Lu̱u̱ka 4:18 - Lugungu Bible

¹⁸ “Mwozo wa Ruhanga ali mu gya, kyokyo ansoroori̱ ntebeerye banaku makuru garungi. Antu̱mi̱ri̱ ntebye nti, banyankomo balyahulwa, bei̱jalu̱ ba mei̱so galiijuluka, bakuwonawona balijunwa hali banyanzigwa,

Lu̱u̱ka 4:18 ပူးပေါင်းရင်းမြစ်များ

Matayo 11:5

Banyakubba bei̱jalu̱ ba mei̱so, bakuwona; banyakubba balima, bakulibata; baseeri̱ ba bihaga, bakuhona; banyakubba bei̱jalu̱ ba mapokopo, bakwegwa; baku̱u̱, bakuhimbooka; na banaku, baku̱batebeerya Makuru Garungi.

Bikorwa 10:38

Mwegi̱ri̱ Ruhanga nka ku̱yaakomi̱ri̱ Yesu̱ Mu̱nazareeti̱, yaamuha Mwozo Mu̱syanu̱ hamwenya na b̯u̱sobozi̱. Kandi de, mu̱kyegi̱ri̱ Ruhanga nka ku̱yaasoboresyengi̱ Yesu̱ kugyenda mu biikaru byenseenya naakora bintu birungi kandi naahoni̱a bantu benseenya ba munyanzigwa, Sitaani bayaagadyengi̱ na nseeri̱.

Lu̱u̱ka 7:22

Yesu̱ yaabei̱ri̱ri̱mwo naakoba, “Mu̱ku̱beyo muweere Yohaana, bintu bi̱mu̱weeni̱ na bi̱mwegwi̱ri̱, nti: Banyakubba bei̱jalu̱ ba mei̱so bakuwona; banyakubba balima, bakulibata; baseeri̱ ba bihaga, bakuhona; banyakubba bei̱jalu̱ ba mapokopo, bakwegwa; baku̱u̱, bakuhimbooka; na banaku, baku̱batebeerya Makuru Garungi.

Bikorwa 26:18

aleke ogyende obeegesye bigambu bya Ruhanga, balekeho kukora bintu bibiibi, batandike kukora bintu birungi, kandi bahinduke baruge mu kufugwa maani ga Sitaani mu̱handu̱ wa mizumu, bei̱re hali Ruhanga, yooyo abafuge. Mwomwo Ruhanga abaganyire bibii byab̯u, kandi batunge kiikaru hamwei̱ na bab̯wo ba Ruhanga bayaasyani̱i̱rye mitima hab̯wa kunzikiririzamwo.’

Yohaana 12:46

Nzi̱ri̱ mu nsi nka kyererezi̱ kumulukira bantu aleke yogwo yensei̱ akunzikiriza ateicala mu nti̱ti̱.

1 Peeteru 2:9

Bei̱tu̱ nywe muli bantu ba Ruhanga bayaakomi̱ri̱mwo. Muli balaami̱ ba Ruhanga bakuheereza mu b̯ukama b̯wamwe, ihanga li̱syanu̱, kandi bantu ba Ruhanga. Nahab̯waki̱kyo mukusobora kurangiira b̯urungi b̯wa Ruhanga kubba yooyo yaabeeti̱ri̱ yaabatoola mu nti̱ti̱ yaabata mu kyererezi̱ kyamwe kirungi hoi̱.

Bakolosaayi 1:13

Kubba, Ruhanga yaatu̱toori̱ mu kufugwa b̯ukama b̯ub̯iibi b̯wa Sitaani hatwalingi nka bantu bali mu nti̱ti̱, yaatutwala mu b̯ukama b̯we, b̯wa Mwana waamwe gi̱yendya, b̯walema.

Matayo 4:16

bab̯wo bantu banyakubba nibali mu nti̱ti̱, kyererezi̱ kinene ki̱basu̱u̱ki̱i̱ri̱. Na bab̯wo banyakwicalanga mu nsi gya kifubiro kya ku̱kwa, mambya wakubajuna asaari̱ hab̯wab̯u.”

Matayo 5:3

“Bali na mu̱gi̱sa bab̯wo beezegwa nibali baseege mu myozo myab̯u, hab̯wakubba b̯ukama b̯wa mwiguru b̯wab̯u.

Lu̱u̱ka 6:20

Yesu̱ b̯u̱yaali̱ngi̱ri̱i̱ri̱ beegeseb̯wa baamwe yaakoba, “Muli na mu̱gi̱sa nywe banaku; kubba b̯ukama b̯wa Ruhanga b̯wenyu̱.

Yakobbo 2:5

Kale nu nywe, bei̱ra bange, nkwendya kubaweera nti, Ruhanga yaacwi̱ri̱mwo kuha banaku ba mu gigi nsi, kisembu kya kwikiririza mu bigambu byamwe. Kandi, yaaha na bab̯wo bensei̱ bendya biragiro byamwe kutunga b̯u̱sobozi̱ b̯wa kulema hamwei̱ nayo.

Yohaana 3:34

Kubba yogwo wa Ruhanga gi̱yaatu̱mi̱ri̱ abaza bigambu bya Ruhanga, hab̯wakubba Ruhanga yaamu̱heeri̱ Mwozo waamwe mu b̯wi̱zu̱lu̱.

Yohaana 1:41

Kintu kya kubanza kyʼAndereya ki̱yaakoori̱, yaadwerereeri̱ Si̱mooni̱ waab̯u, yaamuweera, “Tu̱weeni̱ Masi̱ya” (Masi̱ya ki̱manyi̱sya Ku̱ri̱si̱to, Mutongoole wa Ruhanga).

Matayo 12:20

Aligiira mbabazi̱ bantu baceke alikwatirwa kisa bab̯wo batali na kunihira, ku̱doosya b̯walileetera bantu kwega nti bintu byakora bi̱doori̱.

Bikorwa 4:27

Gali mananu nti mu rub̯uga lulu, mukama Herodi̱, na Ponti̱yo Pi̱laato, beeku̱mbi̱ri̱ na Banyamahanga, hamwenya na Bei̱saleeri̱, ku̱lwani̱sya mwiru waamu Yesu̱, gi̱waatu̱mi̱ri̱ kubba Mutongoole waamu.

Matayo 12:18

“Yogo yooyo muheereza wange gi̱nkomi̱ri̱, gi̱nyendya hoi̱, gi̱nyeesi̱i̱mi̱sya hoi̱; Ndimutaho Mwozo wange, kandi ali̱manyi̱sya Banyamahanga bigambu bikukwatagana na b̯winganiza b̯wange b̯ungira.

Lu̱u̱ka 4:17

baamu̱heeri̱ kitabbu kyʼI̱saaya, mu̱ragu̱ri̱ wa Ruhanga. Yaab̯u̱u̱li̱ri̱ kitabbu yaagya kyahandi̱i̱ki̱i̱rwe kiki, yaasoma:

Bikorwa 4:26

Bakama ba nsi beeteekani̱i̱ze, na balemi̱ beecooka hamwei̱ kubyokeera Mukama Ruhanga, na Mutongoole waamwe.’