur’ ubgoko bgātoranijwe, mukoranije kuba abami n’abaherezi, mur’ ihanga ryera, abantu bāshiriweho kuba inyegu yiharije, kugira ngo mukwize ishimwe ry’Iyabahamagaye, ikabakūra mu mwiza, ikabashitsa mu muco wayo utangaje:

Bibiliya mu Kirundi coroshe

⁹ Ariko mweho muri ubwoko bwatoranijwe, abaherezi b’Umwami, ihanga ryejejwe Imana yiharije, kugira ngo mukwize ishimwe ryayo, yo yabahamagaye ikabakura mu mwijima, ikabazana mu muco wayo utangaje.

1 Petero 2:9 ပူးပေါင်းရင်းမြစ်များ

Zaburi 106:5

Kugira ngo mbone ugutotahara kw’abo watoranije, Mpimbarwe n’umunezero w’ abantu bawe, Niratane n’ishamvu yawe.

Zaburi 118:27

Uhoraho ni we Mana, kandi yaduhaye umuco; Muboheshe ikimazi imigozi, Mukijane ku mahembe y’ igicaniro.

Zaburi 135:4

Kuk’ Uhoraho yitoranirije Yakobo, Isirayeli yamutoranirije kuba uwiwe bgite.

Zaburi 22:30

Uruvyaro ruzomusaba; Abuzukuru bazovuka bazobarirwa ivy’ Umwami Imana.

Zaburi 33:12

Hahirwa ihanga rifise Uhoraho kw Imana yaryo, Ubgoko yitoranirije kuba ishamvu yiwe.

Zaburi 73:15

Iyo mba naravuze, nti Reka mvuge ntyo; Mba narahemukiye abana bawe.

Yesaya 26:2

Ni mwugurure amarembo, kugira ngw ihanga rigororoka rikitondera ivy’ ukuri rishike.

Yesaya 41:8

Ariko weho Isirayeli musavyi wanje, Yakobo uwo natoranije, ruvyaro rwa Aburahamu umukunzi wanje:

Yesaya 42:16

Nzozana impumyi mu nzira zitazi, ndazirōngōre mu ndari zitari zizi, nzohindura umwiza ube umuco imbere yazo, n’ahagoramye nzohagorora. Ivyo nzobishitsa, sinzobaheba.

Yesaya 44:1

Yamara noneh’ umve, yewe Yakobo musavyi wanje, yewe Isirayeli uwo natoranije:

Yesaya 61:6

Ariko mweho muzokwitwa abaherezi b’Uhoraho, abantu bazobita abasavyi b’Imana yacu: muzorya itunga ry’abanyamahanga, ivyār’ icubahiro cabo ni mwebge muzovyirata.

Yesaya 62:12

Kandi bazobita Ihanga ryera, Abācunguwe n’Uhoraho; kand’ uzokwitwa Ahārondewe, Umurwa utāhebge.

Yesaya 66:21

Kandi nzorobanuramwo bamwe mbagire abaherezi n’Abalewi, ni k’Uhoraho agize.

Yesaya 9:2

Abantu bāgendera mu mwiza babonye umuco mwinshi, abāba mu gihugu c’igitūtu c’urupfu ni bo bākiwe n’umuco.

Malaki 3:17

Uku ni k’Uhoraho Nyen’ ingabo agize, ati Bazoba abanje ku musi nzoshinga, babe abo niharije ubganje; kandi nzobagirira ikigongwe, nk’uk’ umuntu akigirira umwana wiwe amukorera.

Matayo 4:16

Abantu bāri bicaye mu mwiza, Babonye umuco mwinshi, Kand’ abāri bicaye mu gihugu c’urupfu no mu gitutu carwo, Umuco urasiye kuri bo.

Matayo 5:16

Abe ari k’umuco wanyu ubonesha imbere y’abantu, ngo babone ibikorwa vyanyu vyiza, bahimbaze So wo mw ijuru.

Luka 1:79

Ng’utambikire abicaye mu mwiza no mu gitūtu c’urupfu, Urōngōrere ibirenge vyacu mu nzira y’amahoro.

Yohana 17:19

kandi nanje niyeza kubgabo, kugira ngo na bo babe bejejwe mu kuri.

Ivyakozwe 20:28

Mwirinde ubganyu, muzigame n’ubusho bgose Mpwemu Yera yabashizemwo, ngo mube abo kubuzēzwa, kugira ngo muragire ishengero ry’Imana, iryo yaguze amaraso yayo.

Ivyakozwe 26:18

kubahumūra amaso kugira ngo bahindukire bave mu mwiza baje mu muco, bave no mu bubasha bga Satani baje ku Mana, bateko baharirwe ivyaha vyabo, baraganwe n’abejejwe n’ukunyizera.

Ivyakozwe 26:28

Agiripa yishura Paulo, at’ Unkwegesha ivyo bike ng’ umpindure Umukristo?

Abaroma 9:24

kuri twebge, abo yahamagaye, si mu Bayuda bonyene ariko no mu banyamahanga?

1 Korinto 3:17

Umuntu ni yonona urusengero rw’Imana, Imana izomurandura; kuk’ urusengero rw’Imana ar’ urwera, kand’ urwo rusengero ni mwebge.

Abanyefeso 1:14

ni we ngwati y’umwandu tuzohabga, kugira ngw abo Imana yaronse ibacungure, ng’ubgiza bgayo bushimwe.

Abanyefeso 1:6

kugira ng’ubgiza bg’ubuntu bgayo bushimwe, ubgo yatugabiriye mu wo ikunda.

Abanyefeso 3:21

icubahiro kibe icayo mw ishengero no muri Kristo Yesu, kugeza ku buzukuruza bose b’ibihe bitazoshira. Amen.

Gusubira mu Vyagezwe 10:15

Ariko rero, Uhoraho yarangirije umutima kuri ba sogokuruza, arabakunda, atoranya n’uruvyaro rwabo ruzoza hanyuma, ni rwo mwebge, abasumbisha ayandi mahanga yose, nk’uko biri na bugingo n’ubu.

Gusubira mu Vyagezwe 14:2

Kuko mur’ ihanga ryera ryarobanuriwe Uhoraho Imana yanyu, kand’ Uhoraho akaba yarabītoranirije mu mahanga yose yo mw isi kuba ihanga yiharije.

Gusubira mu Vyagezwe 18:2

Ntibaze bagire ishamvu mu b’i wabo: Uhoraho ni we shamvu yabo, nk’uko yababariye.

Gusubira mu Vyagezwe 4:20

Ariko mweho, Uhoraho yarabashīngūye, abakūra muri rya tanure rivugutira ivyuma, ari ryo Egiputa, kugira ngo mumubere abantu yiharije, nk’uko biri n’ ubu.

Gusubira mu Vyagezwe 7:6

Kuko mur’ ihanga ryera ryarobanuriwe Uhoraho Imana yanyu; kand’ Uhoraho Imana yanyu yabatoranije mu mahanga yose yo mw isi ngo mube ihanga yiharije.

Filipi 3:14

mbandaniriza gushika aho dutanguranirwa, ku mpēra y’umuhamagaro w’Imana muri Kristo Yesu wo kuja mw ijuru.

Kolosayi 1:13

yadukijije ububasha bg’umwiza, atwimurira mu bgami bg’Umwana wiwe akunda.

2 Timoteyo 1:9

yadukijije, ikaduhamagarisha umuhamagaro wera, udatewe n’ibikorwa vyacu, arik’ utewe n’uko yabigabiye ubgayo, kand’ utewe n’ubuntu bgayo, twaherewe muri Kristo Yesu ibihe vyose bitaraba,

Tito 2:14

yatwiguze kugira ngw aducungure, adukūrekw ivyo twagabitanije vyose, kandi yihumanurire ubgoko ngo babe icibare ciwe, barwane ishaka ry’ibikorwa vyiza.

1 Petero 1:2

mwatoranirijwe mu kweza kwa Mpwemu nk’ukw Imana Data wa twese yabamenye uhereye kera, kugira ngo mwumvire Imana, mucucagirwe amaraso ya Yesu Kristo. Ubuntu n’amahoro bigwire muri mwebge.

1 Petero 2:5

mwubakwe nk’amabuye afise ubugingo, kugira ngo mube inzu yo mu buryo bg’impwemu, mugire ibango ry’ubuherezi ryera, ngo mutange ibimazi mu buryo bg’impwemu, bishimwa n’Imana kubga Yesu Kristo.

1 Petero 4:11

Umuntu iy’ avuze, avuge nk’ūbivugishijwe n’Imana: umuntu iy’ agabuye, agabure nk’ūfise ubushobozi Imana itanga; kugira ngw Imana iterwe icubahiro muri vyose, kubga Yesu Kristo, afise icubahiro n’ububasha ibihe bitazoshira. Amen.

Ivyahishuwe 1:6

akaduhindura ubgami, no kuba abaherezi b’Imana yiwe, ni yo Se: icubahiro n’inganji bibe ivyiwe ibihe bitazoshira. Amen.

Ivyahishuwe 20:6

Ūri mu mugabane wo kuzuka kwa mbere arahiriwe kandi n’uwera. Urupfu rwa kabiri ntirugira ububasha ku bameze bartyo, ariko bazoba abaherezi b’Imana na Kristo, kandi bazofatanya na we kuganza, iyo myaka igihumbi.

Ivyahishuwe 5:10

ukabahindura ubgami bg’Imana yacu no kuba abaherezi bayo, kandi bazoba abami mw isi.

1 Samweli 12:22

Uhoraho ntazoheba abantu biwe, kubg’ izina ryiwe rikuru, kuko vyahimbaye Uhoraho kubagira abantu biwe yiharije.