2 Bakoli̱nso 5:3 - Lugungu Bible

³ Twicala nitwegomba kulwala mibiri mihyaka, aleke b̯utulibba tu̱maari̱ kukusula mimi mya ha nsi, batalitutwala nituli nka bantu bali b̯usa munyiŋinyi.

2 Bakoli̱nso 5:3 ပူးပေါင်းရင်းမြစ်များ

Kuwonekerwa 3:18

Kale nu hataati̱, magezi̱ ga nkubaha, mwi̱ze munguleho mahi̱ga ga zaabbu, zaabbu gi̱di̱ gi̱hi̱i̱ru̱ kwo, aleke musobore kubba bagu̱u̱da ba biribiri. Mu̱ngu̱leho na ngoye zi̱syanu̱ tei̱, aleke musobore kulwala ngoye ha mibiri myenyu̱. Mwakagula zi̱zo ngoye, b̯u̱b̯wo mu̱kwi̱za kubba mwetoori̱ho nsoni̱ za kubba b̯usa, munyiŋinyi. Kindi, mu̱ngu̱leho mu̱bazi̱ gwa mei̱so, mwetoonyerye, aleke musobore kuwona kurungi.

Kuwonekerwa 16:15

Mi̱myo myozo mya Sitaani milicooka bakama bab̯wo, mu kiikaru kibeeta, mu lukobo Luhebburaniya: Aramagedooni̱. Mwomwo nyeegwi̱ri̱ Mukama Yesu̱ naakoba, “Mwetegeerye! Nkugyenda kwi̱za nka mwi̱bi̱ kwei̱za, batamweteekani̱ri̱i̱ze. Ali na mu̱gi̱sa, yogwo eicala yeeteekani̱ri̱i̱ze kwi̱ra kwange. Ali nka mu̱li̱ndi̱, akeesya b̯wi̱re niyeerinda, aleke mwi̱bi̱ atei̱za akamwibaho bilwalu byamwe, yo akahemuka asi̱geeri̱ b̯usa munyiŋinyi, mu mei̱so ga bantu.”

2 Bakoli̱nso 5:2

Kili kya mananu nti, mimi mibiri mitulimwo hataati̱ mituha twicala nitusiiriima, kandi nitwegomba kulwalwa mibiri myetu̱ mindi mya mwiguru.

2 Bakoli̱nso 5:4

Kubba, b̯utucali haha mu mibiri myetu̱, twicala nitusiiriima kandi ntutuutura hab̯wa kukusulamwo byakulwala bya gigi nsi; ti̱twendya kukusulamwo kyakulwala kyetu̱, bei̱tu̱ twendya tutunge kyakulwala kindi, aleke kiki kya ha nsi kimerwe-b̯umerwa kindi kili na b̯womi.