Zjaveňje 15:8 - Le Devleskero Lav Andre Romaňi Čhib Slovensko 2021

⁸ O chramos pes naplňinďa le thuveha, savo avelas le Devleskra slavatar the zoratar. Ňiko našťi geľa andro chramos, medik na sas dokerde o efta rani le efta aňjelengre.

Zjaveňje 15:8 ပူးပေါင်းရင်းမြစ်များ

Žalmi 29:9

O hangos le RAJESKRO visarel avri o dubika stromi, o prajti peren tele a o veša ačhen lange. A andre leskro chramos savoro vičinel: „Slava le Devleske!“

2. Mojžišoskro 19:18

Calo verchos Sinaj sas andro thuv, bo o RAJ avľa pre leste tele andre jag. O thuv andral leste džalas sar te andral o bov, a calo verchos igen izdralas.

Izajaš 6:4

Ola vikatar, so vičinenas, razisaľile o prahi le vudareskre a o Chramos pes pherdžarďa le thuveha.

Jeremijaš 15:1

O RAJ mange phenďa: „Kajte angle mande ačhiľahas o Mojžiš the o Samuel, miro jilo pes na visarela ke kala manuša. Bičhav len mandar het, mi džan het pal mire jakha.

Roviben le Jeremijašiskro 3:44

Garuďal tut andre chmara, hoj e modľitba te na predžal ke tu.

3. Mojžišoskro 16:2

O RAJ phenďa le Mojžišoske: „Phen tire phraleske le Aronoske, hoj te na avel ča kana kamel andro Neksveteder than pal o pochtan anglo kritos, so hin pre archa la zmluvakri, hoj te na merel, bo me man sikavava upral oda kritos andre chmara.

Rimanenge 11:33

Ó, savo baro hino o Del andre peskro barvaľipen, goďaveripen the prindžaripen! Ko šaj achaľol leskre sudi a ko šaj avel pre oda, save hin leskre droma?

2. Tesaloničanenge 1:9

Lengro trestos hin, hoj ena zňičimen pro furt dur le Rajeskre mujestar the leskra slavakra zoratar,

Zjaveňje 15:1

A dikhľom aver znameňje pro ňebos, baro the igen čudno: efta aňjelen le efta posledne ranenca, bo lenca pes dokerela e choľi le Devleskri.

Zjaveňje 21:11

Sas les e slava le Devleskri a švicinelas sar žužo krištalos, avke sar o igen vzacno bar jaspis.