မာကု 14:72 - ဘေဲႇကျာမ်းတမာည်းညျှာရူမာည်း

⁷² ယာမ်းဇေဲန်းပေါႇ အျိူဝ်းမာ် ဟည်ကဒိုး အယ်ဘော်က်။ ပေတရုမာ် ဟည်ႎီးနလှူႈ ကျောႈပံင်တာ်မ်းအူန်း စံဝ်ယေဆုတာ့်အန်း အီးဒါ်ႈ “အာည်ႇကဒိုးအျိူဝ်း အယ်ဘော်က်၊ မည်းနံင်ထဲင်းႎီုန် ဒါ်ႈ ‘အံဝ်းအာဝ်နာ်ႇမ စံဝ်ယေဆု’ ကံပ်မိုႈအိုည်းဘော်က်။” ဘိူန်ဇေဲန်း ပေတရုမာ် စီပေန်ယာဝ်းနိုက်နောႈ ဟည်အူးယာမ်းပေါႇဟာ့်။

မာကု 14:72 ပူးပေါင်းရင်းမြစ်များ

မာကု 14:30

ဘိူန်ဇေဲန်း စံဝ်ယေဆု စီႎီးဒါ်ႈ တာ့်ပေတရု “အံဝ်းနံင်ဒါ်ႈ အီးမိုႈအီးမှာန်အန်း၊ ဆေဲမ်းအီုန်ဒီႈပေါႇ အာည်ႇကဒိုးအျိူဝ်း အယ်ဘော်က်၊ မည်းနံင်ထဲင်းႎီုန် ဒါ်ႈ ‘အံဝ်းအာဝ်နာ်ႇမ စံဝ်ယေဆု’ ကံပ်မိုႈပေါႇ အိုည်းဘော်က်။”

မာကု 14:68

ဘိူန်ဇေဲန်း ပေတရုမာ် ႎီးထဲင်းအန်း စီဒါ်ႈ “ပံင်ဒါ်ႈမည်းဒီး အံဝ်းအာဝ်နာ်ႇ အာဝ်ကဘ္လူႈမ။” ႎါည်းဒီး ပေတရု စီလေႈဟာဝ်းဇူး ပါ့်ကိူန်ႎါင်း။ ခည်ယာမ်းဇေဲန်း အျိူဝ်းမာ် ဟည်ကဒိုး။

မာကု 14:71

ဘိူန်ဇေဲန်း ပေတရု စီဒါ်ႈ “အံဝ်းခံမ် စမ်းတိူင်ကျောႈ လအာည်ႇစံဝ်ဖြား၊ အီးမိုႈ ချှေႈပံင်ကလာင်းပဲဒီး အံဝ်းကံပ်ဘူနာ်ႇဟံင်း။”