2 Basosolonika 1:6 - Lugungu Bible

⁶ Ruhanga yogwo acwa bintu bya b̯ulyo, yooyo akwi̱za kufubira bab̯wo bantu bensei̱ babbanga ni̱babawonawonesya,

2 Basosolonika 1:6 ပူးပေါင်းရင်းမြစ်များ

Bakolosaayi 3:25

Muntu yensei̱ akora kibii, Ruhanga alimufubira hab̯wa ki̱kyo kibii kyamwe; kubba Ruhanga afubira bantu ku̱si̱gi̱ki̱ra ha bibii byab̯u.

Kuwonekerwa 6:10

Baalu̱ki̱ri̱ neiraka likooto, nibakoba yati, “Mukama wa b̯u̱sobozi̱ b̯wenseenya, weewe Ruhanga Mu̱syanu̱ kandi wa mananu! Oli̱doosya hanya, kwicala otasali̱i̱ri̱ musangu bab̯wo bantu ba mu nsi banyaku̱twi̱ta; kandi, oli̱doosya hanya kwicala otabafu̱bi̱i̱ri̱?”

Kuwonekerwa 19:2

Weewe oli wa kuhaariizwa, hab̯wakubba osala misangu mya b̯winganiza, mitali mya b̯u̱gobya. Hab̯wakubba oicala wa mananu, kandi wa b̯winganiza, waasali̱i̱ri̱ kifubiro Bbabbu̱looni̱, rub̯uga luli nka mu̱kali̱ mwenzi̱. Kandi, hab̯wa bibiibi byab̯u bya b̯wenzi̱ boohyerye bantu ba mu nsi gigi, baabaha kwekora bintu bibiibi mu mei̱so ga Ruhanga. Ruhanga ohaariizib̯we hab̯wa kifubiro ki̱kyo kyoheeri̱ rub̯uga lwa Bbabbu̱looni̱ hab̯wa kwi̱ta baheereza baamu, bakukoora!”

Kuwonekerwa 18:20

Mwomwo, nyeegwa iraka lindi nilikubaza kuruga mwiguru nilikukoba yati, Nywe, bantu ba mwiguru mu̱semererwe na maani! Mu̱semererwe nywe bantu ba Ruhanga, baragu̱ri̱ baamwe, kandi bakwenda ba Yesu̱ Ku̱ri̱si̱to! Ruhanga afu̱bi̱i̱ri̱ bantu ba Bbabbu̱looni̱, hab̯wa bintu byensei̱ bibiibi, bi̱baakoori̱ nywe bantu baamwe.’ ”

Kuwonekerwa 15:4

We, Mukama, bantu benseenya, bali̱ku̱ti̱i̱na, benseenya balikutamwo, ki̱ti̱i̱ni̱sa. Weewe wankei mu̱syanu̱, weewe Mukama, bab̯wo bantu ba mu mahanga genseenya, bali̱i̱za nibakuramya we, Mukama, hab̯wakubba bantu benseenya bawona mbe bikorwa byo bya b̯ulyo, we Mukama.”

Kuwonekerwa 11:18

Bab̯wo bantu bateikiririza muli we, Mukama Ruhanga, ki̱ni̱ga kyamu kinyamaani ki̱bei̱zi̱i̱ri̱; bei̱tu̱ kasu̱mi̱, kadoori̱, ka we kwolokya, ki̱ni̱ga kyamu; ka we kusalira bantu, musangu, kusalira benseenya, bab̯wo banyaku̱kwa; kandi kasu̱mi̱, kadoori̱, ka we kugabira baheereza mpeera; baheereza baamu, bab̯wo baragu̱ra bigambu bi̱byo byobatu̱mi̱ri̱; kandi kasu̱mi̱, kadoori̱, kaamu kugabira, bantu mpeera; baamu bensei̱, bato na bahandu̱ bab̯wo bakutamwo, ki̱ti̱i̱ni̱sa; kandi kasu̱mi̱, kadoori̱, ka we ku̱zi̱kya, bab̯wo benseenya; bei̱ta bantu, haha ku nsi.

Kuwonekerwa 18:24

Nahab̯waki̱kyo, bantu ba Ruhanga na baragu̱ri̱ baamwe na bab̯wo banyakwi̱twa, bensei̱ bei̱ti̱i̱rwe hab̯wenyu̱. Kale nu, ibbanga lyab̯u lyensei̱, lili ha mi̱twe myenyu̱ nywe bantu ba Bbabbu̱looni̱.”

Bahebburania 6:10

Ruhanga eicala mwinganiza; takwi̱za kwebeera mulimo gu̱mwakoori̱ rundi ngonzi zi̱mu̱mwolokya, nimukuheereza beikiriza ba Ku̱ri̱si̱to.