1 Korinto 13:9 - Waima

⁹ Pokina eka aotipa hanona teko'iko'i mai eka mahabanai 'abikia teko'iko'i mo a'i tebero 'au harai,

1 Korinto 13:9 ပူးပေါင်းရင်းမြစ်များ

Mataio 11:27

Hiabu ikoikiai hanona Hama'u aba ebena'u. Ia Nahuna a'i te'iobina Hamana mo kipona, mai hau ha Hamana a'i e'iobina Nahuna mai Nahuna etina'anakia haukia weiakia herekiai kipona kebawaira tinana haukia mo.”

Roma 11:34

Puka robenai e'abi, “Tai hanona Obiapaka aona e'iobina? 'ao, Tai hanona ia ena bairobe haunai eao? Isa 40.13

1 Korinto 13:10

ia ebero 'auna tohana kemai raninai, weiakia a'i tebero 'au harai haukia hanona kate'akauma.

1 Korinto 13:12

Taba bariu nahaiha hanona matoha oreore 'abu'abunai oreoreka nahaihana 'abana, muriai hanona katewaira tina harai kahaiha harainakia. Taba ikoikiai bariu hanona papakia mo na'iobinakia, 'a muriai hanona ka'iobi 'aunakia, matoha Tirama au e'iobi 'auna'u 'abana.

1 Korinto 2:9

Puka robenai tererena 'abana, “Taba weiana kerama hauna hau ha a'i eihana, 'ao 'uruna a'i eona, 'ao hau ha a'i eraonana hauna Tirama aba eba'oruna weiakia ia tiraona'au aina haukia 'eukia.” Isa 64.4

1 Korinto 8:2

Hau ha kipona niraonana ia hanona mai ena 'iobi taba baika e'iobinakia, iamo pe'iobi tohanakia hauna a'i e'iobinakia.

Epeso 3:8

Tirama ena maearima ikoinai baiatakiai au hanona taba aha'i 'abana, iamo Tirama aoko'o hoana neiana ebena'u hanona rama haeai haukia herekiai Keriso ena obia eapa'ua ki'a baha mai a'i kepua hauna pouna kairoro aina.

1 Ioane 3:2

E'u hau ki'ami e, bariu aika hanona Tirama nahuna, ia aika maearima aehomaka hanona a'i niwaira tina harai baha, iamo aika ha'iobina Keriso kewaira tina raninai aika hanona ia 'abanai kahaeao, pokina ia tohana kahaihana.