1 Korinto 16:16 - Waima

¹⁶ a'ikakauma haukia uahomakia mai baika ia kipokia tiaka haeamo tibarainakia haukia aiakia katona.

1 Korinto 16:16 ပူးပေါင်းရင်းမြစ်များ

Roma 16:12

E'u banamo Trupena mai Truposa katobenakia, ia hanona Obiapaka paunai aka tebabai harai babi'ekia. E'u banamo e'u raona'au babi'ena Peresi katobena, ia hanona Obiapaka aonai aka rarina 'akina ebabaina.

Roma 16:3

E'u banamo Priskila mai Akula katobenakia, ia hanona au kipokia Keriso Iesu ena aka tababaina haukia.

Roma 16:6

E'u banamo Maria katobena, ia hanona wai paumiai aka apa'uana ebabaina.

Roma 16:9

Abomo e'u banamo Urebano katobena, taka haeamo Keriso aonai, e'u raona'au hauna Staku abomo e'u banamo katobena.

1 Korinto 12:28

Tirama ehore ena marea aonai maearima ea'i taeanakia, kori'uaina hanona iuhubeau haukia, ibaruana hanona mahabanai haukia, ibaihauna hanona ba'iobi haukia, ba hiabu hoakia haeai haeai katebabai haukia, ia murikiai hanona inawa katebanamo haukia, baika barai barai haukia, baika 'uai haukia, ba weiakia maea haeai haeaiai kate'abi haukia.

1 Korinto 3:9

Ai tararua hanona Tirama ena aka haumai, wai hanona Tirama ena uma haeamona ena itu.

Epeso 5:21

Ha ha kipomi 'abami aiakia katoka'ainakia ihobona Keriso tumariki aina 'abana.

Pilipo 4:3

Oi iebebe hamona habuana haumu, e'u nuatae babi'e neiakia rua kobarainakia, pokina ia hanona au kipokia taka haeamo pou namona paunai, abomo Klemento mai au 'aba'u kipokia taka haeamo haukia, ia atakia hanona Tirama ena mauri pukana aonai nemiaho.

1 Tesalonika 1:3

Ai Hamaka Tirama wairanai emi a'ikakauma akana tobabaina hauna mai emi raona'au hoana toaro'ari hauna haeamona emi buabeni Obiapaka Iesu Keriso herenai tobakori 'inina hauna ṯaraona 'ininakia.

1 Tesalonika 2:9

Uaho'abamai e, aba to'iobina Tirama ena pou namona tairoro aina heremiai hanona taro'ari ki'a rabi mai mararani taka aniani itabukiai pokina hau ha puma a'i katabena.

1 Tesalonika 5:12

Uaho'abamai e, bariu ṯanoinimi naia baiatamiai barai barai akana tibabaina haukia weiakia Obiapaka etina'anakia kate'uai ainimi katerobenimi haukia katomariki ainakia.

1 Timoteo 5:17

Tirama ena marea kiro haukia weiakia maearima herekiai 'uai akana namona tibabaina haukia katomariki ainakia. Ba weiakia aka tihauaro aina Tirama ena 'abi ṯeiroro aina mai tibamarere aina haukia hanona katomarikiai apa'uanakia.

Heberu 13:17

Ṯe'uai ainimi haukia aiakia katoka'aina mai ṯenuataeai akakia katobabainakia. Pokina ia tihore wai ṯe'imanimi Tirama wairanai mai ta'ukia, a'i tioro. Aiakia katoka'aina hanona mai aonamokia ekia aka katebabaina, ia mo aiakia a'i katoka'aina raninai mai raona raonanakia kateaka, ba weiana 'eumiai hanona baraibaraina aha'i.

Heberu 13:24

Ṯe'uai ainimi haukia ikoikiai mai Tirama ena maearima ikoikiai herekiai e'u banamo 'abina katohina benakia. Weia Italia ai ṯemiaho haukia ekia banamo 'abina ṯetiu ahina heremi.

Heberu 6:10

Tirama hanona tai ha a'i nitaina, emi aka tobabai mai emi raona'au ia atanai aba tobawaira tinana ena robe haukia tobarainakia bariu abomo tubarainakia haukia a'i kereanakia.

1 Petero 5:5

Hau 'aru'arumi e, taeara ihobonai kiro haukia aiakia katona, ikoimiai kipomi 'aiaunu ai katobarainimi, pokina Puka robenai ererena etibaha, “Tirama hanona apa haukia niwae'e ainakia, 'a 'aiaunu haukia hanona keaoko'o ainakia.” Aot 3.34

3 Ioane 1:8

Ua buonai aika abomo ia kahabarainakia, weiana kahababaina aonai, aika hanona Tirama ena 'abi tohana akana aba ia kipokia nahababaina.

Ibawaira Tinana 2:3

Oi hanona obapahihi, mai atetua aokiai au ata'u paunai obakiro, a'i ohaba 'apua.