Yakobbo 4:16 - Lugungu Bible

¹⁶ Bei̱tu̱ nywe, mugyenda nimubba na myehembu, kandi ni̱mwepanki̱sya bi̱byo bintu bimubba mu̱tegeki̱ri̱ kukora. Kibba kibiibi, kwepanka yatyo.

Yakobbo 4:16 ပူးပေါင်းရင်းမြစ်များ

1 Bakoli̱nso 5:6

Ki̱doori̱ kwahi nywe kubba na myehembu! Kwo mali̱ nywe mu̱kyegi̱ri̱ kwahi nti, kadi ki̱tu̱mbi̱sya nikili ki̱dooli̱, ki̱hu̱u̱ki̱sya mbe bibbaake byensei̱?

Kuwonekerwa 18:7

Bantu ba mu lu̱lwo rub̯uga, beeheeri̱ ki̱ti̱i̱ni̱sa kya ku̱koresyanga bintu bya mihendu minene, nahab̯waki̱kyo, basemereeri̱ kuhaab̯wa kifubiro kya b̯u̱ru̱mi̱ b̯unene. Beehaariiza nibakoba yati, ‘Twetwe bakama bakulema gigi nsi. Tituli nka bamu̱kaabakwere beicala mu b̯ujune, bei̱tu̱ twe tituliwonaho b̯ujune kadi kadooli̱.’

Yakobbo 3:14

Bei̱tu̱, muntu yensei̱ ali neitima na nnobi̱ mu mutima gwamwe, atendeerya bei̱ra baamwe karungi kensei̱, ateehaariiza kadi na kadooli̱. Hab̯wakubba, bintu byensei̱ byali mu kukora ali mu kwebbu̱mbi̱i̱ra-b̯webbu̱mbi̱i̱ri̱ na bigambu bya Ruhanga.

1 Yohaana 2:16

Hab̯wakubba bintu byensei̱ bya mumu mu nsi: kubbe kwegomba kubiibi kwa ha mutima, kwegomba kubiibi kwa mubiri, na kwetembya nka ali neitungo, bibba bintu bitakuruga hali Bbaa weetu̱, bei̱tu̱ bya nsi.