Ibawaira Tinana 11:18 - Waima

¹⁸ Hano haeai haukia teopuere, iamo oi emu opuere ranina ekara'au. Ba aba te'ari haukia oi emu bakai aonai katewaira tina kobabakainakia ranina aba ekara'au. Emu ta'ara'i haukia weiakia mahabanai haukia, mai emu maearima robekia, mai oi atamu timariki aina haukia papakia eaomo apa'uakiai epua, ikoikiai 'arakia namokia kobenakia ranina aba ekara'au. Abomo hanopaka tea'i ki'ana haukia kobapururunakia ranina aba ekara'au.”

Ibawaira Tinana 11:18 ပူးပေါင်းရင်းမြစ်များ

Ibawaira Tinana 20:12

Ba 'ari haukia aihanakia apa'uakia mai papakia Tirama ena obia imia'auna wairanai tekoroti, ba aneru puka tekai kaunakia, baiatakiai puka haeai ha abomo tekaikauna weiana hanona mauri pukana. 'Ari haukia ekia babai puka aokiai irere ihobokiai eba bakainakia.

Ibawaira Tinana 19:5

Ba weia obia imia'aunai aia ha emai etibaha, “Ena ta'ara tua'ina haumi ikoimiai mai maearima ikoimiai weiami papana mai apa'uana ia tumariki aina haumi ikoimiai, eka Tirama hamabanamona.”

Ibawaira Tinana 13:10

Tirama nenuatae hau ha katea'ina katebawapurana raninai, hau weiana hanona katea'ina katebawapurana. Haeamona Tirama nenuatae hau ha akiuai ke'ari raninai, hau weiana hanona akiuai kateharana ba ke'ari. Neiana buonai Tirama ena robe maearimakia hanona bakiroai mai a'ikakaumai katemiaho.

Ibawaira Tinana 22:12

Iesu e'abi etibaha, “Tomobahu. Au hanona aba kawahi. Au kahore ikoimiai emi babai ihobokiai ha ha 'arami kabenimi paunai, 'arami hanona kawahi ainakia.

Ibawaira Tinana 15:7

Weiana mauri tabakia bani baiatakiai ha ehore gold puoukia 'abaihau hamomo ea'inakia aneru 'abaihau hamomo weiakia ebenakia, puou weiakia aokiai hanona Tirama weiana kemiaho banaibanai hauna ena opuere ebonu.

Ibawaira Tinana 15:1

Epua, au bata'uta'u huri hoana haeai ha apa'uana kupai aihana. Aneru 'abaihau hamomo imakiai hanona maearima ia'i ki'akia tabakia ki'a obokia 'abaihau hamomo tea'inakia, neiakia hanona orekia, murikiai hanona haeai ha a'i kerama, weiana Tirama ena opuere hanona keore.

Ibawaira Tinana 14:10

ia abomo Tirama ena opuere wainina keinu, weiana Tirama ia keopuere aina puma kebahoai ki'ana matoha waini weiana kaputi aonai aba teheina bei kipokia a'i tebahaeamona hauna 'abana. Ki'a hauna weiana hanona aneru robekia mai Mamoe nahu wairakiai kehaiara iruba mai pihara atana salpa mai irubana aokiai.

Heberu 9:27

Maearima ha ha hanona rani hamonai kate'ari, murinai Tirama kebabakainakia.

Luka 1:50

uru ha keao uru ha ena aoko'o hanona nibawaira tinana weiakia timariki aina haukia herekia.

Mataio 5:12

Aomi kenamo mai katoaonamo, pokina kupai hana 'arami rarina. 'Uainai mahabanai haukia temiaho raninai ṉa te'oata aihonakia.

Ibawaira Tinana 20:15

Maearima weiakia atakia weia mauri pukana aonai irere aha'i haukia ikoikiai hanona iruba 'obuna aonai tekapo uhunakia.

Ibawaira Tinana 18:6

Ena baibeni ihobonai katobeni muena. Taba ebabaina hauna 'arana rani rua katohorena. Emi 'ere aokiai muramura pahihina eba'oruna katoinu ihobonai, ia ena 'ere aonai muramura pahihina katoba'oruna hanona ena tabura katoba kabanaina rani rua.

Ibawaira Tinana 11:2

'A marea robe ara aonai ena i'aea huri 'ekana atapakai hauna hanona a'i kohobona, pokina Tirama ena maearima aha'i haukia aba ebenakia ia hanona nawa bariabui rua aiara robena katehe hai ehe haina.

Ibawaira Tinana 19:15

Pinanai hanona kareba nihena eara hauna nikarahi, ena aka hanona hano haeai haeai haukia keahu 'iti'itinakia, ba ia kehore auri ikai'iniai kepoki ainakia. Hiabu ikoinai Tiramana ena opuere kebatohana 'ekana bine buabuana ibahari 'iti'itina 'ekanai kehe 'iti'itinakia.

Ibawaira Tinana 10:7

Iamo aneru iba'abaihau hamomona ena pihi keubaina raninai, Tirama ena raona bunina hanona ketohana, Pou namona neiana hanona ena mahabanai haukia ia ta'arana tea'i haukia ehina benakia.”

Ibawaira Tinana 13:16

Haeamona aiahu mahina ibaruana ehore maearima ikoikiai ebahi ahinakia, papakia mai apa'uakia, obia huakia mai uraru haukia, ta'ara a'i tia'i haukia mai ta'ara tia'i haukia, ikoikiai hanona mani'a ha imakia itipanai 'ao paukia ahakiai katea'ina.

Ibawaira Tinana 19:18

Weiana wai hanona obia 'arana haukia, huari poki haukia, mai tabura haukia bitiokia katoani, hoti mai hoti ai temia'au haukia bitiokia katoani, mai maearima ikoikiai weiakia ta'ara tia'i haukia mai ta'ara a'i tia'i haukia, papakia mai apa'uakia bitiokia katoani.”