Židenge 6:7 - Le Devleskero Lav Andre Romaňi Čhib Slovensko 2021

⁷ O Del požehňinel odi phuv, so prilel furt o brišind a anel o uľipen, a del chasna olen, ko pre late keren buči.

Židenge 6:7 ပူးပေါင်းရင်းမြစ်များ

1. Mojžišoskro 1:11

Akor o Del phenďa: „Mi barol pre phuv savore rastlini: o rastlini, so anena o semena, the o ovocna stromi, so anena sako peskro uľipen.“ A sas avke.

1. Mojžišoskro 27:27

Ov geľa a čumidľa les. Sar šunďa e voňa leskre gadendar, požehňinďa les a phenďa: „Dikh, e voňa mire čhaskri hiňi sar e voňa la maľakri, savi požehňinďa o RAJ.

Žalmi 126:6

Rovibnaha džal avri oda, ko hordinel o semenos; radišagoha avela pale, sar anela peskri pšeňica.

Žalmi 24:5

Oda chudela o požehnaňje le RAJESTAR the o spravodľišagos le Devlestar, leskre Spasiťeľistar.

Izajaš 44:3

Bo čhivava avri o paňi pre smedno phuv a mukava o paňi prudoha pre šuki phuv. Čhivava avri mire Duchos pre tire čhave a miro požehnaňje pre tire potomki.

Ezechiel 34:26

Požehňinava len a the savoro, so hin pašal miro verchos. Bičhavava pre lende o brišinda andro spravno časos a ola brišinda ena pro požehnaňje!

Hozeaš 10:12

Sadzinen tumenge o spravodľišagos, skiden o verno kamiben, prekopaľinen tumenge e naorimen maľa, bo hin o časos te rodel le RAJES, medik na avela a na dela o spravodľišagos pre tumende sar brišind.

3. Mojžišoskro 25:21

Pro šovto berš tumen požehňinava avke, hoj tumenge barola dos uľipen pro trin berš.

Malachijaš 3:10

Anen caľi ďesjatka andro sklados, hoj te el o chaben andre miro kher. Avke man skušinen avri,“ phenel o Nekzoraleder RAJ, „či tumenge na otkerava o oblaki le ňeboskre a na čhivava pre tumende o požehnaňja, medik tumen na ela savorestar pherdo.

Matuš 7:8

Bo sako, ko mangel, chudel, a ko rodel, arakhel, a oleske, ko durkinel, pes phundravela.

2. Timoteoske 2:6

O manuš, savo kerel phares buči pre maľa, kamľahas ešebno te chudel le uľipnastar.

Jakob 5:7

Phralale, vašoda ľikeren avri, medik na avela o Raj. Dikh, o manuš, savo kerel buči pre maľa, užarel, medik na avela o jaruno the o jesuno brišind a dela les o lačho uľipen andral e phuv.