Lu̱u̱ka 16:19 - Lugungu Bible

¹⁹ “Kadei hoi̱, haalingiho mudulu omwei̱, munyakulwalanga ngoye za muhendu hoi̱, kandi, yei̱calengi̱ mu kwegonza biro byensei̱.

Lu̱u̱ka 16:19 ပူးပေါင်းရင်းမြစ်များ

Kuwonekerwa 18:16

“ ‘Ee, kamahanu Bbabbu̱looni̱! Bbabbu̱looni̱ koowonaweeni̱, weewe munyukubba rub̯uga lunyamaani! rub̯uga lu̱nyaku̱ku̱ma hab̯wa ki̱ti̱i̱ni̱sa kinene, nka kya mukama alweri̱ ngoye zikwangasana, rub̯uga lu̱nyaku̱ku̱ma hab̯wa kulwala zaabbu na byoma bya muhendu mwi̱coti̱ na mu mikono.

Kuwonekerwa 18:7

Bantu ba mu lu̱lwo rub̯uga, beeheeri̱ ki̱ti̱i̱ni̱sa kya ku̱koresyanga bintu bya mihendu minene, nahab̯waki̱kyo, basemereeri̱ kuhaab̯wa kifubiro kya b̯u̱ru̱mi̱ b̯unene. Beehaariiza nibakoba yati, ‘Twetwe bakama bakulema gigi nsi. Tituli nka bamu̱kaabakwere beicala mu b̯ujune, bei̱tu̱ twe tituliwonaho b̯ujune kadi kadooli̱.’

Kuwonekerwa 17:4

Mu̱kali̱ yogwo munyakubba ei̱cali̱i̱ri̱ ki̱kyo kisolo, yaalingi alweri̱ lu̱goye lwa ki̱ti̱i̱ni̱sa hoi̱; kandi yaalingi alweri̱ zaabbu, b̯u̱hi̱ga b̯wa muhendu na b̯u̱kwanzi̱ b̯wa muhendu. Mu mukono gwamwe gu̱mwei̱ yaalingi akweti̱ lucuba lunyakubba lu̱koleerwe kuruga mu zaabbu. Lu̱lwo lucuba lwalingi lwi̱zwi̱ri̱ bintu bikwisana meezi̱ meezi̱, binyakubba nibikuragiira b̯wenzi̱ b̯wa yogwo mu̱kali̱ nka kub̯wali b̯wakalani̱si̱i̱rye.

Lu̱u̱ka 16:1

Kandi, Yesu̱ yaaweereeri̱ beegeseb̯wa baamwe yati, “Mu biro bya kadei, haalingiho mudulu mu̱gu̱u̱da omwei̱, munyakubba na mu̱li̱ndi̱ gi̱yaateeri̱ho kumulindiranga itungu lye. Mu̱gu̱u̱da yogwo bantu baamu̱weereeri̱ nti, mu̱li̱ndi̱ akumuheneera itungu lyamwe,

Mari̱ko 15:17

Balwali̱i̱rye Yesu̱ kilwalu kiwa rangi̱ gi̱kwi̱za kwisana gyengu, baakata kondo gya mahwa, baagimuta ha mu̱twe.

Lu̱u̱ka 15:13

Hei̱nyu̱ma gya biro bi̱dooli̱, mu̱tabani̱ muto yaatu̱ndi̱ri̱ migab̯u mye yeegyendera hadei mu mahanga cali yaaheneneeri̱ itungu lye mu bintu bitalimwo.

Mari̱ko 15:20

B̯u̱baamaari̱ ku̱mu̱jooga, baamu̱ku̱su̱lamwo ki̱kyo kilwalu kikumeremeta, baamu̱lwalya ngoye zaamwe ziyaalingi alweri̱. Mwomwo baamu̱hu̱lu̱kya baamutwala kumubamba ha musalaba.

Lu̱u̱ka 16:18

“Yogwo yensei̱, akubinga mu̱kali̱ waamwe akaswera wondi akubba naakukora b̯wenzi̱, kandi yogwo, akuswera mu̱kali̱ ei̱ti̱ri̱ nnyu̱mba, akubba naakukora b̯wenzi̱.”

Lu̱u̱ka 16:20

Haalingiho de, mudulu museege, munyakubba na bihote ha mubirigwe gwensei̱, gi̱beetengi̱, Laazaaru, munyakuleetwanga ha mulyangu gwa mudulu mu̱gu̱u̱da,