Židenge 7:24 - Le Devleskero Lav Andre Romaňi Čhib Slovensko 2021

²⁴ ale le Ježiš hin o rašajipen, so na predžal pre aver dženo, bo ov dživel furt.

Židenge 7:24 ပူးပေါင်းရင်းမြစ်များ

O Evaňjelium le Janoskro 12:34

O nipi leske odphende: „Amen šunďam andro Zakonos, hoj o Kristus ačhela pro furt! Sar oda, hoj tu phenes, hoj o Čhavo le Manušeskro mušinel te avel uprehazdlo? Ko hin oda Čhavo le Manušeskro?“

Rimanenge 6:9

Se džanas, hoj o Kristus ušťiľa andral o meriben, imar buter na merel a imar nane tel e zor le meribnaskri.

Rimanenge 9:5

Lendar hine o dada a lendar hine the ola, kastar avel o Kristus pal o ťelos, savo hino Del upral savorende a hino požehňimen pro furt. Amen.

Židenge 13:8

O Ježiš Kristus hino oda jekh idž, adadžives the na veki.

Židenge 7:28

Bo o zakonos ačhavel nekbareder rašajenge le manušen, save nane dokonala, ale e vera le Devleskri, savi avľa pal o zakonos, ačhavel le Čhas, savo hino dokonalo pro furt.

Zjaveňje 1:18

Me som the o Džido – somas mulo, ale dikh, som džido pro furt. Amen. Mande hin o kleji le peklostar the le meribnastar.

1. Samueloskro 2:35

Ačhavava mange verne rašas, savo kerela savoro, so hin andre miro jilo the andre miri goďi. Zoraľarava leskre čhaven, hoj mange te služinen pro furt angle miro pomazimen kraľis.