Bafi̱ri̱pi̱ 4:20 - Lugungu Bible

²⁰ Ruhanga yogwo Bbaa weetu̱ aheeb̯wenge ki̱ti̱i̱ni̱sa biro byensei̱. Amiina.

Bafi̱ri̱pi̱ 4:20 ပူးပေါင်းရင်းမြစ်များ

Baru̱u̱mi̱ 11:36

Bintu byensei̱ biruga hali Ruhanga. Bintu byensei̱ byakoleerwe kuraba muli yo kandi byakoleerwe hab̯wamwe. Mukama ahaariizib̯we biro na biro! Amiina.

Kuwonekerwa 14:7

Malayika yogwo yaalu̱ki̱ri̱ neiraka likooto naakoba, “Mukuteekwa kutamwo Ruhanga ki̱ti̱i̱ni̱sa na kumuhaariiza, hab̯wa b̯u̱sobozi̱ b̯wamwe b̯unyamaani! Hab̯wakubba, kasu̱mi̱ kaamwe ka kusalira bantu benseenya ba mu nsi musangu, kadoori̱. Kandi de mukuteekwa ku̱mu̱ramya, hab̯wakubba yooyo munyakuhanga iguru na nsi, oteeri̱ho na meezi̱ ga mwi̱taka gakenkemunkiira, na ga mu migira!”

Kuwonekerwa 7:12

Baamu̱ramyengi̱ nibakoba, “Kakibbe yaatyo, nka bab̯wo bantu ku̱basabi̱ri̱! Ruhanga weetu̱ ahaariizib̯we kandi ahaab̯we ki̱ti̱i̱ni̱sa; hab̯wakubba yooyo eicala wa magezi̱, yooyo asemereeri̱ ku̱si̱i̱mwa, kandi de ki̱ti̱i̱ni̱sa, b̯u̱sobozi̱, na maani, byenseenya biicala byamwe, biro na biro! Amiina!”

Kuwonekerwa 5:12

Bamalayika bab̯wo, baahi̱i̱mengi̱ na maraka ga hakyendi̱, nibakoba, “Yogwo Mwana gwa Ntaama mu̱nyaku̱tu̱kwera, akusemeera ku̱ti̱i̱nwa hoi̱, akusemeera kubba wa maani hoi̱, akusemeera kubba wa magezi̱ ganene hoi̱ kandi, akusemeera kubba wa mu̱gi̱sa hoi̱.”

Kuwonekerwa 1:6

Ku̱kwa kwa Yesu̱ ku̱yaatu̱kwereeri̱, kwatu̱foori̱ ihanga lya balaami̱ ba Ruhanga, kandi, kwatuha kubba baheereza ba yogwo Ruhanga Bbaawe. Nahab̯waki̱kyo, ki̱ti̱i̱ni̱sa na b̯u̱sobozi̱, bibbe hali Yesu̱ Ku̱ri̱si̱to biro na biro. Amiina.

Bafi̱ri̱pi̱ 1:11

Kandi de zi̱zo ngesu, zimuli nazo hab̯wa Yesu̱ Ku̱ri̱si̱to, zi̱kwi̱za kubaha kubba na bikorwa bi̱ku̱si̱i̱mwa mu mei̱so ga Ruhanga na kuleetera Ruhanga ki̱ti̱i̱ni̱sa na kuhaariizib̯wa.

Beefeeso 3:21

ahaab̯we ki̱ti̱i̱ni̱sa mu kitebe kya beikiriza na mu Yesu̱, Mutongoole wa Ruhanga, mu mi̱hi̱hi̱ myensei̱, biro na biro! Amiina.

Kuwonekerwa 11:13

Ha kei̱re kaakwo koonyi̱ni̱, halibbaho mu̱si̱ki̱ gunyamaani. Gu̱gwo mu̱si̱ki̱, guliguma ki̱mwei̱ kyei̱ku̱mi̱ kya manyu̱mba ga mu rub̯uga lu̱lwo; kandi de, gu̱li̱i̱ta bantu kasanju. Bantu basi̱geeri̱ho, balikwatwa b̯u̱ti̱i̱ni̱; kandi, balihariiza Ruhanga wa mwiguru, nibamutamwo ki̱ti̱i̱ni̱sa, hab̯wa b̯u̱sobozi̱ b̯wamwe b̯unyamaani.

1 Ti̱mi̱teo 1:17

Ruhanga ahaariizwe kandi aheeb̯we ki̱ti̱i̱ni̱sa biro byenseenya, yogwo Mukama wa biro na biro, Ruhanga omwei̱ musa, atakwa kandi atawonwa na mei̱so, Amiina.

Bafi̱ri̱pi̱ 4:23

Nkubasabira mbabazi̱ za Mukama weetu̱ Yesu̱ Ku̱ri̱si̱to ziicale na myozo myenyu̱. Amiina.

Baru̱u̱mi̱ 16:27

Ki̱ti̱i̱ni̱sa kibbe hali yogwo Ruhanga omwei̱ musa, yooyo yogwo musa agira magezi̱ genseenya, kuraba mu Yesu̱ Ku̱ri̱si̱to, biro na biro. Amiina.

Matayo 28:20

kandi ni̱mu̱beegesya kukora bintu byensei̱ bi̱nyaabaragi̱i̱ri̱. Nkwi̱za kubbanga nanywe biro byensei̱, ku̱doosya ha kumalika kwa nsi.”

Matayo 6:9

“Nahab̯waki̱kyo mu̱sabenge yati: “ ‘Bbaa weetu̱ wa mwiguru, ibara lyamu liheeb̯we ki̱ti̱i̱ni̱sa,