Beefeeso 2:9 - Lugungu Bible

⁹ Atakakibahe hab̯wa bi̱byo bi̱mwakoori̱, nahab̯waki̱kyo tihaloho akusobora kwehaariiza.

Beefeeso 2:9 ပူးပေါင်းရင်းမြစ်များ

2 Ti̱mi̱teo 1:9

Hab̯wakubba yooyo mu̱kwendya kwamwe na mu mbabazi̱ze, yaacwi̱ri̱mwo kutujuna hali maani ga Sitaani, yaatufoora kubba bantu baamwe, hatali hab̯wa bikorwa byetu̱, bei̱tu̱ hab̯wa mbabazi̱ze. Mbabazi̱ zaamwe zi̱zo, yaazi̱tu̱heeri̱ kuraba mu Yesu̱, Mutongoole wa Ruhanga mu biro bya kadei, atakahangi̱ri̱ gigi nsi.

Baru̱u̱mi̱ 11:6

Kukomwamwona kwab̯u b̯ukwabba nikuli kwa mbabazi̱; b̯u̱b̯wo, tikuli kwa milimo mi̱bakoori̱. Kubbenge nikuli kwa milimo, b̯u̱b̯wo mbabazi̱ zaakabba zitacaali mbabazi̱.

Baru̱u̱mi̱ 9:16

Nahab̯waki̱kyo, Ruhanga tiyeeta muntu ku̱si̱gi̱ki̱ra ha kwendya kwa yogwo muntu, rundi ku̱si̱gi̱ki̱ra hakwekamba kwa yogwo muntu; bei̱tu̱ amweta, ku̱si̱gi̱ki̱ra ha mbabazi̱ zaamwe, yo Ruhanga.

Baru̱u̱mi̱ 3:20

Kandi tihaloho muntu yensei̱, ali̱si̱i̱mwa mu mei̱so ga Ruhanga hab̯wa ku̱doosereerya bi̱byo bili mu biragiro; kubba mu biragiro hooho twegera kibii.

Baru̱u̱mi̱ 9:11

Bei̱tu̱ mwa kuwona nti mwana akukomwa, akomeerwe hab̯wa kigyendererwa kya Ruhanga, Ruhanga yaaweereeri̱ Labbeeka, “Mu̱handu̱ muli bo, alikoora muto.” Ruhanga yaabazi̱ri̱ ki̱kyo, bab̯wo baana batakabyali̱i̱rwe, kandi batakakoori̱ kintu kirungi rundi kibiibi. Nahab̯waki̱kyo, ntegeka gya Ruhanga gya kukoma yogwo gi̱yaasi̱i̱mi̱ri̱, gyasi̱gi̱ki̱i̱ri̱ ha kwetwa kwa Ruhanga; gi̱takasi̱gi̱ki̱re ha bintu bibaali bakoori̱.

Baru̱u̱mi̱ 4:2

Ruhanga yaabba yaasi̱i̱mi̱ri̱ I̱bbu̱rahi̱mu̱ hab̯wa bi̱byo bikorwa bi̱yaakoori̱, I̱bbu̱rahi̱mu̱ yaaku̱bbeeri̱ na kintu kyakwehaariiza nakyo; bei̱tu̱ yo, atakeehaariize mu mei̱so ga Ruhanga.