Pilipo 2:26 - Waima

²⁶ Ia hanona ikoimiai niraona ki'a bahanimi aona niaro'ari pokina pouna tona ia hanona neinawa.

Pilipo 2:26 ပူးပေါင်းရင်းမြစ်များ

Mataio 11:28

“Tuhau hororo haumi mai puma ṯobuana haumi, ikoimiai ena here'u tomai, au wai arai kabenimi.

Mataio 26:37

Ia Petero mai Sebedeo nahuna rua ebaka'anakia teao. Weiana aona e'abe'abe ena raona eore,

Iuhubeau Ekia Aka 21:13

Ba Paulo ai emai 'abi ebamuena etibaha, “Taba buonai tuhai ao'u tuba'abe'abena? Au hana aba aba'oru, ia Ierusalemai katebirina'u 'ao kateahu 'arina'u re'a Obiapaka Iesu atanai.”

Roma 1:11

Pokina au nanuatae ki'a baha kaihanimi, auba ena beruberu kabaibeni katotabura.

Roma 12:15

Tiaonamo haukia kipokia katoaonamo, weiakia tihaihai haukia kipokia katohai.

Roma 9:2

E'u ao ko'o hanona eapa'ua, ao aro'ari ao'uai hauna ena pua aha'i.

1 Korinto 12:26

Ba 'ete ha kehaiara raninai 'ete ikoikiai hanona ia kipokia katehaiara haeamo, ba 'ete ha atana katebanamona raninai ikoikiai ia kipokia kateaonamo haeamo.

2 Korinto 9:14

Kate bahuba'ari wai ahamiai raninai, kateraona ki'a bahanimi pokina Tirama ena aoko'o hoana apa'uana wai heremiai paunai.

Galatia 6:2

Emi puma katobua haea haea, taeara neianai hanona Keriso ena rauhubu katoa'i taeana.

Epeso 3:13

Ua buonai nanoinimi, au wai paumiai ṉahau haiara hauna aomi a'i kebaoao, pokina weianai wai emi nuabi katotabu ahina paunai.

Pilipo 1:3

Rani ikoikiai naraonanimi aonai e'u Tirama nabanamona.

Pilipo 1:8

Au Keriso Iesu aonai ikoimiai aea naraona'au aihonimi hanona Tirama ne'iobina.

Pilipo 2:25

Ia au naraonana ena namo hanona uaho'abaka Epaprodito kauhu muena kewahi heremi, tararua taka haeamo mai tahuari haeamo, ia hanona wai emi iuhubeau hauna wai touhuna e'u nuatae akakia kebabai.

Pilipo 2:27

'Abi tohana ia einawa ki'a herekai mo pe'ari. Ia Tirama ehore eaoko'o aina ia herenai mo aha'i au abomo eaoko'o aina'u, e'u ao haiara a'i meapa'ua marikina.

Pilipo 4:1

Weiana buonai, uaho'aba'u e, wai naraona'au ainimi haumi mai naraona ki'a bahanimi haumi hanona e'u aonamo mai e'u apa. Wai hanona ua katokori 'ini aiho Obiapaka aonai au a'abi ihobonai.

1 Petero 1:6

Neiana buonai aomi kenamo katoaonamo ki'a baha, iamo bariu rani papana aomi tiaro'ari pokina baihobo haeai haeai tihobonimi paunai.