Žalmi 99:9 - Le Devleskero Lav Andre Romaňi Čhib Slovensko 2021

⁹ Bararen le RAJES, amare Devles! Lašaren les pre leskro sveto verchos, bo o RAJ, amaro Del, hino sveto.

Žalmi 99:9 ပူးပေါင်းရင်းမြစ်များ

Žalmi 132:7

Amen phenďam: „Aven džas andro kher le RAJESKRO a banďuvas angle leskro tronos paš leskre pindre.“

Žalmi 2:6

„Me thoďom mire kraľis pro Sion, pre miro sveto verchos.“

Žalmi 99:3

Mi lašaren tiro baro the užasno nav, bo hino sveto!

Žalmi 99:5

Bararen le RAJES, amare Devles! Banďon tele paš leskre pindre! Ov hino sveto!

Izajaš 5:16

Ale o Nekzoraleder RAJ ela paš o sudos barardo; o spravodľiva skutki le Svete Devleskre sikavena, hoj hino sveto.

Izajaš 57:15

Bo kada phenel o Del, savo hino baro a barardo, savo dživel furt a saveskro nav hin sveto: „Me bešav pro učo the sveto than, ale som the oleha, ko kerel pokaňje andral o jilo a hino pokorno andro duchos, hoj te obdžiďarav olen, ko hine pokorna andro duchos, the olen, ko keren pokaňje andral o jile.

Izajaš 6:3

Jekh avreske vičinenas: „Sveto, sveto, sveto, hin o Nekzoraleder RAJ! Leskri slava pherdžarel caľi phuv!“

Habakuk 1:12

Či tu na sal večno, RAJEJA, miro Sveto Devla? Amen na meraha! RAJEJA, tu tuke kidňal avri le Babilončanen, hoj te anen tiro sudos; Skalo miri, tu len ačhaďal, hoj amen te maren.

Лукастар 1:49

bo bare veci prekal ma kerďa o zoralo Del, saveskro nav hin sveto.

Zjaveňje 3:7

„Le aňjeloske andre khangeri Filadelfia pisin: Kada phenel o Sveto, o Čačipnaskro, kaste hin e kleja le Davidoskri, oda, ko phundravel o vudar avke, hoj ňiko našťi phandel a phandel avke, hoj ňiko našťi phundravel:

Zjaveňje 4:8

Dojekha kale bitosťendar sas po šov kridli a sas len pherdo jakha avrunestar the andrunestar. A rat-džives na preačhen te vičinel: „Sveto, sveto, sveto hin o Raj, o Nekzoraleder Del, Oda, ko sas, ko hin a ko avela.“

1. Samueloskro 2:2

Ňiko nane ajso sveto sar o RAJ; nane ňiko, ča tu jekh; nane aver Skala, sar hin amaro Del.