Lu̱u̱ka 8:1 - Lugungu Bible

¹ Hei̱nyu̱ma gya bi̱byo Yesu̱ yaagyendi̱ri̱ naarabanga mu mbuga na mu byaru, naatebya Makuru Garungi ga b̯ukama b̯wa Ruhanga. Yaagyendi̱ri̱ na bakwenda baamwe i̱ku̱mi̱ na babiri,

Lu̱u̱ka 8:1 ပူးပေါင်းရင်းမြစ်များ

Matayo 4:23

Yesu̱ yaali̱beeti̱li̱beeti̱ mu Galilaaya gyensei̱, ni̱yeegesyanga mu marombero gaab̯u, naatebyanga Makuru Garungi ga b̯ukama b̯wa Ruhanga, kandi naahoni̱a b̯uli nseeri̱ na kudiib̯wa kwensei̱ kwa bantu.

Baru̱u̱mi̱ 10:15

Kandi de, bantu basobora teetei̱ ku̱tebya, batali na muntu yensei̱, abatu̱mi̱ri̱? Binyakuhandiikwa nka kubikoba: “Kagarungi, magulu ga bab̯wo bakurarangya Makuru Garungi!”

Bikorwa 13:32

“Natwe haha, twi̱zi̱ri̱ kubaleetera Makuru Garungi gakukoba: ki̱kyo kya Ruhanga ki̱iyaaragani̱si̱i̱rye bahaaha beetu̱ nti alikora, aki̱doosereerye, yaakikolera twe beizukulu baab̯u, b̯wahi̱mboori Yesu̱ kuruga mu baku̱u̱. Ki̱kyo, kyokyo kintu kya Ruhanga ki̱yaabazengi̱ho mu suura gyakabiri, gya kitabbu kya mu Bbai̱bbu̱li̱, kyetwa zabbu̱li̱, b̯u̱yaaweereeri̱ Ku̱ri̱si̱to Mutongoole waamwe nti, “ ‘Oli Mwana wange; Kyadeeru nfooki̱ri̱ Bbaawu.’

Bikorwa 10:38

Mwegi̱ri̱ Ruhanga nka ku̱yaakomi̱ri̱ Yesu̱ Mu̱nazareeti̱, yaamuha Mwozo Mu̱syanu̱ hamwenya na b̯u̱sobozi̱. Kandi de, mu̱kyegi̱ri̱ Ruhanga nka ku̱yaasoboresyengi̱ Yesu̱ kugyenda mu biikaru byenseenya naakora bintu birungi kandi naahoni̱a bantu benseenya ba munyanzigwa, Sitaani bayaagadyengi̱ na nseeri̱.

Lu̱u̱ka 4:18

“Mwozo wa Ruhanga ali mu gya, kyokyo ansoroori̱ ntebeerye banaku makuru garungi. Antu̱mi̱ri̱ ntebye nti, banyankomo balyahulwa, bei̱jalu̱ ba mei̱so galiijuluka, bakuwonawona balijunwa hali banyanzigwa,

Mari̱ko 1:39

Nahab̯waki̱kyo Yesu̱ yaagyendi̱ri̱ yaaraba mu Galilaaya gyensei̱ naatebyanga mu marombero gaab̯u, kandi naabingangamwo mizumu.

Matayo 13:19

B̯usigo b̯u̱nyaku̱gwa ha muhanda, b̯uli nka yogwo yeegwa kigambu kikukwatagana na b̯ukama b̯wa Ruhanga naab̯ula kukyetegereza, kasi Sitaani nei̱za naamusahula kigambu kinyakusigwa mu mutima gwamwe.

Matayo 11:1

Yesu̱ b̯u̱yaamaari̱ kwegesya beegeseb̯wa baamwe i̱ku̱mi̱ na babiri, yaaruga hayaalingi, yaagyenda kwegesya na ku̱tebya Makuru Garungi mu mbuga za Galilaaya.

Matayo 9:35

Yesu̱ yaagyendi̱ri̱ mu mbuga zensei̱ na mu byaru byensei̱, ni̱yeegesyanga mu marombero gaab̯u, naatebyanga Makuru Garungi ga b̯ukama b̯wa Ruhanga, kandi naahoni̱anga b̯uli nseeri̱ na kudiib̯wa kwensei̱ kwa bantu.

Lu̱u̱ka 1:80

Mwana yaahandi̱ri̱, yaatatiira mu mubiri na mu mwozo gwamwe. Yei̱ceeri̱ mwirungu ku̱doosya b̯u̱yeezolokeerye mu bantu Bei̱saleeri̱.

Lu̱u̱ka 9:6

Mwomwo Bakwenda baabyokya, baagyenda mu byaru. Henseenya habaakagyendi̱ri̱, baatebeeryeyo Makuru Garungi, kandi baahoni̱ayo baseeri̱.

Lu̱u̱ka 20:1

Kiro ki̱mwei̱, Yesu̱ b̯uyaalingi mu zi̱gati̱ gya Yeekaru, naakwegesya bantu, kandi naaku̱batebeerya Makuru Garungi, bahandu̱ ba balaami̱ ba Ruhanga, beegesa ba biragiro, na bahandu̱ ba Bayudaaya, bei̱zi̱ri̱ hali yo.