Ibawaira Tinana 11:8 - Waima

⁸ Weiana terarua te'ari hauanikia hanona aiara apa'uana Ierusalema airabuanai katenoti. Weiana hanona terarua ekia Obiapaka matiu ibiri ropo ubinai e'ari 'ekana, aiara weiana 'abi ibabatainai atana tehinana, Sodoma 'ao Aikupito.

Ibawaira Tinana 11:8 ပူးပေါင်းရင်းမြစ်များ

Mataio 10:15

'Abi tohana au wai nahina benimi, bakai orena berauranai Sodoma mai Gomora aiarakia ekia puma ma ke'aera, ia aiara weiana ena puma hanona keapa'ua.

Iuhubeau Ekia Aka 9:4

Saulo e'eho 'anoai, aia ha eona etibaha, “Saulo e! Saulo e! Taba buonai au nu'oatana'u?”

Heberu 13:12

Ihobonai Iesu abomo kipona aruarunai maearima ekia ki'ai kebamaha mahanakia paunai aiara parabuna murinai ehau haiara e'ari.

Heberu 6:6

ba Keriso herenai ti'eho ti'akauma raninai kateraona kabe rani ibaruana katemahamaha hanona a'i ketaina, pokina ia aba imakiai Tirama Nahuna matiu ibiri ropo 'ubinai tikoko 'au muena maearima wairakiai tibahaumaeana.

2 Petero 2:6

Tirama ehore Sodoma mai Gomora aiara ki'a obokia puma ebahoainakia ba irubai ehuhu abunakia teaomo teabururu, weiana 'abana hanona Tirama a'i timariki aina haukia herekiai kerama.

Iuda 1:7

Taeara ihobonaimo, Sodoma mai Gomora haeamona aiara herekiai haukia nabau akakia mai hoahoa ki'a obokia tebabainakia hanona iruba banai banai pumana tehoaina, ba ihaiha weiana hanona aika ikoikai ibaraonaka puma a'i hamahoaina paunai.

Ibawaira Tinana 11:13

Beraura hoana weianai kanokau apa'uana ha eka'a, weiana aiara apa'uana iwate paipana harau haea aonai paipa ha maikoina hanona ebapururuna, abomo kanokau ehore maearima ikoinai taha 'abaihau hamomo (7,000) eba'arinakia. Maearima harina weiakia a'i te'ari haukia hanona teta'u ki'a baha, kupa Tiramana atana tea'i taeana.

Ibawaira Tinana 11:9

Wapu aihau mai abirana ha aonai maearima haeai haeai, itubu haeai haeai, maea haeai haeai, mai hano haeai haeai haukia katemai 'ari hauanikia weiakia rua kateihanakia, iamo katehina benakia a'i kate horenakia.

Ibawaira Tinana 14:20

Ba aiara kapenai bine buabuakia imutuna 'ekanai temutunakia, ba imutu 'ekanai aruaru earu ahi, earu eao ena ro'e hanona hoti ekoroti pinana ihobona, 'a ena homa'a hanona kilometa hinabu aihau.

Ibawaira Tinana 14:8

Ba aneru ibaruana ha aneru kori'uaina murinai erobo, e'abi aota etibaha, “Aba e'eho! Babulonia aiara apa'uana, aba e'eho. Ia ehore ena biai hano ikoikiai maearimakia ebainu 'arinakia, bia weiana hanona ena maha porepore hoahoakia.”

Ibawaira Tinana 16:19

Weiana aiara apa'uana atana Babulonia hanona epa'a paipana aihau, mai hano ikoikiai aiarakia apa'uakia hanona tepururu. 'A Tirama hanona Babulonia aiara apa'uana ena ki'a eraona 'inina, ba ia ehore ena kaputi ai Babulonia ebainuna, kaputi weiana hanona Tirama ena opuere ki'a obona waininai ebonu 'auna.

Ibawaira Tinana 17:1

Epua, aneru 'abaihau hamomo weiakia puou 'abaihau hamomo tea'inakia haukia 'abakia ha emai here'u ehina bena'u etibaha, “Omai, au kahore rea babi'ena apa'uana ena puma kehoaina hauna kabaihani'o, ia hanona bei bo'ona 'arakiai nemiati.

Ibawaira Tinana 17:18

Babi'e weiana oihana hauna hanona aiara apa'uana, weiana hanopaka ena obia 'arana haukia ikoikiai nipoki ainakia.”

Ibawaira Tinana 17:5

Ia pauna ahanai hanona ata bunina ha tererena, ‘BABULONIA APA'UANA, HANOPAKA ENA REA BABI'EKIA IKOIKIAI MAI TABA KI'A OBOKIA MAIKOINAI HINAKIA.’

Ibawaira Tinana 18:10

Ena hau haiara paunai, kateta'u ki'a atau'ai katekoroti katehai kate'abi, ‘Eki'a ki'a baha, eki'a ki'a baha. Babulonia aiara apa'uana mai taburana e, beraura hoana hamona 'akimo aonai puma ohoaina.’

Ibawaira Tinana 18:18

Ia ni'ara hiabuna nikara'au kateihana raninai kateio katetibaha, ‘Aiara tabana hanona aiara apa'uana neiana 'abana?’

Ibawaira Tinana 18:2

Aiana taburanai eio aota etibaha, “Babulonia aiarana apa'uana aba e'eho, aba e'eho! Ia hanona tiaporo mai auba ki'a obokia ikoikiai ekia kaimue 'ekanai eao, roborobo 'opukia mai 'arikia a'i ti'ari haukia ekia paparo'ai eao.

Ibawaira Tinana 18:21

Ba aneru taburana ha ehore iata rarina 'akina ha ea'i taeana 'aku aonai ekapo uhuna ba e'abi etibaha, “Taeara neiana ihobonai Babulonia aiara apa'uana 'aku aonai katekapo uhuna, ba a'i kateiha muena.

Ibawaira Tinana 18:24

Babulonia aiara apa'uana hanona puma ehoaina pokina ia aonai mahabanai haukia mai Tirama ena robe haukia aruarukia tetabu ahinakia, mai hanopaka ahanai teahu 'arinakia haukia ikoikia aruarukia.”