Lu̱u̱ka 6:21 - Lugungu Bible

²¹ Muli na mu̱gi̱sa, nywe bali na nzala hataati̱; hab̯wakubba muliicuta. Muli na mu̱gi̱sa, nywe bakulira hataati̱; hab̯wakubba muliseka.

Lu̱u̱ka 6:21 ပူးပေါင်းရင်းမြစ်များ

Yohaana 6:35

Mwomwo Yesu̱ yaabaweera, “Ndi gu̱gwo mugaati guha bantu b̯womi b̯utamalikaho. Yogwo yenseenya ei̱za hali gya talidiib̯wa nzala kandi muntu yensei̱ anzikiriza talikwatwa nyoota.

Matayo 5:6

Bali na mu̱gi̱sa bab̯wo bali na nzala na nyoota gya kubalwa kubba basemereeri̱ mu mei̱so ga Ruhanga, hab̯wakubba alibaha bikubamala.

Yakobbo 1:12

Ali na mu̱gi̱sa, yogwo wa byohyo bi̱i̱zi̱ra, kyonkei naagumisiriza, naab̯ula kuruga hakwikiririza mu Ruhanga. Hab̯wakubba, b̯wali̱si̱ngu̱ra byohyo bi̱byo, alitunga kisembu kya b̯womi b̯wa Ruhanga b̯u̱yaaragani̱si̱i̱rye kuha bab̯wo bantu bamwendya.

Lu̱u̱ka 1:53

Agabi̱i̱ri̱ bantu bi̱bakwendya na b̯wenda ababi̱ngi̱ri̱ ngalu zisa bagu̱u̱da.

Matayo 5:4

Bali na mu̱gi̱sa bab̯wo bali na nganye, hab̯wakubba Ruhanga ali̱bahu̱u̱mu̱u̱lya.

Kuwonekerwa 7:16

Nzala ti̱gi̱li̱b̯u̱ni̱a kubadya; na nyoota, ti̱gi̱li̱b̯u̱ni̱a kubakwata. Lyoba li̱kwi̱za kwahi kubookyanga. Kadi kintu kindi kyenseenya kiicala na kingeere, ki̱kwi̱za kwahi kubookyanga.

Lu̱u̱ka 6:25

Mulikiwona nywe bakwicuta hataati̱; kubba mulidiib̯wa nzala. Mulikiwona nywe bakuseka hataati̱; kubba muliganya kandi mulilira.

1 Bakoli̱nso 4:11

Twe na deeru lili, tudiib̯wa nzala, ntukwatwa na nyoota; tulwala bisensedde, ntukuutwa ntomi̱; kandi titugira b̯wicalu, hatweta mwetu̱.

Yohaana 4:10

Yesu̱ yaamwi̱ri̱ri̱mwo naakoba, “Obbenge weegi̱ri̱ kisembu kya Ruhanga kyakwendya kukuha kandi weegi̱ri̱ nagya muntu akukusaba kyakunywa, waakabba onsabi̱ri̱, nagya nyaakakuha meezi̱ gaha muntu b̯womi.”

Kuwonekerwa 21:3

Kasi mwomwo nyeegwa iraka likooto nilikubaza, kuruga ha ki̱kyo kitebe kya b̯ukama b̯wa mwiguru. Iraka li̱lyo lyakobi̱ri̱ yati, “Kuruga na hataati̱, Ruhanga akwi̱za kwicalanga mu bantu baamwe. Kandi, nka kwei̱zi̱ri̱ kwicala nabo, yooyo yankei akwi̱za kubba Ruhanga waab̯u.

2 Bakoli̱nso 12:10

Hab̯wa Ku̱ri̱si̱to, kyokyo nkusemererwa mu b̯uceke, mu ku̱ndu̱ma, mu kulemererwa, mu ku̱ru̱mbwa, na mu bizib̯u. Hab̯wakubba gya b̯umba muceke, mwomwo Ku̱ri̱si̱to ampa kubba munyamaani.

2 Bakoli̱nso 11:27

Nyaatalibana hoi̱ kukora mwa kwezemereeryaho, kandi nyaamala majolo ganene mbura kwebbaka. B̯u̱su̱mi̱ b̯undi nyadi̱bi̱i̱rwe nzala, nyakwatwa nyoota, nyaabba ntali na bidyo mirundi mikwahukana, kubba nyabbengi̱ mbweni̱ ni̱ki̱kwetaagi̱sya ncale ninkoora Ku̱ri̱si̱to, ntakurugaho. Kandi de, b̯u̱su̱mi̱ b̯undi ndeeri̱ mu mpehu, ntali na kyakweweeka.

2 Bakoli̱nso 6:10

Biro byensei̱ twicala nka bali na b̯ujune ha mitima myetu̱; bei̱tu̱ kandi mitima myetu̱ miicala mi̱semererwe hab̯wa Ruhanga kutujuna hali maani ga Sitaani; twicala nka banaku, bei̱tu̱ kandi twegeeri̱ ki̱mwei̱ nka kutuli bagu̱u̱da ba kigambu kya Ruhanga; twicala nka batali na kantu, bei̱tu̱ kandi Ruhanga atuha mi̱gi̱sa minene.

Yohaana 11:35

Yesu̱ yaalira.

Lu̱u̱ka 6:20

Yesu̱ b̯u̱yaali̱ngi̱ri̱i̱ri̱ beegeseb̯wa baamwe yaakoba, “Muli na mu̱gi̱sa nywe banaku; kubba b̯ukama b̯wa Ruhanga b̯wenyu̱.

Lu̱u̱ka 6:22

Muli na mu̱gi̱sa bantu b̯ubabanoba, b̯ubabasoroora, b̯u̱babalu̱ma, kandi b̯ubabeeta babiibi hab̯wa Mwana wa Muntu.