1 Ioane 5:20 - Waima

²⁰ Abomo aika ha'iobina Tirama Nahuna emai hanona aoka ebaeana, weianai aika Tirama tohana kaha'iobina, haeamona aika hanona Tirama tohana aonai mai Nahuna Iesu Keriso aonai nahamiaho. Iesu Keriso hanona Tirama tohana abomo ia hanona mauri banaibanai pokina.

1 Ioane 5:20 ပူးပေါင်းရင်းမြစ်များ

Mataio 13:11

Iesu ekia 'abi ebamuena etibaha, “Tirama ena obia aiarana aotipana bunikia hanona aba heremiai tewaira tina, 'a ia herekiai hanona aha'i.

Luka 21:15

Pokina Au kahore aobero 'abikia kabenimi, weiana emi 'ou haukia katebamuenakia 'ao katebuniai ainakia hanona a'i ketaina.

Luka 24:45

Weiana aokia ebaeanakia Puka Robena obona kateobo.

Ioane 1:18

Hau ha Tirama a'i eiha 'apuana, 'a Nahuna hamohamona Tirama herena 'akinai nemiaho mai ia kipona abomo Tirama, ia hauna ehore Tirama eba'iobinaka.

Ioane 10:30

Au mai Hama'u tararua hanona hamomomai.”

Ioane 14:20

Wapu weiana kemai aonai wai kato'iobina au hanona Hama'u aonai, wai hanona au ao'uai, ihobona mo au hanona wai aomiai.

Ioane 14:23

Iesu Iuda ena 'abi ebamuena etibaha, “Hau ha au niraona'au aina'u hauna e'u ba'iobi 'abikia kebabua 'aunakia, Hama'u kehore ia keraona'au aina, haeamona au mai Hama'u ohi katamai herenai kipokia katamiaho.

Ioane 14:6

Iesu Toma ehina bena etibaha, “Taearana hanona au, 'abi tohana abomo au, haeamona mauri abomo au. Hamaka herena kateao haukia ikoikiai ekia taeara hanona au.

Ioane 14:9

Iesu ena 'abi ebamuena etibaha, “Pilipo e, rani ehoma'a aba kipokia hamiaho oioi, iamo oi hanona au a'i o'iobina'u, u? Hau ha au eihana'u hauna hanona Hama'u aba eihana, ae homa buonai nu'abi, Hamaka mobaihanamai.

Ioane 15:4

Wai au ao'uai katomiaho, au abomo wai aomiai kamiaho. Re kipona a'i kebua'a 'abaea, ia re hanona bine matiuna ahanai kekomo 'au harai hanona kebua'a. Weiana ihobonai mo wai au hau'uai a'i katokomo 'au harai hanona buami a'i katerama.

Ioane 17:14

“Emu 'abi aba abenakia ba hanopaka hanona aba ni'oatanakia, pokina au hanona hanopaka 'euna aha'i ihobona ia abomo hanopaka 'euna aha'i.

Ioane 17:25

Hama'u bero haumu e, hanopaka maearimakia hanona oi a'i ṯe'iobini'o, ia mo au hanona oi a'iobini'o mai e'u maearima neiakia te'iobina oi hanona au ouhuna'u.

Ioane 17:3

Mauri banaibanai hanona neiana, maearima oi kate'iobini'o, oi hanona ikupaiamu mo Tirama tohamu, abomo kate'iobina Iesu Keriso oi ouhuna hauna.

Ioane 20:28

Toma Iesu ena 'abi ebamuena etibaha, “Oi hanona e'u Obiapaka, au e'u Tirama!”

Ioane 8:42

Iesu haeamona ehina benakia etibaha, “Wai hamami Tirama raninai au patoraona'au aina'u. Pokina au Tirama herenai akarahi amai neia. Au hanona kipo'u e'u nuataeai a'i amai ia Hama'u euhuna'u.

Iuhubeau Ekia Aka 20:28

Kipomi katoiha 'ini harainimi mai a'ikakauma haukia kato'ima harainakia matoha mamoe i'imana hauna mamoe ne'ima harainakia 'abana. Auba Robe aka weiana ebenimi Tirama ena marea haukia ibaka'a haraikia haumiai ebaonimi, weiakia hanona Tirama Nahuna ena 'ariai aba ekawanakia.

Roma 9:5

Ia 'aba'abakia hanona maearima apa'uakia, ia ekia kupuai hanona Keriso hauaniai erama, ia hanona taba ikoikiai nipoki ainakia Tiramana, kahabanamona banaibanai. Amen.

1 Korinto 1:30

Ia wai hanona Tirama emaiainimi Keriso Iesu ohi ebahamomonimi. Keriso hanona Tirama herenai emai eka aoberoai eao, ba ia haunai hanona habero harobe mai ki'a 'ekanai ebamaurinaka.

2 Korinto 4:6

Tirama e'abi etibaha, “Wapura aonai ea merama.” Ba Tirama weiana ehore ena eai ai aomai ebaeana, Tirama ena nuabi Keriso wairanai ewaira tina hauna obona ṯaobo mai taihana.

2 Korinto 5:17

Hau ha Keriso aonai nemiaho raninai, ia hanona aba maearima mahamahana, mauri 'ai'aina aba ekapare ia aba maearima mahamahanai eao.

Epeso 3:18

Weiana wai Tirama ena robe haukia ikoikiai kipokia tabura katoa'i haeamona, Keriso ena raona'au ena mata mai ena homa'a, ena ro'e mai ena 'oura aea homana hauna kato'iobi haraina.

Pilipo 3:9

ia aonai ketabu ahina'u. Au kipo'u rauhubu ia'inai bero ha a'i atabu ahina, ia Keriso ia'ikakaumanai. Tirama kehore bero kebenaka ia'ikakaumana paunai.

1 Timoteo 3:16

Aika naha'iobi haraina eka kuti taearana weiana Tirama herekai ebawaira tinana haukia hanona eapa'ua. Keriso hanona hauaniai ewaira tina, aubai ena bero ebatohana, aneru ia teihana, rama haeai haukia herekiai ia pouna teiroro aina, mai hanopaka maearimakia ia tea'ikakaumana, nuabi aonai ea'i taeana eao kupai.

Tito 2:13

Aika hanona ua kahamiaho aiho eka buabeni apa'uana weiana Tirama apa'uana mai ibamaurika hauna Iesu Keriso ena mue mai wapuna nuabina naha'imana aonai.

Heberu 1:8

Ia Nahuna robana eahuna etibaha, “Oi hanona Tirama, emu obia imia'auna kemiaho banaibanai, oi hanona bero ai emu aiara nupoki aina.

1 Ioane 2:23

Hau ha Nahu nebuniaina hauna hanona ia herenai Hama aha'i. Hau ha Nahu nibatohana hauna hanona Hama abomo ia herenai.

1 Ioane 2:24

Popounai 'abi tona hauna hanona aomiai kemiaho. Tona 'abina weiana katoka'aina raninai, wai hanona Nahuna aonai mai Hamana aonai katomiaho.

1 Ioane 2:6

Hau ha ni'abi ia Tirama herenai nemiaho hauna hanona Iesu emauriaina maurina ihobonai kemauri.

1 Ioane 4:14

Tirama Nahuna euhuna emai hanopakai maearima ibamaurikia haunai eao, weiana ai aba taihana mai ṯahina pouna.

1 Ioane 4:16

Tirama niraona'au ainaka hauna ha'iobina mai naha'ikakaumana. 'Abi tohana Tirama hanona raona'au. Hau ha maearima niraona'au aina hauna hanona Tirama aonai nemiaho, Tirama abomo ia aonai nemiaho.

1 Ioane 4:2

'A wai Tirama ena Auba Robe ea'ina hauna hanona taeara neianai ko'iobina: Hau ha kehina pouna Iesu Keriso hanona hauaniai emai hanopakai raninai, auba weiana ia ea'ina hauna hanona Tirama herenai emai.

1 Ioane 5:1

Maearima weiana Iesu hanona Keriso nia'ikakaumana hauna hanona Tirama nahuna, Hama niraona'au aina hauna hanona nahuna abomo niraona'au ainakia.

1 Ioane 5:15

Aika ha'iobina Tirama herenai taba taba kahanoi ainakia hanona aiaka niona raninai, ha'iobi haraina hanoiai tabakia hanona aba ha'inakia.

1 Ioane 5:18

Aika ha'iobina Tirama nahunai tiao haukia hanona ki'a a'i tibabai to'ona. Tirama Nahuna ni'aeabunakia, hau ki'a obona ia a'i kea'i 'apuanakia.

1 Ioane 5:5

Ua buonai hanopaka hiabuna tiba'ehona haukia hanona weiakia tia'ikakauma Iesu hanona Tirama Nahuna haukia mo ikupaiakia.

Ibawaira Tinana 15:3

Ia hanona Mose weiana Tirama ena ta'ara'i hauna ena hui ha mai Mamoe nahu ena hui abomo ha tehuiaina tetibaha, “Obiapaka hiabu ikoinai Tiramana e, emu aka teapa'ua ki'a baha, bata'uta'u huri akakia nubabai. Uru ikoikiai ekia Obia 'arana e, emu taeara hanona tebero wairai abomo toha tohakia.

Ibawaira Tinana 19:11

Epua, au kupa ekaikau hoti pore obona ha waira'uai aihana, ahanai emia'au hauna atana hanona ‘aia ibabua'au’ mai ‘toha tohana’ Ia hanona bero paipanai nibabakai mai nehuari.

Ibawaira Tinana 3:14

Ia e'abi mue etibaha, “Tirama ena marea Laodikea aiaranai hauna ena aneru ṉa korere beni aihona. Amen pokina hauna, aia ibabua'auna hauna, mahanai eihana ehina pouna hauna tohana, mai Tirama ebabainakia tabakia ikoinai pokina hauna ena 'abi hanona neiana.

Ibawaira Tinana 3:7

Ia e'abi mue etibaha, “Tirama ena marea Piladelpia aiaranai hauna ena aneru ṉa korere beni aihona. Erobe mai 'abi tohana hauna, mai Davida ena ki ea'ina hauna, ia taba ekaikauna hanona hau ha a'i kekaiabuna, haeamona ia taba ekaiabuna hanona hau ha a'i kekaikauna hauna ena 'abi hanona neiana.

Ibawaira Tinana 6:10

Ia hanona teio aota tetibaha, “Taba ikoikiai Obiapakana e, oi hanona orobe mai toha tohana, rani tabanai hanopaka haukia kobakainakia, puma kobahoainakia emai 'ari aruarumai paunai?”