Lu̱u̱ka 11:2 - Lugungu Bible

² Mwomwo Yesu̱ yaabaweera, “B̯umwakabbanga nimukusaba, mukobenge yati: “ ‘Bbaa weetu̱, Ibara lyamu lihaab̯we ki̱ti̱i̱ni̱sa; B̯ukama b̯wamu b̯wi̱ze.

Lu̱u̱ka 11:2 ပူးပေါင်းရင်းမြစ်များ

Kuwonekerwa 15:4

We, Mukama, bantu benseenya, bali̱ku̱ti̱i̱na, benseenya balikutamwo, ki̱ti̱i̱ni̱sa. Weewe wankei mu̱syanu̱, weewe Mukama, bab̯wo bantu ba mu mahanga genseenya, bali̱i̱za nibakuramya we, Mukama, hab̯wakubba bantu benseenya bawona mbe bikorwa byo bya b̯ulyo, we Mukama.”

Kuwonekerwa 20:4

Hei̱nyu̱ma gya kuwona bi̱byo, nyaaweeni̱ bantu banyakubba bei̱cali̱i̱ri̱ bitebe bya bakama. Bab̯wo bantu baalingi na b̯u̱sobozi̱ b̯wa kusalira bantu misangu. Kandi de, nyaaweeni̱ myozo mya bab̯wo bantu babaali batemi̱ri̱ho mi̱twe. Baali babatemi̱ri̱ho mi̱twe hab̯wa kuweera bantu bigambu bya Ruhanga na ku̱tebeerya bantu bigambu bya Yesu̱ Ku̱ri̱si̱to. Bab̯wo boobo bantu banyakubba baswi̱ri̱ ku̱ramya ki̱kyo kisolo kikooto, kadi ku̱ramya ki̱si̱sani̱ kyakyo. Kandi, boobo de, banyakubba baaswi̱ri̱ kubataho kaboneru ku b̯u̱syo b̯wab̯u rundi, ku ngalu zaab̯u. Bei̱tu̱, Ruhanga yaabahi̱mboori̱, yaabaha b̯u̱sobozi̱ kulema hamwei̱ na Ku̱ri̱si̱to Mutongoole waamwe.

1 Basosolonika 1:3

Kubba, twi̱zu̱ka mbe bikorwa bya kwikiriza kwenyu̱ ku̱mwei̱ki̱ri̱ri̱i̱zemwo, hamwei̱ na kutaho mutima kukora milimo mya Yesu̱ Ku̱ri̱si̱to na bihika, kandi, hamwei̱ na kubba basi̱gi̱ku̱ mu ku̱ni̱hi̱ra kumwicala nakwo mu Mukama weetu̱ Yesu̱ Ku̱ri̱si̱to.

Bafi̱ri̱pi̱ 4:20

Ruhanga yogwo Bbaa weetu̱ aheeb̯wenge ki̱ti̱i̱ni̱sa biro byensei̱. Amiina.

Bafi̱ri̱pi̱ 1:2

Nku̱bendeerya b̯u̱si̱nge na mbabazi̱ biruga hali Ruhanga Bbaa weetu̱ na Mukama weetu̱ Yesu̱ Ku̱ri̱si̱to.

Beefeeso 1:2

Nkubasabira, aleke Ruhanga Bbaa weetu̱ hamwei̱ na Mukama weetu̱ Yesu̱ Ku̱ri̱si̱to, babagiire mbabazi̱ kandi babahe kwicala na b̯u̱si̱nge.

2 Bakoli̱nso 1:2

Nywe nywensei̱ batu̱handi̱i̱ki̱i̱ri̱ bbaruha gigi, mwibara lya Mukama weetu̱ Yesu̱ Ku̱ri̱si̱to, tukubasabira Ruhanga Bbaa weetu̱ abagiire mbabazi̱ kandi abahe kwicala na b̯u̱si̱nge.

1 Bakoli̱nso 1:3

Nywe nywenseenya, twe batu̱si̱ndi̱ki̱i̱ri̱ bbaruha gigi, tukubasabira Ruhanga Bbaa weetu̱, hamwei̱ na Mukama weetu̱ Yesu̱ Ku̱ri̱si̱to, babagiire mbabazi̱ kandi babahe b̯u̱si̱nge.

Kuwonekerwa 19:6

Hei̱nyu̱ma gya kwegwa bi̱byo bigambu, nyeegwi̱ri̱ maraka, nka ga bantu banene ni̱gaku̱ti̱nda nka meezi̱ ga mugira, kandi ni̱gaku̱ti̱nda nka byalu, nigakukoba, “Halelu̱u̱ya, Ruhanga weetu̱ ahaariizib̯we! Kubba Mukama Ruhanga weetu̱ wa b̯u̱sobozi̱ b̯wensei̱, yooyo akulema.

Kuwonekerwa 11:15

Hei̱nyu̱ma gya kuwonekerwa ku̱kwo kwa malayika munyakubba akweti̱ katabbu na kwa bakei̱so babiri, malayika wa musanju nayo yaaku̱u̱ti̱ri̱ lugwara lwamwe. B̯u̱yaalu̱ku̱u̱ti̱ri̱, haabbeeri̱ho maraka ganyamaani mwiguru. Maraka gagwo gaakobengi̱ yati, Hataati̱ b̯u̱sobozi̱, b̯wa kulema; nsi gigi, nka mukama, b̯uli mu mikono, mya Ruhanga; Hamwei̱ na mu mikono, mya Ku̱ri̱si̱to; Mutongoole, waamwe kandi Ruhanga, akwi̱za kulema; akwi̱za kulema, biro na biro.

1 Basosolonika 1:1

Gyagya Pau̱lo, hamwenya na Silivaano, na Ti̱mi̱teo. Tu̱bahandi̱i̱ki̱i̱ri̱ bbaruha gigi, nywe kitebe kya beikiriza ba Yesu̱ ba mu rub̯uga lwa Sosolonika, beikiririza mu Ruhanga, Bbaa weetu̱ kandi, mu Mukama weetu̱ Yesu̱ Ku̱ri̱si̱to. Ruhanga abahe mbabazi̱ zaamwe, kandi, abahe kwicala kurungi na b̯u̱si̱nge.

2 Basosolonika 2:16

Tukubasabira hali Mukama weetu̱ Yesu̱ Ku̱ri̱si̱to, hamwenya na hali Ruhanga Bbaa weetu̱, aleke babeekambi̱sye kandi babatati̱i̱rye, ni̱babasoboresya kukoranga na kubazanga bintu birungi. Ruhanga atwendeerye, kandi kuraba mu mbabazi̱ zaamwe, mbabazi̱ zi̱zo zi̱i̱za kuraba mu Yesu̱ Ku̱ri̱si̱to, atwekambi̱si̱i̱rye mu mu̱li̱ngo guliicalaho biro na biro, kandi, atu̱heeri̱ ku̱ni̱hi̱ra ku̱si̱gi̱ku̱.

Bakolosaayi 1:2

nigili gya beikiriza ba Ku̱ri̱si̱to bei̱ra beetu̱, basyanu̱ mitima kandi beesigwa hali yo, ba mu rub̯uga lwa Kolosaayi. Nkubasabira Ruhanga Bbaa weetu̱ abagiire mbabazi̱, kandi abahe b̯u̱si̱nge.

Baru̱u̱mi̱ 8:15

Kubba, Mwozo wa Ruhanga gi̱mwatu̱ngi̱ri̱, abaha kwahi b̯u̱ti̱i̱ni̱ nka beiru; bei̱tu̱ yaabaheeri̱ Mwozo wa Ruhanga munyakubafoora baana ba Ruhanga, yooyo yogwo atuha kubaza yati: “Bbaabba!”

Matayo 10:32

“Yogwo yensei̱ yaatulanga mu mei̱so ga bantu nka kwali mwegeseb̯wa wange, nagya ndimwatula mu mei̱so ga Ruhanga Bbaabba wa Mwiguru nti ali mwegeseb̯wa wange.

Matayo 5:16

Nahab̯waki̱kyo, mu̱leke kyererezi̱ kyenyu̱ kimulukire bantu, aleke basobore kuwona bikorwa byenyu̱ birungi, bahaariize Bbaa weenyu̱ wa mwiguru.

Matayo 3:2

naakoba, “Mwezi̱remwo bibiibi byenyu̱, hab̯wakubba b̯ukama b̯wa mwiguru b̯uli heehi̱ kudwa.”

Bagalati̱ya 1:4

yogwo munyakwehayo kutujuna kuruga mu bibii byetu̱, na kutujuna kuruga mu nsi gigi gya bibii, ku̱si̱gi̱ki̱ra mu kwendya kwa Ruhanga Bbaa weetu̱ kuyaali nakwo.

Baru̱u̱mi̱ 1:7

Bbaruha gigi ngi̱handi̱i̱ki̱i̱ri̱ nywe nywensei̱ bab̯wo ba Ruhanga bayendya bali mu Rooma, banyakukomwa kubba bantu ba Ruhanga: Nku̱bendeerya mbabazi̱ na b̯u̱si̱nge biruga hali Ruhanga Bbaa weetu̱ na Mukama weetu̱ Yesu̱ Ku̱ri̱si̱to.

Lu̱u̱ka 11:1

Kiro ki̱mwei̱, Yesu̱ yaalingi mu kiikaru ki̱mwei̱, naakusaba. B̯u̱yaamaari̱ kusaba, omwei̱ ha beegeseb̯wa baamwe, yaamuweera, “Mukama wange, twegesye kusaba, nka Yohaana Mu̱bati̱zi̱ ku̱yeegeseerye beegeseb̯wa baamwe.”