Roma 11:36 - Waima

³⁶ Taba ikoikiai ibaramakia hanona Tirama, taba ikoikiai Ia paunai tekarahi, abomo taba ikoikiai Ia 'eunai kateao. Nuabi hanona Tirama herenai keaomo banaibanai. Amen.

Roma 11:36 ပူးပေါင်းရင်းမြစ်များ

Mataio 6:13

A'i koaoainamai baihobo 'ekakiai, ia tiaporo herenai kobamaurinamai. (Kupa aiarana oi 'eumu, Hiabu oi 'eumu, Nuabi oi 'eumu, keaomo banai banai. Amen.)’

Luka 19:38

Ia tetibaha, “Aika eka Obia Arana Obiapaka atanai nimai hauna hamabanamona. Baibua kupai, nuabina hanona 'ubi 'akinai.” Sal 118.26

Luka 2:14

“Kupa 'ubi toha tohanai nuabi hanona Tirama 'euna, hanopakai ena baibua hanona niaonamo ainakia haukia herekiai.”

Iuhubeau Ekia Aka 17:28

Maearima baika ṉa ti'abi aiho, ‘Ia aonai nahamauri nahaibiu ibiu mai nahamiaho.’ Matoha emi ori kikipa haukia te'abi 'abana, ‘Aika hanona ia nahuna.’

Roma 16:27

Aobero Tiramana hamo hamona kahabanamona Iesu Keriso paunai Ia nuabina kemiaho banai banai! Amen.

1 Korinto 11:12

Babi'e hanona hau hauaninai emai, abomo hau hanona babi'e hauaninai nirama. Ia taba ikoikiai hanona Tirama herenai timai.

1 Korinto 8:6

Iamo aika hanona mai eka Tirama hamona, Hamaka. Ia hanona taba ikoikiai ebabainakia, ba ia paunai nahamiaho. Abomo Obiapaka hanona hamona Iesu Keriso. Ia paunai taba ikoikiai terama, ba ia paunai aika nahamiaho.

Galatia 1:5

Ua buonai Tirama ena nuabi kemiaho banaibanai. Amen.

Epeso 3:21

Tirama ena nuabi hanona Tirama ena marea haukia aokiai mai Keriso Iesu aonai rani ikoinai kemiaho keaomo banaibanai! Amen.

Pilipo 4:20

Aika Hamaka Tirama herenai nuabina kemiaho banai banai. Amen.

1 Timoteo 1:17

Obia 'arana nimauri banaibanai, ena pua aha'i, mai a'i nahaihana hauna, Tirama mo weiana ikupaiana kahamariki aina mai herenai nuabi kemiaho keaomo banaibanai. Amen.

1 Timoteo 6:16

Ia ikupaiana mo kemiaho banaibanai a'i ke'ari 'apua, ia hanona ea aonai nemiaho ea weiana hanona ea ki'a baha tai ha keao herena hanona a'i ketaina, maearima 'abaeana ha hanona Tirama a'i eihana 'ao a'i keihana. Mariki mai hiabu hanona Tirama herenai kemiaho banai banai. Amen.

2 Timoteo 4:18

Obiapaka kehore au ki'a 'ekakia ikoikiai aokiai kebarobo maurina'u mai keaoai haraina'u ena kupa aiaranai. Nuabi hanona ia herenai kemiaho keao mo banaibanai. Amen.

Heberu 13:21

Au nabahuba'ari, Tirama neiana kehore taba namokia ikoikiai kebenimi pokina ena nuatae akana katobabaina paunai, Iesu Keriso atanai ia niaonamo aina akana aokai kebabaina. Keriso herenai nuabi kemiaho banaibanai. Amen.

Heberu 2:10

Tirama ena aka hanona ebero, ia hanona taba ikoikiai ebabainakia mai neiha 'ininakia, nahuna bo'okia ena nuabi aonai kebaka totonakia paunai enuatae Iesu kehau haiara ke'oru harai, weianai nahuna bo'okia katemai ena nuabi aonai katemiaho. Iesu ikupaiana mo ke'uai ainakia bamauri aonai.

1 Petero 4:11

Hau ha keiroro raninai ia hanona 'abi weiana Tirama herenai nimai hauna ihobonai keiroro aina, haeamona hau ha nenuatae kebarai barai, weiana hanona Tirama tabura ebena hauna ihobonai keakaina. Taba weiakia ikoikia aokiai Tirama atana kahabanamona Iesu Keriso paunai. Nuabi mai hiabu ia 'euna keaomo banaibanai. Amen.

1 Petero 5:11

Hiabu ikoikiai hanona Tirama 'euna keaomo banaibanai. Amen.

2 Petero 3:18

Ia eka Obiapaka mai Ibamaurika hauna Iesu Keriso ena aoko'o hoana mai ia i'iobinai katoapa'ua. Nabahuba'ari nuabi hanona ia herenai bariu keao mo banaibanai. Amen.

Iuda 1:25

Ia hanona Tirama hamona mo, ikupaiana aika ibamaurika hauna. Iesu Keriso eka Obiapaka paunai Tirama herena nuabi, mariki hoana, tabura, mai ena hiabu katemiaho, 'uaina ranikia ikoikiai aokiai, emai bariu, keaomo banaibanai. Amen.

Ibawaira Tinana 19:1

Neiana murinai, au 'uru ha aona 'uruna matoha maearima to'una rarina kupa 'ubinai teio tetibaha, “Haleluia! Hamabanamona. Bamauri, nuabi, mai hiabu hanona eka Tirama 'euna.

Ibawaira Tinana 21:6

Ba haeamona ehina bena'u etibaha, “Taba ikoikiai aba ababai orena. Au hanona Alepa mai Omega, Kori'uaina mai Murihaina. Ia'iramana mai Ibapuana hau'u. Hau ha 'akona ni'ororo hauna au kahore mauri beina nebuti 'arana aha'i hauna kabena keinu.

Ibawaira Tinana 7:10

Ba teio aota tetibaha, “Bamauri hanona aika eka Tirama obia imia'aunai nemia'au Hauna mai Mamoe nahu herekiai nimai.”

Ibawaira Tinana 7:12

tetibaha, “Amen. Banamo, mai nuabi, mai aobero, mai namo 'abina, mariki, mai hiabu, mai tabura hanona eka Tirama 'euna keaomo banaibanai. Amen.”