မာကု 7:37 - ဘေဲႇကျာမ်းတမာည်းညျှာရူမာည်း

³⁷ ဘိူဝ်ယေဲဝ်းတညာဝ်းတူအီးကဲ တာ့်လော်င်ကဲဒီး၊ ကဲမာ် အာမ်းဒို့ပေါႇခည်း၊ ကဲစီလည်ကမိုန်ကလာင်းဒါ်ႈလာ် “ပံင်ရေဲန်းစံဝ်ယေဆုပါ်ပည်မေဲႈမာ် မှေဲမ်အာမ်းပေါႇခည်း။ အန်းစံဝ်ဟည်ရေဲန်းဒဲႈ တူအီးချှိုက်ကအာဝ်းကဲ ဆမားယေဲဝ်းတညာဝ်း၊ တူအီးကျောႈအကဲမာ် အန်းဟည်ရေဲန်းဒဲႈကဲ ဆမားကလာင်း ကျောႈဆံက်ချှီႇ။”

မာကု 7:37 ပူးပေါင်းရင်းမြစ်များ

မာကု 1:27

တူအီးကဲမာ် ကံပ်အာမ်းဒို့ ပေါႇခည်း၊ စီလည်ကအုပ်ကမိုန်ဒါ်ႈ “အီးနီး နံင်မိုႈဘာည်းမှေဲ။ နံင်မိုႈကျောႈပနံဝ်းအီတမာည်း ဟီုဝ်။ အန်းစံဝ်ဒါးကနေဲႈအန်း၊ ဒဲႈလိူည်ကျောႈဆူည်ႇ ကလာင်း တာ့်ကနာ်မ်းဇေဝ်ကဲ၊ ကဲမာ် ကံပ်တညာဝ်းလာည်းပေါႇခည်း။”

မာကု 2:12

ဘိူန်ဇေဲန်း ချှေႈဒီးမာ် စီယာ်ည်ႇဖာ်ႈတေဲႈဂျိုးအိအန်း စီလည်လေႈဟာဝ်းပေါႇ လအာည်ႇတူအီးဂီုန်းကဲ။ တူအီးကဲဒီးမာ် အာမ်းငါ်ႇဒို့ပေါႇခည်း၊ စီဇိုက်ဖိုက်လာ် ဇီုဝ်စံဝ်ဖြား ဒါ်ႈလာ် “အာဝ်တံမ်ယေဲဝ်းမ ဘာည်းညျေဲန်းခံဝ်ဘော်က်။”

မာကု 4:41

ဘိူန်ဇေဲန်း ကဲစီ ကစာႈကဒိုန်းဖာ်ႈ ကဲစီလည်ကအုပ်ဒါ်ႈ “ချှေႈနီး အန်းမိုႈတူအီးမျိုးမှေဲ၊ ခူးလာင်းကာည်းမားအေဲမ်းဒါင်းမာ် ကံပ်တညာဝ်းလာည်းလာ်ပေါႇ ကျောႈဒါ်ႈအန်းစံဝ်။”

မာကု 5:42

ကော်န်းလိုည်းဒဲ့ဒီးမာ် စီယာ်ည်ႇ ဟာဝ်းပေါႇအူစာ်န်း။ အဆာက်ကော်န်းလိုည်းဒဲ့ဒီးမာ် ဟည်ဘိူန်း အူကိူဝ်းလေႈအယ်ဆာင်နမ့်။ ဘိူန်ဇေဲန်း တူအီးကဲဒီးမာ် တိူဝ်ႈငါ်ႇအာမ်းဒို့။

မာကု 6:51

ႎါည်းဒီး အန်းစံဝ်စီဟိုက်ဟာဝ်း တေဲင်းကလေဲႇဟိူဝ်းဂေါ်ည်းကဲ၊ ခူးမာ် ဟည်ယေန်ဟာဝ်းပေါႇ။ တပဲအန်းကဲဒီးမာ် အာမ်းငါ်ႇဒို့ပေါႇခည်း။

မာကု 7:36

ဘိူန်ဇေဲန်း စံဝ်ယေဆု စီတာ်မ်းအူန်းတာ့်ကဲ ကရီးကတီး နှာင်းကဲဘူကလာင်းတာ့်ဆိ။ ဘည်ဘာည်းစံမ့်ဇေဲန်းမာ် အန်းစံဝ် ချဲန်းအာ်ချဲ၊ ဆတာင်းဒီး ချဲန်းအာ်ကရော်တ်ဟာဝ်းဒို့ တော်န်းဒီ။

မာကု 8:1

ႎါည်းဒီးဘူလှာ်န်းဒါင်း တူအီးကဲမာ် ဟည်ဒေဲႈကစုဘိုး ပါ့်စံဝ်ယေဆု။ ဂေါႇမိုႈအာဝ်မေဲႈပံင်ဟိုမ်းဆိ အန်းစံဝ် စီတေဲႇလာ်တပဲအန်းကဲ စီကလာင်းဒါ်ႈ၊