Ibawaira Tinana 5:9 - Waima

⁹ Weiana hui mahamahana ha tea'i taeana tehuiaina tetibaha, “Oi hanona mai emu bero puka iouna koa'ina abomo ikaiabuna hoahoakia kobapa'anakia. Pokina oi teahu 'arini'o, ba emu 'ari aruarunai maearima okawanakia Tirama 'euna, itubu ikoikiai, maea ikoikiai, maearima ikoikiai, mai hano ikoikiai herekia.

Ibawaira Tinana 5:9 ပူးပေါင်းရင်းမြစ်များ

Mataio 20:28

Ihobona au Maearima Nahuna amai hanona ta'ara'u a'i katea'i ia maearima ta'arakia ka'i, abomo e'u mauri kabaibeni maearima ekia ki'ai kabakarahinakia paunai.”

Mataio 26:28

Neiana hanona au aruaru'u, 'abi 'uai aruaruna mako paukiai kekiki oi ki'a ihina haona.

Iuhubeau Ekia Aka 20:28

Kipomi katoiha 'ini harainimi mai a'ikakauma haukia kato'ima harainakia matoha mamoe i'imana hauna mamoe ne'ima harainakia 'abana. Auba Robe aka weiana ebenimi Tirama ena marea haukia ibaka'a haraikia haumiai ebaonimi, weiakia hanona Tirama Nahuna ena 'ariai aba ekawanakia.

1 Korinto 6:20

Pokina Tirama hanona aba ekawanimi mai 'arami. Ua buonai hauanimiai katobabai tabakia ikoikiai aokiai hanona Tirama nuabina katobawaira tinana.

1 Korinto 7:23

Wai hanona Tirama aba ekawanimi mai 'arami rarina, paunai maearima 'eukiai a'i katoao.

Epeso 1:7

Keriso e'ari aruarunai eka ki'a aba ehina hao mai bamauri aba ha'ina. Tirama ena aoko'o hoana hama ua eobia aiho,

Epeso 5:19

'Abami kipokia tubahamomo aonai Salamoai, huiai, mai auba huikiai kato'abi'abi, aomiai Obiapaka katohui aina mai katobanamona.

Kolose 1:14

Weiana Iesu paunai aika ebamaurinaka eka ki'a ehina haonakia.

Kolose 1:23

Ua buonai a'ikakauma hanona wai emi mauri a'enai keao, weianai katokori 'ini harai pou namona aba tona hauna ena buabeniai a'i tomoibiu. Pou namona neiana hanona maearima ikoikiai herekiai teiroro aina hanopaka aonai, weiana ehore au Paulo eaoaina'u aka hau'uai naeao.

Tito 2:14

Keriso kipona ena mauri ebaibeni aika paukai weiana 'araka ehorenakia babai ki'a ikoikiai aokiai erubunaka mai ki'a aha'i haukai ebaonaka ia kipona 'euna tohaka, maearima weiaka aoka tohakiai nahanuatae rani ikoikiai namo akakia mo kahababainakia.

Heberu 11:14

Maearima ua ti'abi aiho hanona aika ha'iobina ia hanona ekia hano tohana titabuna.

2 Petero 2:1

'Uainai Isaraela haukia baiatakiai mahabanai haukia bai'oikia baika temiaho ihobona mo ba'iobi haukia bai'oikia baika baiatamiai katewaira tina. Ekia ba'iobi bai'oikia weiakia emi a'ikakauma katea'i ki'ana haukia tiba'iobiai, Obiapaka weiana aruarunai ekawanakia hauna ṯebuniaina, weiana kipokia ibapururukia akana tibabai noanoana.

1 Ioane 1:7

Ia Tirama ea aonai nemiaho 'abana aika eai nahaka'a raninai aika hanona 'abaka kipokia kahabahaeamo, Nahuna Iesu aruarunai eka ki'a ikoikiai neutu obonakia.

1 Ioane 2:2

Ia kipona ena mauri ebaibeni bairarao tabanai eao eka ki'a ihina haona paunai, aika ikupaiaka mo paukai aha'i ia maearima ikoinai ekia ki'a paunai.

Ibawaira Tinana 10:11

Ba ehina bena'u etibaha, “Oi hanona mahabanai 'abina kohina muena, weiana maearima haeai haeai, hano haeai haeai, maea haeai haeai, mai obia arakia haeai haeai haukia robakia koahuna.”

Ibawaira Tinana 11:9

Wapu aihau mai abirana ha aonai maearima haeai haeai, itubu haeai haeai, maea haeai haeai, mai hano haeai haeai haukia katemai 'ari hauanikia weiakia rua kateihanakia, iamo katehina benakia a'i kate horenakia.

Ibawaira Tinana 13:7

Ia hanona hiabu tebena Tirama ena robe haukia kehuarinakia keahunakia, ba bero tebena itubu ikoikiai, maearima ikoikiai, maea ikoikiai abomo hano maikoinai kepoki ainakia.

Ibawaira Tinana 13:8

Maearima ikoikiai hanopaka ahanai ṯemiaho haukia, weiakia Tirama hanopaka ebakorina murinai atakia Mamoe nahu ena mauri pukanai a'i tererena haukia ikoikiai hanona aiahu mahina weiana katekuti aina. Mauri pukana weiana hanona Mamoe nahu 'uainai teahu 'arina hauna 'euna.

Ibawaira Tinana 14:6

Epua, aneru haeai ha kupa baiatanai erobo aihana, ia hanona Pou namona nemiaho banaibanai hauna ea'ina, weiana hanopakai ṯemiaho haukia herekiai keiroro aina, hano ikoikiai, itubu ikoikiai, maea haeai haeai, mai maearima ikoikiai herekiai.

Ibawaira Tinana 15:3

Ia hanona Mose weiana Tirama ena ta'ara'i hauna ena hui ha mai Mamoe nahu ena hui abomo ha tehuiaina tetibaha, “Obiapaka hiabu ikoinai Tiramana e, emu aka teapa'ua ki'a baha, bata'uta'u huri akakia nubabai. Uru ikoikiai ekia Obia 'arana e, emu taeara hanona tebero wairai abomo toha tohakia.

Ibawaira Tinana 17:15

Weiana aneru haeamona ehina bena'u etibaha, “Bei weiakia oihanakia ahakiai rea babi'ena emia'au, hanona maearima haeai haeai, rama haeai haeai, hano haeai haeai, mai maea haeai haeai haukia.

Ibawaira Tinana 4:11

“Emai Obiapaka emai Tirama e, oi hanona mai emu bero nuabi mai mariki mai hiabu koa'inakia. Pokina oi ohore taba ikoikiai obaramanakia. Emu nuatae paunai taba ikoikiai terama ba ṯemiaho.”

Ibawaira Tinana 5:12

Ṯehui aota ṯetibaha, “Mamoe nahu 'uainai teahu 'arina hauna, bariu mai ena bero, hiabu, kepu, aobero, mai tabura kea'inakia abomo mariki, nuabi, mai banamo kea'inakia.”

Ibawaira Tinana 5:6

Weiana obia imia'auna 'ekana ibuanai Mamoe nahu ha ekoroti aihana ihana matoha 'uainai teahu 'arina 'abana, mauri tabakia bani mai kiro haukia weia tekori kakaiarona, ia 'eana hanona 'abaihau hamomo mahana abomo 'abaihau hamomo, mahana weiakia hanona Tirama ena auba 'abaihau hamomo euhunakia teao hanopaka ikoinai haukia.