Matayo 5:25 - Lugungu Bible

²⁵ “Mwetegerezanganenge mu b̯wangu, na muntu ali na nsonga nawe, yogwo ali mu kukutwala mwicweru lya misangu atakaku̱dooseeryeyo. Kitali ki̱kyo akumaliira aku̱heeri̱yo hali mu̱cwi̱ wa misangu, kasi na mu̱cwi̱ yogwo naakuhayo hali musurukali, kasi musurukali naakuta mu nkomo.

Matayo 5:25 ပူးပေါင်းရင်းမြစ်များ

Bahebburania 3:13

Bei̱tu̱ mwekambi̱syengenenge biro byenseenya, mwa kuwona nti, tihaloho muntu yensei̱ muli nywe, wa kibii ki̱ku̱gogoobya kumuha kubba mu̱jeemu̱. Mu̱korenge kiki, b̯umwakabbanga nimucaali na kasu̱mi̱.

Bahebburania 3:7

Kyokyo Mwozo Mu̱syanu̱, mu Binyakuhandiikwa akoba: “Kiro kyadeeru b̯u̱mwakeegwa bigambu bya Ruhanga byakubaza,

Bahebburania 12:17

Bei̱tu̱ hei̱nyu̱ma, b̯u̱yendeerye kwezi̱ri̱ri̱i̱rya gu̱gwo mu̱gi̱sa, baamu̱su̱u̱lu̱ki̱ri̱i̱ri̱ nka ku̱mwegi̱ri̱. Nab̯uyaabba yaagu̱sabi̱ri̱ na kizabiro, bei̱tu̱ kwezi̱ramwo kwamwe kutakahindule kintu.

2 Bakoli̱nso 6:2

Kubba Ruhanga akoba yati: “Kanyaku̱heeri̱ bi̱wendyengi̱ mu kasu̱mi̱ koonyi̱ni̱ kawansabi̱i̱ri̱mwo, na ha kiro kya kukujuna kanyei̱zi̱ri̱ nyaakujuna mu kabi.” Kale nu hataati̱ kaka kooko kasu̱mi̱ ka mbabazi̱ zaamwe kwezolokya; kandi kiki kyokyo kiro kya Ruhanga ateeri̱ho kutujuna.

Matayo 26:58

Bei̱tu̱ Peeteru yaagyendi̱ri̱ naahonderanga Yesu̱ na hadei hadei, kudwereera ki̱mwei̱ mu zi̱gati̱ gya yogwo mu̱laami̱ mu̱handu̱. Yaadoori̱ yeingira yeicaara hamwei̱ na bali̱ndi̱ kuwona bintu bikukorwa hahwo.

Lu̱u̱ka 18:3

Kandi haalingiho mu̱kaamu̱kwere, mu lu̱lwo rub̯uga mu̱nyakwi̱zanga hali yogwo mu̱ramu̱ri̱ naamuliriira, ‘Njuna ondamure na muntu gi̱nyaanyegereeri̱, aleke atannyaga.’