Коринфсем патне 1-мӗш 16:24 - Синодальный НЗ

²⁴ Эпӗ сире, Христос Иисуса ӗненекенсене, пурне те юрататӑп. Аминь.

Коринфсем патне 1-мӗш 16:24 ပူးပေါင်းရင်းမြစ်များ

Матфей 28:20

Вӗсене Эпӗ сире каланӑ пил-хушусене тытса пурӑнма вӗрентӗр. Эпӗ тӗнче пӗтичченех куллен сирӗнпе пулӑп». Аминь.

Матфей 6:13

Ҫылӑха ан кӗрт пире, усалтан хӑтар пире. Патшалӑх та, хӑват та, аслӑлӑх та ӗмӗрех Санӑн. Аминь“.

Коринфсем патне 1-мӗш 14:16

Енчен те эсӗ Турра чунтан мухтаса тав тӑватӑн пулсан та, сана итлесе тӑракан ахаль ҫын: «чӑнах та, ҫапла» тееймӗ. Эсӗ мӗн каланине вӑл ӑнланмасть-ҫке-ха.

Коринфсем патне 1-мӗш 16:14

Мӗн тунине йӑлтах юратса тӑвӑр.

Коринфсем патне 1-мӗш 16:23

Сире Иисус Христос Хуҫамӑрӑн ырӑлӑхӗ пултӑр.

Коринфсем патне 2-мӗш 1:1

Турӑ ирӗкӗпе Иисус Христосӑн апостолӗ пулма тивӗҫнӗ Павелран тата Тимофей тӑванӑмран – Коринфри Турӑ чиркӗвне тата пӗтӗм Ахаияри мӗн пур ӗненекенсене.

Коринфсем патне 2-мӗш 11:11

Мӗншӗн ҫапла тӑватӑп-ха? Тен, сире юратманран? Ку апла маррине Турӑ пӗлет, ҫапах та халиччен мӗнле туса пурӑнтӑм, малашне те ҫаплах тӑвӑп.

Коринфсем патне 2-мӗш 12:15

Эпӗ сире питӗ юрататӑп пулин те, эсир мана юратсах каймастӑр. Апла пулин те, сирӗншӗн савӑнсах тӑкакланӑп, сирӗн чунӑршӑн хама пуҫӗпех парӑп.

Филиппӑсем патне 1:8

Эпӗ сире Иисус Христос юратулӑхӗпе пурне те юратнине Турӑ курать.

Апокалипсис 3:19

Эпӗ кама юрататӑп, ҫавна питлетӗп, айӑплатӑп. Ҫавӑнпа чунна ҫунтар, ӳкӗн.