Matayo 10:41 - Lugungu Bible

⁴¹ Yogwo yensei̱ atangiira mu̱ragu̱ri̱ wa Ruhanga, hab̯wakubba yogwo mu̱ragu̱ri̱ akubaza b̯ukwenda b̯wa Ruhanga, yogwo akutangiira, Ruhanga alimuha mpeera gikwijanjana gi̱gyo gyaliha mu̱ragu̱ri̱. Kandi na yogwo yensei̱ atangiira muntu murungi hab̯wakubba ali murungi, yogwo akutangiira, Ruhanga alimuha mpeera gikwijanjana gya muntu murungi.

Matayo 10:41 ပူးပေါင်းရင်းမြစ်များ

Bahebburania 6:10

Ruhanga eicala mwinganiza; takwi̱za kwebeera mulimo gu̱mwakoori̱ rundi ngonzi zi̱mu̱mwolokya, nimukuheereza beikiriza ba Ku̱ri̱si̱to.

2 Yohaana 1:8

Kale nu, mwegyendereze mutafeerwa ki̱kyo ki̱mwakolereeri̱, bei̱tu̱ mu̱tu̱nge mpeera gyenyu̱ gyenseenya.

1 Bakoli̱nso 9:17

Mbenge nyaakorengi̱ mulimo gwa ku̱tebya Makuru Garungi, hab̯wa kucwamwo kugukora mu̱kwendya kwange hab̯wange, hahwo nyaakabba ni̱nkweni̱hi̱za bantu kunsasula. Bei̱tu̱ kandi, nab̯unyakabba ntakwendya kugatebya, ndi muntu wa Ruhanga gi̱yaaragi̱i̱ri̱ kugatebya.

Matayo 16:27

Kubba gya Mwana wa Muntu nkugyenda kwi̱za mu ki̱ti̱i̱ni̱sa kya Bbaabba na kya bamalayika, kusasula b̯uli omwei̱ mpeera gyamwe ku̱si̱gi̱ki̱ra ha bikorwa byamwe.

Matayo 6:18

aleke bantu batabalengeranga nka kumukusiiba; bei̱tu̱ Bbaa weenyu̱ yogwo atawonwaho, yooyo yankei yeegenge; kandi Bbaa weenyu̱ yogwo awona bya mu nsita, alibaha mpeera.

Baru̱u̱mi̱ 16:23

Gaayo, yogwo ampeeri̱ b̯ulaalu mwamwe, kandi akulingiira kitebe kyensei̱ kya beikiriza kwamwamwe, nayo abaramu̱ki̱i̱rye. Erasi̱to mu̱bi̱i̱ki̱ wa nsahu gya rub̯uga, na mwi̱ra weetu̱ Kwari̱to, babaramu̱ki̱i̱rye. [

Matayo 6:6

Bei̱tu̱ b̯uwaakabbanga nookusaba, oi̱ngi̱renge mu ki̱si̱i̱ka kyamu, niweekingirana, aleke osobore kusaba hali Bbaawu yogwo atawonwaho; kandi yo yogwo, awona bya mu nsita alikuha bi̱byo byomu̱sabi̱ri̱.

Bikorwa 16:15

B̯u̱baamaari̱ kubatiza mu̱kali̱ yogwo na bantu ba mu maka gaamwe, yaatwesengereerya tugyende kwamwamwe naakoba, “B̯umwakabba mu̱nanu̱ki̱ri̱ nti nkwikiririza mu Mukama Yesu̱, mwi̱ze, mwi̱cale kwamwange mu biro bibi bi̱mu̱ku̱tebeerya haha.” B̯u̱yaatwesengereerye, twei̱ki̱ri̱i̱ze twagyenda kwamwamwe.

Matayo 6:4

aleke kugaba kwamu kubbenge kwa nsita; kandi Bbaawu yogwo wa mwiguru, awona bintu bikorwa mu nsita, alikuha mpeera.

Matayo 6:1

“Mwegyenderezenge b̯utakora bikorwa birungi mu mei̱so ga bantu, nimukugyendeera babawone. Kakubba mukola yatyo, Bbaa weenyu̱ wa mwiguru talibaha mpeera.

Matayo 7:8

Hab̯wakubba, yogwo yensei̱ asaba Ruhanga, aheeb̯wambe; yogwo amutoolya alimwagya; na yogwo amweyanjulira alimukingulira.

Matayo 25:44

“Bantu ba mukono gwamwe gwa b̯umoso bali̱i̱ramwo nibakoba, ‘Mukama, b̯u̱su̱mi̱ kyani b̯u̱twaku̱weeni̱ nooli nzala, rundi nooli na nyoota, rundi nooli mu̱genyi̱ mu rub̯uga lwetu̱, rundi nokwetaaga lu̱goye, rundi nooli mu̱seeri̱, rundi nooli mu nkomo, twab̯ula kukufaaho?’

Matayo 25:45

“Mukama ali̱bei̱ramwo naakoba, ‘Nkubaweera mu mananu nti, kintu kyensei̱ ki̱mu̱takoleeri̱ bantu bange mu baba bantu ba hansi, b̯u̱b̯wo mutakakikolere gya.’