Ibawaira Tinana 21:4 - Waima

⁴ Ia kehore mahakia beikia ikoikiai mahakiai keutu obonakia, ba maearima a'i kate'ari mue, a'i kateaoko'o mue, a'i katehai mue, mai a'i katehaiara mue, pokina taba 'ai'aikia weiakia hanona aba te'akauma baihana.”

Ibawaira Tinana 21:4 ပူးပေါင်းရင်းမြစ်များ

Mataio 24:35

Kupa mai hanopaka hanona kate'akauma, ia au e'u 'abi hanona a'i ke'akauma.

1 Korinto 15:26

'Ou hauna orena Iesu kehore keba pururuna hauna hanona 'ari.

1 Korinto 7:31

Mai maearima weiakia bariu hanopaka tabakia bo'okia tiakaina haukia hanona kateraonana matoha aka weiakia hanona herekiai taba aha'i 'abana. Pokina hanopaka neiana mai bariu nahamiaho aina maurina hanona aba kepua.

2 Korinto 5:17

Hau ha Keriso aonai nemiaho raninai, ia hanona aba maearima mahamahana, mauri 'ai'aina aba ekapare ia aba maearima mahamahanai eao.

2 Korinto 6:17

Ua buonai Tirama e'abi etibaha, “Wai hanona ia tomohabonakia herekiai tomokapare. Opu akakia a'i katobabai. Ba au wai ka'i taeanimi. Isa 52.11; Esk 20.34, 41

Heberu 12:27

'Abi neiana “haeamona” anina hanona weiakia terama tabakia kateibiu haukia ikoikiai kea'i parenakia, ia taba baika a'i kateibiu haukia hanona 'ekakiai katemiaho.

2 Petero 3:10

'A Obiapaka ena rani kemai hanona matoha bainao hauna 'abana, rani weianai hanona 'uru rarina 'akina kebua aonai kupa kate'akauma, kupa aona tabakia ikoikiai irubai kateara, haeamona hanopaka mai ahanai tabakia ikoikiai kate'akauma.

1 Ioane 2:17

Hanopaka mai aona inuatae aina tabakia ikoikiai aba ti'akauma ore, ia Tirama ena nuatae akana tibabaina haukia hanona katemauri banaibanai.

Ibawaira Tinana 20:13

'Aku aonai te'ari haukia 'aku ehore euhu 'aunakia, haeamona 'ari mai 'ari haukia ekia 'eka tehore ekia 'ari haukia teuhu 'aunakia. Ba maearima ikoinai hanona ha ha ekia babai ihobohobokiai ebabakainakia.

Ibawaira Tinana 20:14

Murinai 'ari mai 'ari haukia ekia 'eka abomo iruba 'obuna aonai tekapo uhunakia. Iruba 'obuna weiana hanona 'ari ibaruana.

Ibawaira Tinana 21:1

Epua, maha'u eao kupa mahamahana mai hanopaka mahamahana aihanakia, pokina kupa kori'uaina mai hanopaka kori'uaina aba te'akauma, 'akupaka abomo wairana aha'i.

Ibawaira Tinana 22:3

Aiara weiana aonai hanona Tirama ena ururu ba'anai ṯemiaho tabakia ha weia a'i kahatabu ahina. Pokina Tirama mai Mamoe nahu ekia obia imia'auna hanona aiara weiana aonai kate miaho. Ena ta'ara'i haukia katehore ia katekuti aina,

Ibawaira Tinana 7:17

Pokina Mamoe nahu obia imia'auna ibuana tohanai nemiaho hauna kehore ke'imanakia mamoe i'imana hauna 'abana, ia kehore ke'uai ainakia mauri beina 'uriai nebuti hauna herenai, ba Tirama kehore mahakia beikia ikoikiai mahakiai keutu 'ororonakia.”