1 Korinto 11:3 - Bibliya Yera 1951 1967 (Burundi)

³ Ariko ndagomba ko mumenya k’umutwe w’umugabo wese ari Kristo, kandi k’umutwe w’umugore ar’ umugabo, kandi k’umutwe wa Kristo ar’ Imana.

Bibiliya mu Kirundi coroshe

³ Ariko hari ico mukwiye kumenya: umutwe w’umugabo ni Kristo, umutwe w’umugore ni umugabo wiwe, umutwe wa Kristo na wo ni Imana,

1 Korinto 11:3 ပူးပေါင်းရင်းမြစ်များ

Itanguriro 3:16

Kand’ abarira uwo mugore, ati Nzogwiza rwose umubabaro wawe ufise inda; uzokwama uvyara abana ubabara; kand’ umugabo wawe uzomuhoranira inyota, na we azokuganza.

Yesaya 52:13

Rāba, umushumba wanje azoja imbere, azokuzwa ashirwe hejuru, asumbe abandi.

Yesaya 55:4

Rāba, ndamutanze ngw abe icabona co gushingira intahe amahanga, ngw abe n’umukuru na segaba w’amahanga.

Matayo 28:18

Yesu arabēgēra, arababgira, ati Jewe nahawe ububasha bgose mw ijuru no mw isi.

Yohana 14:28

Mwumvise ko nababgiye, nti Ndagiye, ariko nzobagarukako. Iyo muba munkunda, muba munezerejwe n’uko ngiye kwa Data, kuko Data ari we anduta.

1 Korinto 3:23

namwe mur’ aba Kristo, Kristo n’uw’ Imana.

Abanyefeso 4:15

Ariko tube imvugakuri turi mu rukundo, dukurire muri we muri vyose, ari we mutwe, ni wo Kristo;

Kolosayi 1:18

Ni we mutwe w’umubiri, ni wo shengero: kandi ni we tanguriro, ni we mfura mu kuva mu bapfuye, kugira ngw abe agaheta muri vyose.

Kolosayi 2:10

Kandi munengeserezwa no kumubamwo, ni we mutwe w’ubukuru bgose n’ububasha bgose.

Kolosayi 2:19

kand’ atifatanya na wa Mutwe, kuri wo umubiri wawo wose, ufashijwe n’ingingo n’imitsi, ugateranywa neza na vyo, ni ho uronka gukura kwawo gutangwa n’Imana.

Kolosayi 3:18

Bagore, mugamburukire abagabo banyu, nk’uko bibereye abari mu Mwami wacu.

1 Petero 3:1

Namwe bagore n’uko, mugamburukire abagabo banyu, kugira ngo, naho bamwe batumvira ijambo ry’Imana, bareshwe n’ingeso nziza z’abagore babo, batagize ijambo bavuze,