Luk 24:4 - Airepa Vae Reo Ovoi

⁴ Oa iava rirovira rugorugoo iraopaoro vavagisipaaepa rutu. Uva voa aitereivu oiratoarei kekeiva, ovusa voavi ruvara-ia torepasiepa. Aiterea iava kuvupara rutu sisikorepaiva.

Luk 24:4 ပူးပေါင်းရင်းမြစ်များ

Mak 16:5

Uva koatapaaepa rikui-ia. Uva voa iravu kekeiva viovokoto ira oirapapa varata-ia pauparoepa popotetoa-ia kuvupaoro. Oa iava ropeaepa.

Luk 2:9

Uva Turaro reraaro ensel voea iare urioroepa. Uva voa Turaro vaaro keraria voeare sisikorevira aviaviva. Oa iava rirovira rutu uririaepa.

Luk 24:5

Oa iava rirovira rutu uririaepa vo riako vairo. Oire uva takua viropa rasiua arore. Vo ovusa vaiterei oiso vairore purasiepa, “Eake-a vao oare rore taraapatai ro tootooto vova kopii irara voaro?

Aposel 1:10

Uva vuvuiua-ia siituepaaepa osa iparoepa, ovusa sita pievira voea vatuaro-ia karekesiepa aitereivu kaapopatoarei-ia kuvupaoro.

Aposel 12:7

Osa iava Turaro reraaro enselto sita pievira pouro viropa rera ruvara-ia Pita, ovusa aviavia varaepa voa raga ora kiusa tuukepa tugi-ia. Oire voaviva rera eraopareva rera vurevurepaoro. Uva oiso puraroepa rerare Pita, “Toreu ikauvira.” Oa iava tuuke iro kove ovoiepa rera iava.

1 Timoti 3:16

Iu, uvare apopoivira rutu toupai Pauto vo vovouaro, vo osa va-ia taraisa ruipapavio. Ari oiraopavira va kareke piesa oiravira karekeroepa. Oa iava Tugoropato Uraurato rera vo vovouaro torevokoa rutu oirao pievira karekereva. Ora vo osa purapurapa irara voeao ensel rera kekeiva. Ora vo osa oearovu rera iava siposipoiva voraro rutu vo rasio-ia. Oa vituaro iava riro irara rera oirao pieiva. Oa iava Pauto vorevira rera ipa piereva vuvuiua iare.