Matayo 4:7 - Lugungu Bible

⁷ Yesu̱ yaamwi̱ri̱ri̱mwo naakoba, “Kandi de kyahandi̱i̱ki̱i̱rwe nti, ‘Otalilenga Mukama Ruhanga waamu.’ ”

Matayo 4:7 ပူးပေါင်းရင်းမြစ်များ

1 Bakoli̱nso 10:9

Tu̱leke kulenga Mukama na kuwona tusobora kumuheneera kwijanjana hanya, atakatu̱fu̱bi̱i̱ri̱, nka bamwei̱ muli bo ku̱baamu̱lengengi̱. Hab̯wa kibii ki̱kyo, Ruhanga yaabafu̱bi̱i̱ri̱, yaasi̱ndi̱ka mpiri zaabazi̱kya.

Bahebburania 3:9

Ku̱kwo mwirungu bandengi̱ri̱, nab̯ubaabba baali bamaari̱ myaka maku̱mi̱ ganei, nibakuwona bintu birungi binkubakoora.

Bikorwa 5:9

Mwomwo Peeteru yaab̯u̱u̱lya yogwo mu̱kali̱, “Kyani kinyakubaha kwikiraniza neibaawu, ku̱gobya Mwozo wa Mukama Ruhanga? Bab̯wo bakuruga kuziika i̱baawu̱, mbabwo, bali̱mu̱kwi̱za. Naweede, bakugyenda ku̱ku̱hu̱lu̱kya hanzei.”

Matayo 4:4

Yesu̱ yaamwi̱ri̱ri̱mwo naakoba, “Kyahandi̱i̱ki̱i̱rwe, “ ‘Muntu tiyoomeera hab̯wa bidyo bisa, bei̱tu̱ yoomeera hab̯wa b̯uli kigambu kiruga mu mu̱nwa gwa Ruhanga.’ ”

Matayo 4:10

Yesu̱ yaamwi̱ramwo naakoba, “Ndugaho Sitaani! Kubba kyahandi̱i̱ki̱i̱rwe nti, ‘Oramyenge Mukama Ruhanga waamu, kandi yooyo yankei oheerezenge.’ ”

Matayo 21:42

Yesu̱ yaabaweera, “Mu mananu mwegi̱ri̱ Binyakuhandiikwa nka kubikukoba, “‘I̱hi̱ga lya babi̱mbi̱ li̱baaswi̱ri̱ lyolyo li̱fooki̱ri̱ lya mugasu, lya ha nsonda; Kiki kyokyo kya Mukama Ruhanga ki̱yaakoori̱, kandi kili kintu kyamahanu halitwe.’

Matayo 21:16

Baamu̱b̯u̱u̱lya, “Bigambu bya bab̯wo baana bibaakukoba oku̱byegwa?” Yesu̱ yaabei̱ri̱ri̱mwo, “Ee nku̱byegwa, nywe mucaalingi kusoma kinyakuhandiikwa kikukoba, “ ‘Mu minwa mya baana bato na nkerembe Ruhanga yaateeri̱mwo bya kumuhaariiza’?”

Lu̱u̱ka 4:12

Yesu̱ yei̱ri̱ri̱mwo naakoba, “Binyakuhandiikwa bikoba, ‘Otalilenga Mukama Ruhanga waamu.’ ”

Bikorwa 15:10

Kale hataati̱, hab̯waki mukulengaho ku̱kwati̱sya Ruhanga ki̱ni̱ga kuraba mu ku̱lemeseni̱a Banyamahanga banyakwikiririza mu Yesu̱ na kubabaweera badoosereerye biragiro bya Ruhanga bi̱yaaheeri̱ Mu̱sa, binyakulema twe na bahaaha beetu̱, ku̱bi̱doosereerya?