Židenge 10:35 - Le Devleskero Lav Andre Romaňi Čhib Slovensko 2021

³⁵ Vašoda džan dureder bi e dar, bo te ľikerena avri, užarel tumen baro počiňiben.

Židenge 10:35 ပူးပေါင်းရင်းမြစ်များ

Žalmi 19:11

Mon buter sar o somnakaj, sar pherdo žužo somnakaj; guleder hine sar o medos, sar o nekfeder medos.

Matuš 10:32

Ko man viznavinela anglo manuša, oles the me viznavinava angle miro Dad, so hino andro ňebos.

Matuš 10:42

A ko diňahas te pijel jekhes kale ciknorendar ča jekh poharis šilalo paňi vaš oda, hoj hino učeňikos, čačipen tumenge phenav, na našavela peskri odmena.“

Matuš 5:12

Radisaľon a thoven baripen, bo baro hin tumaro počiňiben andro ňebos, bo kavke džanas the pro proroka, save sas angle tumende.“

Лукастар 14:14

A aveha bachtalo, bo len nane soha tuke te visarel pale, a tiri odmena chudeha akor, sar ena o čačipnaskre uštade andral o meriben.“

1. Korinťanenge 15:58

A avke, mire lačhe phralale, aven zorale! Ma den tumenca te čhalavel! A ma preačhen te barol andre buči le Rajeskri! Se tumen džanen, hoj tumari buči andro Raj nane zbitočno.

Efežanenge 3:12

hoj pačabnaha andro Kristus te šaj avas slobodna the bi e dar anglo Del.

Židenge 10:19

Phralale, akana šaj džas prekal o rat le Ježišoskro bi e dar andro Neksveteder than,

Židenge 11:26

Te avel pre ladž vaš o Kristus sas prekal leste feder sar o barvaľipen andral o Egipt, bo dikhelas anglal pre peskro počiňiben.

Židenge 2:2

Se imar o lav, so sas vakerdo prekal o aňjela, pes sikaďa sar čačipen a sako, ko les na doľikerelas abo na šunelas, chudelas oda, so peske zaslužinelas.

Židenge 3:14

Se amen keras e buči jekhetane le Kristoha, ale ča akor, te doľikeraha zorales dži o koňec oda pačaben, so amen sas akor, sar chudňam te pačal.

Židenge 3:6

Ale o Kristus hino verno sar o Čhavo upral le Devleskro kher. A leskro kher sam amen, te doľikeraha zoraha o pačaben the e naďej, savaha pes lašaras.

Židenge 4:14

Vašoda ľikeras zoraha o pačaben, so viznavinas. Bo hin amen o Nekbareder Rašaj, savo geľa andro ňebos dži paš o Del – o Ježiš, o Čhavo le Devleskro.

2. Jan 1:8

Den pre tumende pozoris, hoj te na našaven oda, pre soste kerenas buči, ale hoj te chuden calo počiňiben.