Lu̱u̱ka 6:25 - Lugungu Bible

²⁵ Mulikiwona nywe bakwicuta hataati̱; kubba mulidiib̯wa nzala. Mulikiwona nywe bakuseka hataati̱; kubba muliganya kandi mulilira.

Lu̱u̱ka 6:25 ပူးပေါင်းရင်းမြစ်များ

Yakobbo 4:9

Mu̱semereeri̱ muganye, kandi mutemwo kizabiro hab̯wa bibii bi̱mu̱koori̱. Mu kiikaru kya kuseka, mu̱li̱re, hab̯wakubba mu̱koori̱ bintu bibiibi.

Kuwonekerwa 3:17

Mukwehembahemba nimukoba, ‘Tuli bagu̱u̱da, tuli neitungu kandi tituli na ki̱twendya kitutatunga.’ Bei̱tu̱ kandi, mu̱kyegi̱ri̱ kwahi nti, nywenywe bantu bali kubiibi hoi̱. Muli baseege, kandi, bei̱jalu̱ ba mei̱so, bali b̯usa munyiŋinyi.

1 Basosolonika 5:3

Kubba hali bantu balibba nibakuteekereza nti, bali kurungi kandi bali na b̯u̱si̱nge, b̯u̱b̯wo hooho bintu bilihenekera b̯wangu, nka bisa bya mu̱kali̱ wa nda ku̱bi̱i̱za b̯wangu ateegi̱ri̱. Kandi, tihaloho muntu yensei̱ mu bab̯wo bantu alikena ki̱kyo kifubiro kya Ruhanga.

Beefeeso 5:4

Mutabazanga bigambu bya nsoni̱. Mutabazanga bigambu bya b̯udoma, rundi bigambu bya kusandasandaara kubiibi. Mukusemeera kwahi kubazanga bigambu bikwisana yatyo; bei̱tu̱ hakiri, mu̱si̱i̱menge Ruhanga hab̯wa bintu byabakoleeri̱.

Lu̱u̱ka 13:28

“Halibbayo kizabiro na kunena nsaya, b̯umulikawona I̱bbu̱rahi̱mu̱, I̱saka na Yakobbo na baragu̱ri̱ ba Ruhanga bensei̱ ba mu b̯ukama b̯wa Ruhanga, b̯u̱b̯wo nywe, babagaani̱i̱ri̱yo hanzei.

Lu̱u̱ka 12:20

Bei̱tu̱ Ruhanga yaaweereeri̱ yogwo mudulu mu̱gu̱u̱da, ‘We mudoma we! I̱jolo lyoli lya deeru, b̯womi b̯wamu nkub̯ukutoolaho. Kale naani, akwi̱za kutwala bi̱byo byensei̱, bi̱weebi̱i̱ki̱i̱ri̱?’ ”

Lu̱u̱ka 8:53

Bab̯wo bantu baamu̱seki̱ri̱-b̯u̱seki̱, hab̯wakubba baali beegi̱ri̱ akwi̱ri̱.

Lu̱u̱ka 6:24

“Bei̱tu̱, mulikiwona nywe bagu̱u̱da; hab̯wakubba, mu̱tu̱ngi̱ri̱ kadei kusemererwa kwenyu̱.

Lu̱u̱ka 6:26

Mulikiwona nywe ba b̯uli muntu akubazaho kurungi; hab̯wakubba kwokwo yatyo de, bahaaha baab̯u baakoori̱ baragu̱ri̱ ba b̯u̱gobya.