Yohaana 1:3 - Lugungu Bible

³ Bintu byensei̱ binyakuhangwa byahangi̱i̱rwe kuraba muli yo. Tihaloho kintu kyensei̱ kinyakuhangwa ki̱tarabi̱ri̱ muli yo.

Yohaana 1:3 ပူးပေါင်းရင်းမြစ်များ

1 Bakoli̱nso 8:6

twe tu̱kyegi̱ri̱ nti, heicalaho Ruhanga omwei̱ musa, Bbaa weetu̱; yooyo munyakuhanga bintu byenseenya. Mu yo, hooho tutungira b̯womi. Kandi de tu̱kyegi̱ri̱ nti, heicalaho Mukama omwei̱ musa; yooyo Yesu̱ Ku̱ri̱si̱to, hali bihangwa byensei̱ byaru̱gi̱ri̱, natwe hooho b̯womi b̯wetu̱ b̯uruga.

Kuwonekerwa 4:11

“Mukama weetu̱ kandi Ruhanga weetu̱, weewe osemereeri̱ kuhaariizwa, weewe osemereeri̱ kubba na ki̱ti̱i̱ni̱sa na b̯u̱sobozi̱. Kubba weewe waahangi̱ri̱ bintu byensei̱, Bintu byensei̱ bi̱waahangi̱ri̱, biicalaho, hab̯wakubba kwokwo wendeerye yaatyo.”

Yohaana 1:10

Yogwo kyererezi̱ yei̱zi̱ri̱ yaabba mu nsi; bei̱tu̱ nsi nab̯ugyabba gyahangi̱i̱rwe kuraba muli yo, bantu banene batakamwetegereze kubba naali yooyo munyakubahanga.

Beefeeso 3:9

Yampeeri̱ na ku̱manyi̱sya bantu bensei̱ nka kwakwi̱za kuta mu nkora ntegeka gya nsita gyamwe. Kuruga kadei, Ruhanga yogwo munyakuhanga bintu byensei̱, yei̱ceeri̱ abi̱si̱ri̱ nsita gi̱gyo mu mutima gwamwe.

Yohaana 1:2

Kigambu yaali hamwei̱ na Ruhanga kuruga ha kuhangwa kwa nsi.

Bahebburania 11:3

Hab̯wa kwikiririza mu Ruhanga, twatu̱ngi̱ri̱ kwetegereza nti, nsi gigi gyensei̱ gyahangi̱i̱rwe hab̯wa kigambu kya Ruhanga. Nahab̯waki̱kyo, bikuwonwaho byahangi̱i̱rwe kuruga mu bintu bitakuwonwaho.

1 Yohaana 5:1

Muntu yenseenya eikiriza nti Yesu̱ ali Ku̱ri̱si̱to, Mutongoole wa Ruhanga, abba abyali̱i̱rwe Ruhanga; kandi yogwo yensei̱ yendya Ruhanga Bbaa weetu̱, yendya na mwana waamwe.

Kuwonekerwa 3:14

“Handiikira malayika, mutumwa wa Ruhanga wa kitebe kya beikiriza bange, ba mu rub̯uga lubeeta Lawu̱di̱keeya, noobaweera yati: “Gyagya yogwo, Amiina, atahindukahinduka di̱ na di̱, mwesigwa hali Ruhanga, kei̱so wa mananu, kandi Mukama wa bintu byensei̱ bya Ruhanga bi̱yaahangi̱ri̱, kuruga ha kuhanga kwa nsi, nkukoba: