1 Bakoli̱nso 5:12 - Lugungu Bible

^12-13 Ntakamanyi̱sye bab̯wo bateikiririza mu Ku̱ri̱si̱to, hab̯wakubba bintu bya kusalira bab̯wo misangu, gya tibikunkwataho. Bab̯wo, Ruhanga yooyo alibasalira misangu myab̯u. Bei̱tu̱ kandi, musobora teetei̱ kub̯ula kusalira misangu bantu bamu̱romba nabo mu kusaba kwenyu̱? Binyakuhandiikwa nka kubikoba, “Muntu yenseenya ali nkori̱ gya bibiibi, mumubingenge.”

1 Bakoli̱nso 5:12 ပူးပေါင်းရင်းမြစ်များ

Mari̱ko 4:11

Yaabei̱ri̱ri̱mwo naakoba, “Nywe mwaheebeerwe kwetegereza nsita za b̯ukama b̯wa Ruhanga. Bei̱tu̱ bab̯wo batanzikiririzamwo, bintu byensei̱ baabyegwanga kuraba mu ngeera

1 Ti̱mi̱teo 3:7

Kandi de, akusemeera kubbanga muntu aku̱si̱i̱mwa na bantu bateikiririza mu Ku̱ri̱si̱to. Kakubba kitabba yatyo, akufooka kintu kyaku̱sekereerya, kandi ki̱kyo kyokyo Sitaani ki̱yendya.

Lu̱u̱ka 12:14

Yesu̱ yei̱ri̱ri̱mwo yogwo muntu naakoba, “Abbala we! Naani mu̱nyaku̱nkwatya b̯ujunaanizib̯wa b̯wa kubacweramwo na ku̱babagaani̱a b̯ugwete b̯wenyu̱?”

1 Basosolonika 4:12

Mu kukora bi̱byo bintu, mu̱kwi̱za kutunga ki̱ti̱i̱ni̱sa mu bantu bateikiririza mu Mukama weetu̱ Yesu̱ Ku̱ri̱si̱to, kandi kibahe kusobora kwezemeereeryaho nywankei, mutakwesiga bintu bya bandi.

Bakolosaayi 4:5

Mubbenge bantu bali na magezi̱, hali bab̯wo bantu bateikiririza mu Yesu̱ Ku̱ri̱si̱to. Mu ngeru gi̱gyo, mu̱kwi̱za kutunga mu̱gi̱sa gunyamaani gwa ku̱batebeerya Ku̱ri̱si̱to.

Yohaana 18:36

Yesu̱ yei̱ri̱ri̱mwo naakoba, “B̯ukama b̯wange tib̯uli b̯wa mu nsi gigi. B̯ubbenge nib̯uli b̯wa mu nsi gigi, baheereza bange bakabba bandwani̱ri̱i̱ri̱, aleke bahandu̱ ba Bayudaaya batankwata. Bei̱tu̱ b̯ukama b̯wange tib̯uli b̯wa mu nsi gigi.”