1 Ioane 1:8 - Waima

⁸ Aika paha'abi eka ki'a aha'i raninai aika kipoka nahabapo'onaka abomo Tirama ena 'abi tohana hanona aokai aha'i.

1 Ioane 1:8 ပူးပေါင်းရင်းမြစ်များ

Ioane 8:44

Wai hamami hanona tiaporo, emi nuatae hanona hamami ena nuatae akana katobabaina. Ia hanona ahuahu hauna bahabanai emai mo bariu, 'abi tohanai a'i ekoroti, pokina ia aonai 'abi tohana ha a'i nemiaho. Ia bai'oi nehinana hanona ia ena hoahoa tohana, pokina ia hanona bai'oi hauna abomo bai'oi ikoikiai hamakia.

Roma 3:10

Puka Robenai tererena ihobonai, “Maearima ha a'i ebero ki'a baha Tirama wairanai, tai ha aha'i 'akina.

Roma 3:23

Pokina ikoikiai aba teaka ki'a, buonai Tirama ena nuabiai tetara kapu.

1 Korinto 3:18

Kipomi a'i tomo'oinimi. Baiatamiai hau ha niraonana ia hanona eaotipa ki'a baha hanopaka neiana maurina aonai raninai, ia hanona kipona po'o haunai kebaona, weiana ia hanona aotipa hauna tohanai keao.

Galatia 6:3

Taba aha'i hauna mo niraonana ia hanona maearima apa'uana ha raninai, ia kipona ni'oina.

1 Timoteo 6:5

Haeamona maearima weiakia ekia raona raona a'i tibero harai, Tirama ena 'abi tohana a'i ṯe'iobina, mai Tirama ibanamona akakiai kateobia tiraonana haukia kipokia baiatakiai tibaiara to'ona.

2 Timoteo 3:13

Ba aka ki'a haukia mai ahu 'oi'oi haukia ekia aka ki'a tebabai to'o baihana eaomo teki'a ki'a baha, weiana ia tihore maearima baika ti'oinakia haeamona ia kipokia abomo ti'oinakia.

Iakobo 1:22

Tirama ena 'abi tuona hauna akana katobabaina, ia 'abimo tuo'o 'abaeana, akana a'i tubabaina hanona kipomi tu'oi ahinimi.

Iakobo 1:26

Hau ha aonai niraonana ia hanona Tirama nia'ikakauma haraina, iamo maeana a'i ne'ima haraina raninai ia hanona kipona ni'oi ahina, ba hau weiana ena a'ikakauma Tirama herenai hanona anina aha'i.

Iakobo 3:2

Aika ikoikai hanona rani bo'ona nahababai beho, ia hau ha a'i ke'abi rea raninai ia hanona kebero'au haeamona ia kipona hauanina maikoina kepokiai haraina ketaina.

2 Petero 2:13

Ekia aka ki'a weiakia tibabai haukia 'arana ihobo katea'ina. Ia hanona mararani tohakiai hauani hoahoakia ki'a obokia ibabaikia hanona tiaonamoai, ba kipokia katoaniani haeamo aonai abomo kateba haumaeanimi mai atami katea'i ki'anakia.

1 Ioane 1:10

Aika paha'abi ki'a ha a'i hababaina raninai Tirama hanona bai'oi haunai nahabaona, abomo ena 'abi hanona aokai aha'i 'akina.

1 Ioane 1:6

Aika paha'abi Tirama kipokia nahaba haeamo iamo wapura aonai nahaka'a raninai aika hanona nahabai'oi mai Tirama ena 'abi tohana a'i nahaka'aina.

1 Ioane 2:4

Hau ha pe'abi petibaha, “Au Tirama a'iobina,” ia Tirama ena rauhubu a'i nika'ainakia raninai, hau weiana hanona bai'oi hauna, ia aonai Tirama ena 'abi tohana hanona a'i nemiaho.

1 Ioane 4:20

Hau ha ni'abi ia Tirama niraona'au aina iamo uaho'abana 'arina a'i ni'ari raninai, ia hanona bai'oi hauna. Hau ha uaho'abana nahaihana hauna a'i niraona'au aina hanona Tirama a'i nahaihana hauna keraona'au aina a'i ketaina.

2 Ioane 1:2

Pokina Tirama ena 'abi tohana hanona aika aokai nemiaho, haeamona aika herekai kemiaho keaomo banaibanai.

3 Ioane 1:3

Uaho'abaka baika temai oi Tirama ena 'abi tohana nua'i taeana mai taearanai nuka'a hauna pouna tehina bena'u raninai ao'u enamo ki'a baha.