1 Bakoli̱nso 13:9 - Lugungu Bible

⁹ Hab̯wakubba kisembu kyetu̱ kya kwetegereza kiicala kwahi ki̱i̱zu̱lu̱, kandi na kuragura kwetu̱ kwa b̯ukwenda b̯wa Ruhanga b̯watuha nakwo kwicala kwahi kwi̱zu̱lu̱.

1 Bakoli̱nso 13:9 ပူးပေါင်းရင်းမြစ်များ

1 Bakoli̱nso 13:12

Hataati̱ mananu ga Ruhanga, tu̱geegi̱ri̱ kwahi kikumala kurungi, nka muntu akwewonera mu ndabi̱so kwatahweza kikumala; bei̱tu̱ mu kasu̱mi̱ kakwo mananu, genseenya tuligeegera ki̱mwei̱ kikumala, mali̱ nka bantu bakuwonangana mei̱so na mei̱so. Hataati̱ mu kwega kwange, nyeegi̱ri̱ho kicweka; bei̱tu̱ mu mei̱so ku̱kwo, ndyega mu b̯wi̱zu̱lu̱ nkagya Ruhanga kwanzegeeri̱ ki̱mwei̱ mu b̯wi̱zu̱lu̱.

1 Bakoli̱nso 8:2

Muntu ateekereza nti yo ali na ki̱yeegi̱ri̱, abba atakadoori̱ kwega nka ku̱ki̱mu̱semereeri̱ kwega.

1 Bakoli̱nso 2:9

Bei̱tu̱ kandi, Binyakuhandiikwa nka kubikoba: “Bi̱byo bintu bya muntu yensei̱ byatakawonanga, rundi byatakeegwangaho; bi̱byo bya muntu yensei̱ byatakateekerezanga nti bilibbaho; byobyo byonyini, bya Ruhanga bi̱yaategeki̱ri̱ kukoora bantu bamwendya.”

Matayo 11:27

“Bbaabba yankwati̱i̱rye bintu byensei̱. Tihaloho muntu yeegi̱ri̱ Mwana, kutoolahoona Bbaawe. Kandi, tihaloho muntu yeegi̱ri̱ Bbaa Mwana, kutoolaho Mwana, na bab̯wo ba Mwana baacwamwo kwolokya Bbaawe.

1 Yohaana 3:2

Banywani bange, hataati̱ tuli baana ba Ruhanga; ki̱kyo ki̱tu̱kwi̱za kubba kicaali kwegeb̯wa. Bei̱tu̱ tu̱kyegi̱ri̱ nti Ku̱ri̱si̱to b̯wali̱i̱ra, tulibba nka yo, kubba tulimuwona nka kwali.

Beefeeso 3:8

Gya nab̯unyaabba nindi wa hansi hoi̱ akusembayo mu bantu ba Ruhanga benseenya, Ruhanga yampeeri̱ mbabazi̱ za ku̱manyi̱sya Banyamahanga bintu birungi bya Ku̱ri̱si̱to byagaba, bya bantu bateetegereza hab̯wa b̯urungi b̯wabyo kubba b̯wakalasanu̱.

Baru̱u̱mi̱ 11:34

Binyakuhandiikwa nka kubikoba, “Naani yeegi̱ri̱ biteekerezu bya Mukama? Naani yaakalambanga Mukama?”

1 Bakoli̱nso 13:10

Bei̱tu̱ ki̱kyo ki̱i̱zu̱lu̱ kimbura kakuu b̯u̱ki̱li̱i̱za bi̱byo byenseenya bitali bi̱i̱zu̱lu̱ bilimalikaho.