Ibawaira Tinana 13:7 - Waima

⁷ Ia hanona hiabu tebena Tirama ena robe haukia kehuarinakia keahunakia, ba bero tebena itubu ikoikiai, maearima ikoikiai, maea ikoikiai abomo hano maikoinai kepoki ainakia.

Ibawaira Tinana 13:7 ပူးပေါင်းရင်းမြစ်များ

Luka 4:6

Tiaporo ia ehina bena etibaha, “Au kahore hiabu mai nuabi neiakia maikoinai kabeni'o, pokina ikoikiai au ima'u ai eutana, haeamona tai nanuatae aina hauna kabena.

Ioane 19:11

Iesu ia ena 'abi ebamuena etibaha, “Tirama hiabu oi a'i pebeni'o raninai oi au koahu 'arina'u hiabuna hanona heremuai aha'i. Ua buonai hau weiana imamuai eutana'u hauna ena ki'a hanona eapa'ua ki'a baha ba oi 'eumu.”

Ibawaira Tinana 10:11

Ba ehina bena'u etibaha, “Oi hanona mahabanai 'abina kohina muena, weiana maearima haeai haeai, hano haeai haeai, maea haeai haeai, mai obia arakia haeai haeai haukia robakia koahuna.”

Ibawaira Tinana 11:18

Hano haeai haukia teopuere, iamo oi emu opuere ranina ekara'au. Ba aba te'ari haukia oi emu bakai aonai katewaira tina kobabakainakia ranina aba ekara'au. Emu ta'ara'i haukia weiakia mahabanai haukia, mai emu maearima robekia, mai oi atamu timariki aina haukia papakia eaomo apa'uakiai epua, ikoikiai 'arakia namokia kobenakia ranina aba ekara'au. Abomo hanopaka tea'i ki'ana haukia kobapururunakia ranina aba ekara'au.”

Ibawaira Tinana 11:7

Ekia pou hina 'abina weiana katebaorena kepua murinai, aiahu mahina weiana 'uri e'oura ki'a aonai kekara'au hauna kehore terarua kehuari benakia keahunakia keahu 'arinakia.

Ibawaira Tinana 12:17

Dragona hanona babi'e eopuereai ki'ana, ba eao babi'e nahuna ikoikiai kehuarinakia. (Weiakia hanona Tirama ena rauhubu 'abikia tika'aina haukia mai Iesu ehina pounakia 'abikia tia'i taeana haukia.)

Ibawaira Tinana 17:15

Weiana aneru haeamona ehina bena'u etibaha, “Bei weiakia oihanakia ahakiai rea babi'ena emia'au, hanona maearima haeai haeai, rama haeai haeai, hano haeai haeai, mai maea haeai haeai haukia.

Ibawaira Tinana 5:9

Weiana hui mahamahana ha tea'i taeana tehuiaina tetibaha, “Oi hanona mai emu bero puka iouna koa'ina abomo ikaiabuna hoahoakia kobapa'anakia. Pokina oi teahu 'arini'o, ba emu 'ari aruarunai maearima okawanakia Tirama 'euna, itubu ikoikiai, maea ikoikiai, maearima ikoikiai, mai hano ikoikiai herekia.