Mareko 12:36 - Waima

³⁶ Weiana hanona Auba Robe hiabunai Davida pinanai e'abi etibaha, ‘Obiapaka hanona e'u obia ehina bena etibaha, Itipa'u tainai momiati keao mo emu 'ou haukia ikoikiai 'apumu ba'anai kahorotinakia.’ Sal 110.1

Mareko 12:36 ပူးပေါင်းရင်းမြစ်များ

Mataio 5:35

'Ao hanopaka ahanai 'abi'uai pahihina a'i katohinana, pokina ia hanona Tirama 'apuna ihorotina 'ekana, 'ao Ierusalema ahanai 'abi'uai pahihina a'i katohinana, pokina ia hanona Obia 'arana apa'uana ena aiara.

Iuhubeau Ekia Aka 1:16

Etibaha, “Uaho'aba'u e! Puka Robena 'abina kemai ketohana hauna Auba robe ehore Davida pinanai Iuda robana aba hamo eahu 'uaina Iesu ia'ina kateao haukia hanona ia ke'uai ainakia.

Iuhubeau Ekia Aka 28:25

Aokia a'i ehamona katera'a, ekia ra'ai Paulo 'abi hamona neiana ehinana e'abi etibaha, “Auba Robe Isaia mahabanai hauna pinana hama ehina harai ki'a bahana 'aba'abami herekiai etibaha,

1 Korinto 15:25

Keriso hanona keobiai kemiaho keaomo Tirama kehore 'ou haukia ikoikiai Keriso 'apuna ba'anai kehorotinakia.

2 Timoteo 3:16

Puka Robena 'abikia ikoikiai hanona Tirama Aubana ena baraibarai ai tererenakia, ba ekia aka hanona teapa'ua ki'a baha, weiakiai 'abi tohana kahabamarere aina, katebaraona beronaka, katebaka'a beronaka, mai mauri berona kateba'iobinaka weianai kahamiaho.

Heberu 1:13

Rani ha Tirama aneru ha ṉa a'i ehinabe aihona a'i etibaha, “Itipa'u tainai momiati keaomo oi i'oatamu haukia 'apumu ba'anai kahorotinakia.” Sal 110.1

Heberu 4:7

Weiana paunai rani homa'ana eao murinai Tirama ehore wapu ha ea'i taeana atana eaparina “Bariu rani neiana”, haeamona Davida pinanai wapu weiana pouna ehinana etibaha, “Bariu rani neianai, Tirama aiana katona raninai aomi a'i katoba pahihinakia.” Sal 95.7, 8

1 Petero 1:11

Auba Robe Keriso euhuna hauna hanona mahabanai haukia aokiai emiaho, Keriso ena haiara mai ena nuabi weiana haiara murinai kemai hauna eba'iobinakia ihobonai ia hanona tebahobona kate'iobina rani tabanai abomo hoana aea homana.

2 Petero 1:21

Pokina mahabanai 'abina hanona maearima ha ena nuataeai a'i emai, ia maearima weiakia Auba Robe ena hiabu aonai ṯemiaho haukia tehore Tirama raona ebenakia haukia 'abikia tehinana.