Ioane 6:45 - Waima

⁴⁵ Mahabanai haukia Puka robenai aba tererena, ‘Ikoikiai hanona Tirama aba keba'iobinakia.’ Hama'u tibahuaina abomo herenai 'iobi tia'ina haukia ikoikia timai here'u.

Ioane 6:45 ပူးပေါင်းရင်းမြစ်များ

Mataio 11:27

Hiabu ikoikiai hanona Hama'u aba ebena'u. Ia Nahuna a'i te'iobina Hamana mo kipona, mai hau ha Hamana a'i e'iobina Nahuna mai Nahuna etina'anakia haukia weiakia herekiai kipona kebawaira tinana haukia mo.”

Mataio 17:5

Petero ni'abi ohomo aonai, 'auhao pore obona emai ebahu abunakia, ba aia ha 'auhao aonai emai e'abi etibaha, “Naiana hanona au naha'u, e'u raona'au, au ia naonamoaina, aiana katona.”

Mareko 1:2

Isaia mahabanai hauna ererena etibaha, “Tirama e'abi, ‘E'u iuhubeau hauna ṉauhu 'uaina kewahi heremu, emu taeara kea'ia'i haraina.’ Mal 3.1

Luka 1:70

Aba wa'i baha raninai ena 'abi mahabanai robekia pinakiai tehinana 'abana.

Luka 18:31

Iesu i'abana haukia harauhaea rua ebakaparenakia haia haiai ehina benakia etibaha, “Aika hanona bariu kahakara'au Ierusalema, mahabanai haukia tererenakia haukia ikoikiai bariu Maearima Nahuna herenai katetoha.

Ioane 10:27

E'u mamoe hanona aia'u tiona. Au a'iobinakia, mai ia hanona muri'uai tika'a.

Ioane 6:37

Hama'u nibena'u haukia ikoikiai hanona katemai here'u, ba nimai here'u hauna hanona a'i kau'u ahi 'apuana.

Ioane 6:65

Ia haeamona ehina benakia etibaha, “Ua buonai aba ahina benimi atibaha, ‘Hama'u maearima a'i kemaiaina raninai hau ha kemai here'u taearana aha'i.’”

Iuhubeau Ekia Aka 13:40

Ua buonai kato'ima 'ima harainimi mahabanai haukia 'abi tabana tehinana hauna heremiai a'i merama. Ṉa te'abi aiho,

Iuhubeau Ekia Aka 7:42

Weiana Tirama ia herekiai ekaobo ehabonakia kipokia kupa tabakia katekuti ainakia. Mahabanai hauna ena pukai tererena 'abana etibaha, ‘Isaraela haumi e, ihau bariabui hano'akunai beruberu mai banamo mahikia hanona au a'i tobanamo aina'u.

Epeso 1:17

Tirama nanoina, eka Obiapaka Iesu Keriso Hamana nuabina kehore Auba Robe kebenimi kebaotipanimi abomo Tirama heremiai kebawaira tinana, weiana wai hanona Tirama kato'iobi haraina.

Pilipo 3:15

Ikoikai aba a'ikakaumai hatabura hauka hanona ua paharaona aiho. Ia wai baika taba haeai turaonana raninai, Tirama kehore neiakiai abomo aomi kebaeanakia.

1 Tesalonika 4:9

Uaho'abaka aea kaharaona'au aihonakia 'abina hanona a'i katarere benimi, pokina Tirama wai aba eba'iobinimi ha ha katoraona'au ainimi.

Heberu 10:16

“Obiapaka hanona ni'abi, Rani weiana murinai Au e'u 'abi'uai apa'uana herekiai kababaina hanona neiana. E'u rauhubu ia aokiai kahorotina mai ia 'akokiai karerena.” Ier 31.33

1 Ioane 2:27

Ia wai hanona Keriso ehore Auba Robe ebenimi aomiai nemiaho, ua buonai maearima ha a'i keba 'iobinimi re'a abetaina. Pokina Auba Robe hanona taba ikoinai niba'iobinimi, ena ba'iobi hanona tohakia, ia a'i nibai'oi. Auba Robe eba'iobinimi ihobonai rani ikoinai Keriso aonai katomiaho.